କଂଗ୍ରେସ ଦଳରେ ସାମିଲ ହେଲେ ବିଜେଡି କର୍ମୀ

 ସାକ୍ଷୀଗୋପାଳ---ପୁରୀ ଜିଲ୍ଲାର ସତ୍ୟବାଦୀ ବ୍ଳକ ଅନ୍ତର୍ଗତ ପରଜାପଡା ପଞ୍ଚାୟତ ପାଲା ମଣ୍ଡପରେ କଂଗ୍ରେସର ଏକ କର୍ମୀ ସମ୍ମଳନୀ ଅନୁଷ୍ଠିତ ହୋଇଯାଇଛି  ।  ଏହି ସମ୍ମଳନୀରେ ବଂଶୀଧର ପରିଡା ତାଙ୍କର ସମର୍ଥକଙ୍କ ସହ କଂଗ୍ରେସରେ ସାମିଲ ହୋଇଥିବାର କଂଗ୍ରେସ ପକ୍ଷରୁ କୁହାଯାଇଛି  । ଏହି ମିଶ୍ରଣ ପର୍ବରେ  ପୂର୍ବତନ ପିସିସି ସଭାପତି ପ୍ରସାଦ ହରିଚନ୍ଦନ ସଭାପତିତ୍ୱ କରିଥିଲେ  ।  ଶ୍ରୀ ପରିଡାଙ୍କୁ  ଫୁଲମାଳ ପକାଇ କଂଗ୍ରେସର ସଦସ୍ୟ ଭାବେ ଗ୍ରହଣ କରାଯାଇଥିଲା   ।  ବିଜେଡି ସରକାରଙ୍କ ସମୟରେ ସତ୍ୟବାଦୀରେ ପିସି କାରବାର, ଗୁଣ୍ଡାରାଜ, ଦୁର୍ନୀତିର ଶେଷ ସୀମା ବିରୋଧରେ  ବୈଠକରେ ଆଲେଚନା କରାଯାଇଥିଲା  । ବିଜେପି ଓ ବିଜେଡି କୃଷକ ମାରଣ ନୀତି ଉପରେ ଶ୍ରୀ ହରିଚନ୍ଦନ ଆଲୋକପାତ କରିଥିଲେ  । ରାଜସ୍ଥାନ, ମଧ୍ୟପ୍ରଦେଶ ଓ ଛତିଶଗଡ ରେ କଂଗ୍ରେସ ସରକାର ଗଠନ କରି କୃଷି ଋଣ ଛାଡ କରିବା ଓ ଧାନ କୁଇଣ୍ଟାଲ ୨୫ଶହ ଟଙ୍କା କରିଛନ୍ତି ବୋଲି କହିଥିଲେ  । ସଭାରେ ପରଜାପଡା ଗ୍ରାମ ପଞ୍ଚାୟତର ସରପଞ୍ଚ ବନିତା ପରିଡା, ସରପଞ୍ଚ ସୁବାଷ ମହାପାତ୍ର, ସମିତି ସଭ୍ୟ କୃଷ୍ଣଚନ୍ଦ୍ର ବରାଳ, ପୂର୍ବତନ ପଞ୍ଚାୟତ ସମିତି ଅଧ୍ୟକ୍ଷ ଜୟନ୍ତ ହୋତା , ଶରତ ମାଝି, ଶଙ୍କର ପ୍ରଧାନ, ସୁଶାନ୍ତ ଶତପଥି, ମଙ୍ଗୁଳି ସ୍ୱାଇଁ, ନାରାୟଣ ସ୍ୱାଇଁ, ରାମଚନ୍ଦ୍ର ଚୌଧୁରୀ, ପୂର୍ଣ୍ଣପରିଡା, ହରି ପରିଡା, କାଳେନ୍ଦୀ ସାହୁ, ନୃସିଂହ ନନ୍ଦ ଓ ଗୋପାଳ ଚନ୍ଦ୍ର ମିଶ୍ରଙ୍କ ସହ ପ୍ରାୟ ଶତାଧିକ କର୍ମୀ ଯୋଗଦେଇ ଆଗାମୀ ନିର୍ବାଚନକୁ ଆଖି ଅଗାରେ ରଖି କଂଗ୍ରେସ କର୍ମୀ ମାନେ ସଂଗଠିତ ହେବା ପାଇଁ ଆଲେଚନା କରାଯାଇଥିଲା  । ଏହିପରି ବିଭିନ୍ନ ପଞ୍ଚାୟତରେ ର୍କମୀ ସମ୍ମଳନୀ ସହିତ ମିଶ୍ରଣ ପର୍ବ କରାଯିବ ବୋଲି ଶ୍ରୀ ଜୟନ୍ତ କୁମାର ହୋତାଙ୍କ ଠାରୁ ପ୍ରକାଶ   ।

ସାକ୍ଷୀଗୋପାଳରୁ ଧୀରେନ୍ଦ୍ର ସେନାପତି

CONGRESS DALA RE SAMIL HELE BJD KARMI

BY - DHIRENDRA SENAPATI ( SAKHIGOPAL )

SAKHIGOPAL NEWS