Hrishikesh Padhi pleads not to restrict Forest Festival week
ଡେଲାଙ୍ଗ :ବନଦିବସ ସପ୍ତାହ ପାଳନ କୁ ସପ୍ତାହ ରେ ସୀମିତ ନ ରଖିବା ପାଇଁ ନିବେଦନ କରିଛନ୍ତି ସବୁଜ ଡେଲାଙ୍ଗ ଟ୍ରଷ୍ଟ ବୋଳକଣା, ଡେଲାଙ୍ଗ, ପୁରୀ ର ଅଧ୍ୟକ୍ଷ ପ୍ରକୃତିମିତ୍ର, ଆଇନଜୀବି ହୃଷୀକେଶ ପାଢ଼ୀ । ଡେଲାଙ୍ଗ ରେ ବନମହୋତ୍ସବ ସପ୍ତାହ ପାଳନ ପରେ ସେ ତାଙ୍କର ଅଭିଯାନ କୁ ଜାରି ରଖି ପବିତ୍ର ବାହୁଡା଼ ଯାତ୍ରା ଅବସରରେ ନିଜ ଗ୍ରାମରୁ ପୁରୀ ଅଭିମୁଖେ ବାହାରି ଜନସଚେତନତା ସୃଷ୍ଟି କରିଛନ୍ତି । ବୀରଗୋବିନ୍ଦପୁର ର ଦକ୍ଷିଣକାଳୀ ମନ୍ଦିରରେ ଶ୍ରଦ୍ଧାଳୁ ତଥା ଗ୍ରାମବାସୀ ମାନଙ୍କୁ ପରିବେଶ ସମ୍ପର୍କରେ ସଚେତନ କରାଇବା ସହ ପ୍ରତ୍ୟେକ ଗୋଟିଏ ଗୋଟିଏ ଗଛ ଲଗାଇ ପରିବେଶ ସୁରକ୍ଷା କରିବା ସହ ବନମାହୋସ୍ତବ କୁ ବର୍ଷବ୍ୟାପୀ ଚାଲୁରଖିବା ପାଇଁ ନିବେଦନ କରିଛନ୍ତି ରାଜ୍ୟ ସରକାରଙ୍କୁ । ମନ୍ଦିର ପୂଜକ ଦେବ ପ୍ରସାଦ ମିଶ୍ର ମା ' ଙ୍କ ଆଶିଷ ପ୍ରଦାନକରି ସବୁଜ ଡେଲାଙ୍ଗ ଟ୍ରଷ୍ଟ ର ଶୁଭ ମନାସିଥିଲେ |ଏହାପରେ ବୀରନରସିଂହ ପୁରର ଭଗବତୀ ଛିନ୍ନମସ୍ତାଙ୍କ ପୀଠରେ ଜନସଚେତନତା ସୃଷ୍ଟି କରାଯାଇଥିଲା |ପରେ ପରେ ପୁରୀ ଶ୍ରୀଗୁଣ୍ଡିଚାମନ୍ଦିର ସମ୍ମୁଖରେ ଅଗଣିତ ଭକ୍ତମାନଙ୍କୁ "ପରିବେଶ ପାଇଁ ଗଛଟିଏ ' ସଚେତନ କରିବାସହ ପଲିଥିନ ମାଟିରେ ମିସୁନଥିବାରୁ ତଥା ପରିବେଶ ପ୍ରତି ବିପଦ ଥିବାରୁ ଏହାକୁ ବ୍ୟବହାର ନକରିବା ପାଇଁ ସଚେତନତା କରାଇଥିଲେ । ଅନ୍ୟମାନଙ୍କ ମଧ୍ୟରେ ପ୍ରଚଣ୍ଡପୁର ପ୍ରାଇମେରୀସ୍କୁଲ ଶିକ୍ଷକ ଦୁଃଶାସନ ସାହୁ, ନିମାକେରାପ୍ରାଇମେରୀ ସ୍କୁଲ ଶିକ୍ଷକ ସଦାଶିବ ବିଶ୍ୱାଳ ଓ ଷ୍ଟାମ୍ପଭେଣ୍ଡର ଉପନିବନ୍ଧକ କାର୍ଯ୍ୟାଳୟ ଡେଲାଙ୍ଗ ର ଭାସ୍କର ସାହୁ କାର୍ଯ୍ୟକ୍ରମ ରେ ସହଯୋଗ କରିଥିଲେ ।
ଡେଲାଙ୍ଗ ରୁ ଧୀରେନ୍ଦ୍ର ସେନାପତି ଙ୍କ ରିପୋର୍ଟ,୧୦/୭/୨୦୨୨----୬,୫୫ Sakhigopal News,10/7/2022
.jpg)
.jpg)
