ଜଙ୍ଗଲରୁ ମହିଳାଙ୍କ ଝୁଲନ୍ତା ମୃତଦେହ ଉଦ୍ଧାର.... ସ୍ବାମୀ ଗିରଫ

Woman's hanging body rescued from forest .... Husband arrested

ଭଞ୍ଜନଗର - ଜଙ୍ଗଲରୁ ବିବାହିତା ମହିଳାଙ୍କ ଝୁଲନ୍ତା ମୃତଦେହ ଉଧାର ଘଟଣାରେ ସ୍ବାମୀ ଗିରଫ । ତାଙ୍କ ନାମ ରବିନ୍ଦ୍ର କୁମାର ପାତ୍ର ।  ତାରସିଂ ଥାନା ପୋଲିସ ରବିନ୍ଦ୍ର ଙ୍କୁ ଗିରଫ କରି କୋର୍ଟ ଚାଲାଣ କରିଥିବା  ଥାନା ଅଧିକାରୀ ପ୍ରଦିପ୍ତ କୁମାର ଦାଶଙ୍କ ଠାରୁ ସୂଚନା ମିଳିଛି   । ଖବର ଅନୁସାରେ ଗତ ୨୧ ତାରିଖରେ  ବଡଗୁଣ୍ଡୁରିବାଡି   ରବିନ୍ଦ୍ର କୁମାର ପାତ୍ର ଙ୍କ ସ୍ତ୍ରୀ ଆଶା ପାତ୍ର(୩୦) ଙ୍କ ଗାଁ ନିକଟ ଜଙ୍ଗଲରୁ ଝୁଲନ୍ତା ମୃତଦେହ ଦେଖି  କିଛି ଲୋକ ପୋଲିସକୁ ଖବର ଦେଇଥିଲେ ।  ଖବର ପାଇ ତାରାସିଂ ଥାନା ପୋଲିସ ଘଟଣାସ୍ଥଳରେ ପହଞ୍ଚି ମୃତ ଦେହକୁ ଜବତ କରିଥିଲେ । ନିକଟସ୍ଥ ତୋଲଡି ଗାଁ ର ମଦନ ପ୍ରଧାନ ଙ୍କ ଝିଅ ଆଶା ପାତ୍ର , ଗତ ୨୦୦୫ ମସିହାରେ ବଡଗୁଣ୍ଡୁରିବାଡି ଗାଁ ର ରବିନ୍ଦ୍ର କୁମାର ପାତ୍ର ଙ୍କୁ ବିବାହ କରିଥିଲେ । ତାଙ୍କର ୧୪ ବର୍ଷର ଗୋଟିଏ ପୁଅ ଓ ୧୨ ବର୍ଷର ଗୋଟିଏ ଝିଅ ଅଛନ୍ତି । ପାରିବାରିକ ଅସନ୍ତୋଷ କୁ କେନ୍ଦ୍ରକରି , ଆଶା ନିଜେ ବେକରେ ଲୁଗା ବାନ୍ଧି,  ଆତ୍ମହତ୍ୟା କରିଥିବା କୁହାଯାଇଥିଲା ।  ଏନେଇ ମୃତ ମହିଳାଙ୍କ ବାପା ,  ଝିଅକୁ ପିଟିପିଟି ମାରି ଦେଇଥିବା ନେଇ ସ୍ବାମୀ ରବିନ୍ଦ୍ରଙ୍କ ନାମରେ ଥାନାରେ ଲିଖିତ ଅଭିଯୋଗ କରିଥିଲେ   । ୨୧.୪.୨୦୨୨ତାରିଖ ଠାରୁ ରବିନ୍ଦ୍ର ଫେରାର ରହିଥିଲା । ଶୁକ୍ରବାର ତାରସିଂ ପୁଲିସ ସ୍ବାମୀ ରବିନ୍ଦ୍ର  ଗ୍ରାମରେ ଥିବାର ଖବର ପାଇ ରବିନ୍ଦ୍ରର ଘର ଉପରେ ଚଢାଉ କରିଥିଲା । ଅଭିଯୁକ୍ତ ରବିନ୍ଦ୍ରକୁ ଗିରଫ କରିବା ସହ କୋର୍ଟ କୁ ଚାଲାଣ କରାଯାଇଥିବା ନେଇ ,  ଥାନାଧିକାରୀ ଶ୍ରୀ ଦାଶ କହିଛନ୍ତି । ଭଞ୍ଜନଗରରୁ ରବିନ୍ଦ୍ର ପ୍ରଧାନଙ୍କ ରିପୋର୍ଟ,୨୪/୪/୨୦୨୨ ---୪,୧୦  Sakhigopal News,24/4/2022