ସତ୍ୟବାଦୀରେ ବିଶ୍ୱ ପ୍ରାଣୀ ଚିକିତ୍ସା ସପ୍ତାହ ପାଳନ ଅବସରରେ ସଚେତନତା ଶିବିର

Awareness camp on the occasion of World Veterinary Week in Satyavadi.

ସାକ୍ଷୀଗୋପାଳ----ସତ୍ୟବାଦୀ ବ୍ଳକର ବୀରରାମଚନ୍ଦ୍ରପୁର ଅନ୍ତର୍ଗତ କବିରାଜପୁର ଗ୍ରାମର ଖଣାଖିଆ ମହାଦେବଙ୍କ ମନ୍ଦିର ପ୍ରାଙ୍ଗଣରେ ଏକ ବିଶ୍ୱ ପ୍ରାଣୀ ଚିକିତ୍ସା ସପ୍ତାହ ପାଳନ ଅବସରରେ ଏକ ସଚେତନତା ଶିବିର ଅନୁଷ୍ଠିତ ହୋଇଯାଇଛି । ଏହି ସଚେତନତା ଶିବିରର ଆୟୋଜକ ଥିଲେ ଜିଲ୍ଲା ପ୍ରାଣୀ ଚିକିତ୍ସା ବିକାଶ ବିଭାଗ,ପୁରୀ । ଏହି ଶିବିରରେ ଜିଲ୍ଲା ସହାୟକ ମୁଖ୍ୟ ପ୍ରାଣୀ ଚିକିତ୍ସା ଅଧିକାରୀ ଡ. ଗଙ୍ଗାଧର ଲେଙ୍କା ସଭାପତିତ୍ୱ କରିଥିଲେ । ଅତିଥି ଭାବେ ବ୍ଳକ ଅଧ୍ୟକ୍ଷ ସୁନିଲ କୁମାର ପଣ୍ଡା, ଆତ୍ମାର ସଭାପତି ରାମଚନ୍ଦ୍ର ମହାନ୍ତି, ବୀରରାମଚନ୍ଦ୍ରପୁର ସରପଞ୍ଚ ଦୀପା ବେହେରା ଯୋଗଦେଇ ଗାଈ ସମସ୍ତେ ଚାଷ କରିବା ଆବଶ୍ୟକତା ଆସିଲାଣି ବୋଲି ଅତିଥି ମାନେ ମତ ପ୍ରକାଶ କରିଥିଲେ । ବିଶେଷ କରି ରାଜ୍ୟ ସରକାର ଓ ପ୍ରାଣୀଚିକିତ୍ସା ବିଭାଗ ପକ୍ଷରୁ ଗାଈ ଚାଷ ପାଇଁ ସମସ୍ତ ପ୍ରକାରର ସହଯୋଗର ହାତ ବଡାଇଛି ବୋଲି ବ୍ଳକ ଅଧ୍ୟକ୍ଷ ଶ୍ରୀ ପଣ୍ଡା କହିଥିଲେ । କଣାସ ମଣ୍ଡଳର ପ୍ରାଣୀ ଚିକିତ୍ସା ଅଧିକାରୀ ଡ. ବିଶ୍ୱରଞ୍ଜନ ବେହେରା ଓ ଡେଲାଙ୍ଗ ମଣ୍ଡଳ ପ୍ରାଣୀ ଚିକିତ୍ସା ଅଧିକାରୀ ଡ. କେ ଦେରାଙ୍କ ସହ ପାୟ ୫୦ ଜଣ ଗୋପାଳକ ମାନେ ଯୋଗଦେଇଥିଲେ । ଏହି ଅବସରରେ ଚରଣ ବେହେରା, କରୁଣାକର ପ୍ରଧାନ, ବିଶ୍ୱନାଥ ବିଶ୍ୱାଳ, ଗୋପାଳ ଚନ୍ଦ୍ର ରାଉତ, ଦୁର୍ଗା ଚରଣ ପ୍ରଧାନ, ଯୋଗେନ୍ଦ୍ର ପ୍ରଧାନ ଚାଷୀ ମାନଙ୍କୁ ସିଲ ଓ ମାନପତ୍ର ଦେଇ ସମ୍ମାନୀତ କରାଯାଇଥିଲା । କାର୍ଯ୍ୟକ୍ରମକୁ ସତ୍ୟବାଦୀ ମଣ୍ଡଳ ପ୍ରାଣୀ ଚିକିତ୍ସା ଅଧିକାରୀ ଡ. ଜ୍ଞାନରଞ୍ଜନ ମିଶ୍ର କାର୍ଯ୍ୟକ୍ରମକୁ ସଂଯୋଜନା କରିଥିଲେ । ସତ୍ୟବାଦୀ ମଣ୍ଡଳ ପ୍ରାଣୀ ଚିକିତ୍ସା ସହାୟକ ଡ. ମୌସୁମି ମହାପାତ୍ର ଓ ବିଶ୍ୱଜିତି ଶତପଥୀ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ ।