ରାମହରି ଦାସ ଓଡ଼ିଶୀ ଗୁରୁକୁଳର ଅଷ୍ଟମ ବାର୍ଷିକୀ ଉତ୍ସବ ଉଦଘାଟିତ

Ramhari Das inaugurates the eighth anniversary of the Odissi Gurukul.

 ସାକ୍ଷୀଗୋପାଳ ----କଳା ସଂସ୍କୃତିରେ ପରିପୂର୍ଣ୍ଣ ସତ୍ୟବାଦୀ ଅଞ୍ଚଳରେ ଗ୍ରାମୀଣ ପରିବେଶ ରେ ଅନୁଷ୍ଠିତ ରାମହରି ଦାସ ଓଡ଼ିଶୀ ଗୁରୁକୁଳର ପରିସର ରେ ଥିବା ମୁକ୍ତାକାଶ ରଙ୍ଗମଞ୍ଚରେ ଅଷ୍ଟମ ଗୁରୁକୁଳ ଉତ୍ସବ ଉଦଘାଟିତ ହୋଇଯାଇଛି । ଏହି ଉଦଘାଟନୀ ସନ୍ଧ୍ୟା ରେ  ସମ୍ମାନିତ ଅତିଥି ଭାବେ ଅନୁଷ୍ଠାନ ର ପ୍ରତିଷ୍ଠାତା ଗୁରୁ ରାମହରି ଦାଶ,  ଓଡିଶି ସଙ୍ଗୀତ ଗାୟକ ପ୍ରଶାନ୍ତ ସାମଲ, ଆଇନଜୀବୀ ଶ୍ରୀ ଅଞ୍ଜନ କୁମାର ହୋତା, ସ୍ଥାନୀୟ ସରପଞ୍ଚ ଚିନ୍ମୟ କ୍ରିଷ୍ଣାବେଣୀ ଭଞ୍ଜ,  ମର୍ଦ୍ଦଳ ବାଦକ ଗୁରୁ ସଚ୍ଚିଦାନନ୍ଦ ଦାସ, ଗୁରୁକୁଳର ଅଧ୍ୟକ୍ଷ ଧନେଶ୍ଵର ସ୍ବାଇଁ ଋ ପ୍ରଦୀପ ପ୍ରଜ୍ଜ୍ଵଳନ  କରି କାର୍ଯ୍ୟକ୍ରମକୁ ଉଦଘାଟନ କରିଥିଲେ । 

 ଉଦଘାଟନୀ ସଭାରେ ରାମହରି ଗୁରୁକୂଳ ଅନୁଷ୍ଠାନ ର ପ୍ରତିଷ୍ଠାତା ଗୁରୁ ରାମହରି ଦାଶ ସ୍ବାଗତ ଭାଷଣ ଦେଇଥିଲେ । ଅନୁଷ୍ଠାନ ପକ୍ଷରୁ ଅତିଥି ମାନଙ୍କୁ ଫୁଲତୋଡ଼ା ଓ ଉପଢ଼ୌକନ ଦେଇ ସମ୍ମାନିତ କରାଯାଇଥିଲା ।  ସନ୍ଧ୍ୟାରେ ଗୁରୁକୁଳରେ ଶିକ୍ଷା ଲାଭ କରୁଥିବା   ଛାତ୍ରଛାତ୍ରୀ ମାନଙ୍କ ଦ୍ଵାରା ଓଡ଼ିଶୀ କଣ୍ଠ ସଙ୍ଗୀତ , ମର୍ଦଳ ଓ ନୃତ୍ୟ ସହିତ  ବିଭିନ୍ନ କାର୍ଯ୍ୟକ୍ରମ ପରିବେଷଣ କରାଯାଇଥିଲା ।  ଛାତ୍ରଛାତ୍ରୀ ମାନଙ୍କ ଦ୍ଵାରା ମଙ୍ଗଳା ଚରଣ, ସରସ୍ଵତୀ ବନ୍ଦନା, ବସନ୍ତ ପଲ୍ଲବୀ, ଅଭିନୟ ରେ ନବଦୁର୍ଗା, ମୋକ୍ଷ ଓ ଲୋକନୃତ୍ୟ ଦର୍ଶକ ମାନଙ୍କ ର ଚିତ୍ତ କୁ ଆକର୍ଷିତ କରିଥିଲା। ଏହି ଉତ୍ସବ କୁ ପରିଚାଳନା କରିଥିଲେ ଡକ୍ଟର ଶ୍ରୀନିବାସ ଘଟୁଆରୀ ଏବଂ ସଂଯୋଜନା କରିଥିଲେ ଗୁରୁକୁଳ ର ସମସ୍ତ ନ୍ୟାସୀ ଏବଂ ବରିଷ୍ଠ ଛାତ୍ରଛାତ୍ରୀ ମାନେ। ପରିଶେଷରେ ଧନ୍ୟବାଦ ଅର୍ପଣ କରିଥିଲେ ଅନୁୁୁଷ୍ଠାନର ଅଧ୍ୟକ୍ଷ ଗୁରୁ ଧନେଶ୍ଵର ସ୍ଵାଇଁ ।

ସାକ୍ଷୀଗୋପାଳ ରୁ ଧୀରେନ୍ଦ୍ର ସେନାପତି ଙ୍କ ରିପୋର୍ଟ,୧୬/୪/୨୦୨୨----୮,୧୫ Sakhigopal News,16/4/2022