ରାସ୍ତାର ନବୀକରଣ ପାଇଁ ଶିଳାନ୍ଯାସ କଲେ କୃଷି ଓ ପଞ୍ଚାୟତରାଜ ମନ୍ତୀ ଶ୍ରୀ ମହାରଥୀ
ଡେଲାଙ୍ଗ---ଭୁବନେଶ୍ୱର -ପୁରୀ ନଂ୩୧୬ ଜାତୀୟ ରାଜପଥର ଠାରୁ ବୀରପୁରୁଷୋତ୍ତମପୁର ଗ୍ରାମ୍ୟ ୫ କି. ମି ରାସ୍ତାର ନବୀକରଣ କରିବା ପାଇଁ ରବିବାର କୃଷି ଓ ପଞ୍ଚାୟତରାଜ ମନ୍ତ୍ରୀ ଭୂମିପୂଜା କରିବା ସହ ଉପସ୍ଥିତ ଥିବା ଜନସାଧାରଣଙ୍କୁ କହିଥିଲେ ବିଜେଡି ସରକାରଙ୍କ ସମୟରେ ଉନ୍ନୟନ ମୂଳକ କାର୍ଯ୍ୟ କରିବା ପାଇଁ ଅର୍ଥର ଅଭାବ ନାହିଁ । ଜାତୀୟ ରାଜପଥ ସହିତ ପ୍ରାୟ ଗ୍ରାମ୍ୟ ରାସ୍ତା ସଂଯୋଗ କରଣ କରାଯାଇଛି ବୋଲି ମନ୍ତ୍ରୀ ଶ୍ରୀ ମହାରଥୀ କହିଥିଲେ । ଏହି ଅବସରରେ ଅନୁଷ୍ଠିତ ସଭାରେ ଡେଲାଙ୍ଗ ବ୍ଳକର ପୂର୍ବତନ ବ୍ଳକ ଅଧ୍ୟକ୍ଷ ବୈରାଗୀ ଜେନା ସଭାପତିତ୍ୱ କରି ଡେଲାଙ୍ଗ-ପିପିଲି ନିର୍ବାଚନ ମଣ୍ଡଳୀରେ କେଉଁଠି ଆଉ ନାଲି ମୋରମ ରାସ୍ତା ନାହିଁ ବୋଲି କହିଥିଲେ । ଏହି ରାସ୍ତାଟି ଏବେ ଗ୍ରାମ୍ୟ ଉନ୍ନୟନ ସଂସ୍ଥା ଅଧୀନରେ ରହିଛି । ବିଭାଗୀୟ ସହକାରୀ ଯନ୍ତ୍ରୀ ପ୍ରସନ୍ନ କୁମାର ପଟ୍ଟନାୟକ ସଭାରେ ପ୍ରାରମ୍ଭିକ ସୂଚନା ପ୍ରଦାନ କରିଥିଲେ । ୧ କୋଟି ୬୨ ଲକ୍ଷ୭ ହଜାରଟଙ୍କା ଏହି ରାସ୍ତାରେ ଅର୍ଥ ଖର୍ଚ୍ଚ କରାଯିବ । ୩.୧୫୦ କି,ମି ପିଚୁ ରହିଥିବା ବେଳେ ୧.୮୫୦ ଗୋଡି ସିମଣ୍ଟେ ଢ଼ଲେଇ, ୫ଟି କଲଭଟ ସହ ୧୭୭ ମିଟର ସୁରକ୍ଷା ପାଚେରୀ ରହିଛି ସମ୍ପର୍କରେ ସୂଚନା ପ୍ରଦାନ କରିଥିଲେ । ଅନ୍ୟ ମାନଙ୍କ ମଧ୍ୟରେ ପୂର୍ବତନ ସରପଞ୍ଚ ଧୁବଚରଣ ପ୍ରଧାନ, ପଞ୍ଚାୟତର ସରପଞ୍ଚ ରଞ୍ଜୁ ବେହେରା, ସମିତିସଭ୍ୟା ମଧୁସ୍ମିତା ମଲିକ ଓ ବାସଦେବ ( ଲିଟୁ ) ଦାଶ ପ୍ରମୁଖ ଉପସ୍ଥିତ ରହିଥିଲେ ।
ଡେଲାଙ୍ଗରୁ ଧୀରେନ୍ଦ୍ର ସେନାପତି
RASTARA NABIKARANA PAIN SILANYASA KALE KRUSHI O PANCHAYAT RAJ MANTRI SRI MAHARATHI
NEWS BY - DHIRENDRA SENAPATI ( DELANGA )
SAKHIGOPAL NEWS
