ରାସ୍ତା ଉପରେ ମରଣଯନ୍ତ୍ରା ଠିଆ ହୋଇଛି

ଅତାବିରା----ବରଗଡ ଜିଲ୍ଲା ଅତାବିରା ଏନଏସି ସ୍ଥିତ ରେଙ୍ଗାଲିକ୍ୟାମ୍ପର ପାହାଡଶ୍ରୀଗିଡା କେନାଳ ରାସ୍ତାରେ ଜଳସେଚନ ବିଭାଗ ପକ୍ଷରୁ ମରଣଯନ୍ତ୍ରୀ ରଖାଯାଇଛି ବୋଲି ଜନସାଧାରଣଙ୍କ ଠାରୁ ଶୁଣିବାକୁ ମିଳୁଛି । ସୁଚନାଯୋଗ୍ୟ ଯେ ଉକ୍ତ ରାସ୍ତାରେ ଏକ ବଡଗଛ ଶୁଖିକି ମରି ଯାଇଛି । ପବନ ଟିକେ ହେଲେ ଗଛ ଦୋହଳ ମାରୁଛି । କେତେବେଳେ  କାହା ଉପରେ ଏ ଗଛ ଓଲଟି ପଡିବ ବା ଜୀବନ ନେବ ତାହା କହିବା କଷ୍ଟକର ହୋଇ ପଡିଛି । ଏହି ରାସ୍ତା ଦେଇ ପ୍ରତିଦିନ ଶହ ଶହ ଗାଡି ମଟର ଯିବା ଅ୍ରାସିବା କରିବା ସହ ଛୋଟ ଛୋଟ ପିଲାମାନେ ସ୍କୁଲ କଲେଜ ଯିବା ଆସିବା କରିଥାନ୍ତି । ଏମାନେ ଏହି ରାସ୍ତାରେ ଗଲା ବେଳେ ନିଜକୁ ସୁରକ୍ଷିତ ମଣୁ ନାହାନ୍ତି । ଏ ସମ୍ପର୍କରେ ଜଳସେଚନ ବିଭାଗ କାର୍ଯ୍ୟାଳୟରେ ଅଭିଯୋଗ କରାଯାଇଥିଲେ ମଧ୍ୟ ଅଧିକାରୀ କହନ୍ତି ଗଛ କାଟିବା ପାଇଁ ଜିଲ୍ଲାପାଳ ଅନୁମତି ଦେଉନାହାନ୍ତି । ଏଣୁ ଗଛ କଟାଯାଇ ପାରୁନାହିଁ ବୋଲି ବିଭାଗୀୟ ଜେଇ କହନ୍ତି ବୋଲି ଶୁଣିବାକୁ ମିଳୁଛି । ଦୁର୍ଘଟଣା ଘଟିବା ପରେ ଜିଲ୍ଲା ପ୍ରଶାସନର ନିଦ ଭାଙ୍ଗିବ ବୋଲି ଏବେ ଆଲେଚନା ହୋଉଛି । ଏଣୁ ତୁରନ୍ତ ଜିଲ୍ଲାପାଳ ମରିଯାଇଥିବା ଗଛ କାଟିବା ପାଇଁ ଜଳସେଚନ ବିଭାଗ ଅଧିକାରୀଙ୍କୁ ନିଦେଶ ଦେବାପାଇଁ ସ୍ଥାନୀୟ ବୁଦ୍ଦିଜିବୀ ମାନେ ଦାବୀ କରିଛନ୍ତି ।
ଅତାବିରାରୁ ନବୀନ ଦାଶ