ରଘୁନାଥ ଆଥଲେଟିକ ଆସୋସିଏସନର ପୁରାତନ ସଦସ୍ୟଙ୍କ ବନ୍ଧୁମିଳନ

ଓଡ଼ଗାଁ,---- : ସ୍ଥାନୀୟ ବ୍ଲକ ନିକଟସ୍ଥ କଲ୍ୟାଣମଣ୍ଡପଠାରେ ରଘୁନାଥ ଆଥଲେଟିକ ଆସୋସିଏସନର ପୁରାତନ ସଦସ୍ୟମାନଙ୍କର ଏକ ବନ୍ଧୁମିଳନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି।ଅନୁଷ୍ଠାନ ସମ୍ପାଦକ ଦିବାକର ନାୟକଙ୍କ ସଭାପତିତ୍ବରେ ଆୟୋଜିତ ବୈଠକରେ ୮୦ ଜଣ ସଭ୍ୟ ଯୋଗ ଦେଇ ପରସ୍ପର ମଧ୍ୟରେ ସୁଖଦୁଃଖ ବାଣ୍ଟିବା ସହ ପୁରୁଣା ସ୍ମୃତିକୁ ସାଉଣ୍ଟିଥିଲେ ।  ଓଡ଼ଗାଁ ଅଞ୍ଚଳରେ କ୍ରୀଡା ଭିତ୍ତିଭୂମିକୁ ଆହୁରୀ ସୁଦୃଢ଼ କରିବା ସକାଶେ ବିଭିନ୍ନ ପ୍ରକାର କାର୍ଯ୍ୟକ୍ରମ ହାତକୁ ନିଆଯିବ ବୋଲି ବୈଠକରେ ନିଷ୍ପତ୍ତି ଗ୍ରହଣ କରାଯାଇଛି ।  ସେହିପରି ଅନୁଷ୍ଠାନର ୫୦ ବର୍ଷ ପୂର୍ତ୍ତି ଅବସରରେ ସୁବର୍ଣ୍ଣ ଜୟନ୍ତୀ ପାଳନ କରିବା ନିମନ୍ତେ ବୈଠକରେ ସ୍ଥିରୀକୃତ ହୋଇଛି।ଏ ନେଇ ଏକ ପରିବର୍ଦ୍ଧିତ କମିଟି ଗଠନ କରାଯାଇଥିଲା।ଉକ୍ତ ବୈଠକରେ ଅନୁଷ୍ଠାନର ପ୍ରତିଷ୍ଠାତା ସଦସ୍ୟ ଜିଲ୍ଲା ପରିଷଦ ସଂଘ ସଭାପତି ଦେବାଶିଷ ପଟ୍ଟନାୟକ, ପୁରାତନ ସଦସ୍ୟ ବ୍ଲକ ଅଧ୍ୟକ୍ଷ ଲୋକନାଥ ସାହୁ, କୁମାର ଦେବଦତ୍ତ ଓ ଅନ୍ୟମାନେ ଉପସ୍ଥିତ ଥିଲେ। ଓଡ଼ଗାଁ ରୁ ଦୀଲିପ କୁମାର ବିଷୋୟୀ ଙ୍କ ରିପୋର୍ଟ,୩୧/୧/୨୦୨୩----୮,୧୫ Sakhigopal News,31/1/2023