ମୁନିଦା ଠାରେ ଧାନମଣ୍ଡି ଉଦଘାଟନ ସହ କଲ୍ଯାଣ ମଣ୍ଡପର ଶିଳାନ୍ଯାସ କଲେ କୃଷି ଓ ପଞ୍ଚାୟତ ରାଜ ମନ୍ତୀ , ଶ୍ରୀ ମହାରଥୀ

ଡେଲାଙ୍ଗ---  ମୁନିଦା ପଞ୍ଚାୟତର ରାଜିବଗାନ୍ଧୀ ଭବନ ନିକଟରେ କଲ୍ୟାଣ ମଣ୍ଡପର ଶିଳାନ୍ୟାସ କୃଷି ଓ ପଞ୍ଚାୟତରାଜ ମନ୍ତ୍ରୀ ପ୍ରଦୀପ ମହାରଥୀ , ବ୍ଳକ ଅଧ୍ୟକ୍ଷ ପ୍ରସନ୍ନ ସାହୁ ନଡିଆ ବାଡେଇ ଶୁଭ ଦେଇଥିଲେ । ବିଡିଓ କ୍ଷୀରୋଦ ପ୍ରଧାନ ଏହି ମଣ୍ଡପ ପାଇଁ ୩୫ ଲକ୍ଷ ଟଙ୍କାର ଅର୍ଥ ମଞ୍ଜୁର କରାଯାଇଛି । ରାଜ୍ୟ ସରକାର ୨୦ ଲକ୍ଷ ଦେଉଥିବା ବେଳେ ପଞ୍ଚାୟତ ପଣ୍ଡରୁ ୧୫ ଲକ୍ଷ ଟଙ୍କା ଦେବ ବୋଲି ସରପଞ୍ଚଙ୍କ ପ୍ରତିନିଧି ନରେନ୍ଦ୍ର ପରିଡାଙ୍କ ଠାରୁ ସୂଚନା ମିଳିଛି । ଅନ୍ୟ ମାନଙ୍କ ମଧ୍ୟରେ ମିଶନ ଶକ୍ତି ମହିଳା ମହାସଂଘର ସମ୍ପାଦିକା ବାସନ୍ତୀ ସାହୁ, ସ୍ଥାନୀୟ ସରପଞ୍ଚ ସଂନ୍ଧ୍ୟାରାଣୀ ପରିଡା, ପୁର୍ବତନ ସରପଞ୍ଚ ନରେନ୍ଦ୍ର ପରିଡା, ବ୍ଳକ ସମିତି ଉପାଧ୍ୟକ୍ଷାଙ୍କ ପ୍ରତିନିଧି କବିନ୍ଦ୍ର ବଳବନ୍ତରାୟଙ୍କ ସହିତ ବିଭିନ୍ନ ପଞ୍ଚାୟତର ସରପଞ୍ଚ ଓ ସମିତିସଭ୍ୟସଭ୍ୟା ମାନେ ଉପସ୍ଥିତ ରହିଥିଲେ । ସେହିପରି ବାଲୁଙ୍କେଶ୍ୱର ସେବା ସମବାୟ ସମିତି ପରିସରରେ ଧାନମଣ୍ଡି କୃଷି ଓ ପଞ୍ଚାୟତରାଜ ମନ୍ତୀ ଶ୍ରୀ ମହାରଥୀ ଉଦ୍ଘାଟନ କରିଥିଲେ । ସେଠାରେ ସେବା ସମବାୟ ସମିତିର ସଭାପତି ଅମୀୟ କୁମାର ପରିଡା ଓ ସମ୍ପାଦକ ଦିଲୀପ କୁମାର ପଣ୍ଡାଙ୍କ ସହ ସରପଞ୍ଚଙ୍କ ପ୍ରତିନିଧି ଶ୍ରୀ ପରିଡା ଓ ବ୍ଳକ ଅଧ୍ୟକ୍ଷ ଶ୍ରୀ ସାହୁ ପ୍ରମୁଖ ଉପସ୍ଥିତ ରହିଥିଲେ । ଆଜି ପ୍ରଥମ ଦିନରେ ୪୦ କୁଇଣ୍ଟାଲ ଧାନ ଚାଷୀ ମାନଙ୍କ ଠାରୁ କିଣାଯାଇଥିବା ଜଣାପଡିଛି । 

 

ଡେଲାଙ୍ଗରୁ ଧୀରେନ୍ଦ୍ର ସେନାପତି