ସଜଦୋଳ ବା ଡେଲାଙ୍ଗ ହାଟମେଳଣ ଅନୁଷ୍ଠିତ

 ଡେଲାଙ୍ଗ ----- ଦୋଳପୂର୍ଣ୍ଣମି ଠାରୁ ଏହି ମେଳଣ ଆରମ୍ଭ ହୋଇଥିବାରୁ ଏହାକୁ ସଜଦୋଳ ମେଳଣ ବୋଲି କୁହାଯାଉଥିବା ବେଳେ  ହରି ଓ ହର  ଅର୍ଥାତ ମହାଦେବ ଓ ପତିତପାବନ ଠାକୁରଙ୍କର ହରିହର ଭେଟ ବା ମେଳଣ ହୋଇଥିବାରୁ ଏହାକୁ ହରିହର ମେଳଣ ବୋଲି କହିଥାନ୍ତି  । ରାଜା ରାଜୁଡା ସମୟରେ ଏହି ମେଳଣ ଆରମ୍ଭ ହୋଇଥିଲା ବୋଲି ଶୁଣିବାକୁ ମିଳିଥାଏ  । ସେ ସମୟରେ ବିଭିନ୍ନ ଗ୍ରାମ ମାନଙ୍କରେ ୧୦୯ ଠାକୁର ସ୍ଥାପନ କରିଥିଲେ  । ଏହି ମେଳଣର ନିୟମ ଅଛି ଏଠାକୁ କୌଣସି ଘରୋଇ ଠାକୁର ମେଳଣକୁ ଆସି ପାରିବେ ନାହିଁ  । ଏହି ମେଳଣକୁ ମାତ୍ର ରାଜାଙ୍କ ଦ୍ୱାରା ସ୍ଥାପିତ ଠାକୁର ମାନେ ମେଳଣରେ ଭାଗ ନେଇପାରିବେ ବୋଲି ପରମ୍ପରା ରହିଛି  । ମାତ୍ର ସେଠାରେ ରାଜାଙ୍କର କଚୋରି ଥିଲା  । ମେଳଣର ଦାୟତ୍ୱ ସେମାନେ ନୋଉଥିଲେ  । ଏବେ ରାଜାରାଜୁଡାଶାସନ ନାହିଁ  । ମେଳଣର ଖର୍ଚ୍ଚଭାର ଗ୍ରାମବାସୀ ଓ ଭକ୍ତ ମାନେ ଭରଣ କରିଥାନ୍ତି  । ସେଠାରେ ଏକ ହାଟ ହୋଉଥିବାରୁ ଏହି ମେଳଣକୁ ହାଟମେଳଣ ବୋଲି କେତକ ଲୋକମାନେ କହନ୍ତି  । ମେଳଣର ଥାନାପତି ହୋଉଛନ୍ତି ଡେଲାଙ୍ଗ ଗ୍ରାମର ବାବା ନୀଳକଣ୍ଠେଶ୍ୱର ଦେବ ଓ ଡେଲାଙ୍ଗ ହାଟ ଗ୍ରାମର ପତିତପାବନ ଏହି ଠାକୁର ଏକାଠି ହେବା ସମୟରେ ତାକୁ ହରିହର ଭେଟ ବୋଲି କୁହାଯାଏ  । ବିଶେଷ କରି ପତିତପାବନ ଓ ନୀଳକଣ୍ଡେଶ୍ୱର ଦେବଙ୍କ ବିମାନ ଆସିବା ସମୟରେ ସଲଟନ ଆକର୍ଷଣ ସାଜିଥାଏ  । ମେଳଣର ନିୟମ ଅନୁସାରେ ଏହି ଦୁଇ ଠାକୁରଙ୍କ ଭିତରୁ ଯିଏ ଆଗ ଆସିବ ସେ ଅନ୍ୟଜଣଙ୍କୁ ଅପେକ୍ଷା କରିବ  । ଦୁଇ ଠାକୁରଙ୍କ ର ହରିହରଭେଟ ହେବା ପରେ ସେମାନେ ମେଳଣ ପଡିଆକୁ ପ୍ରବେଶ କରି ଆସନଗ୍ରହଣ କରିବା ପରେ ଅନ୍ୟ ଗ୍ରାମରୁ ଆସିଥିବା ଠାକୁରଙ୍କ ବିମାନ ମେଳଣ ପଡିଆରେ ପ୍ରବେଶ କରି ସେମାନଙ୍କ ପାଇଁ ଉଦ୍ଧିଷ୍ଟ ଯାଗାରେ ବସିଥାନ୍ତି  । ଏହି ମେଳଣ ଦୁଇଦିନ ଧରି ଚାଲିଥାଏ  । ଏହି ମେଳଣରେ ସବୁ ସଂପ୍ରଦାୟର ଲୋକମାନେ ଭାଗ ନେଉଥିବାରୁ ଏହାକୁ ଭାଇଚାରାର ମେଳଣ ବୋଲି କୁହାଯାଇଥାଏ  । ଭକ୍ତ ମାନେ ଠାକୁରଙ୍କୁ ଦର୍ଶନ କରିବା ସହ ଠାକୁରଙ୍କୁ ଅଭିର ପକାଇ ସେମାନଙ୍କର ମନସ୍ଳାମାନ ପୂର୍ଣ୍ଣ କରିବା ପାଇଁ ଠାକୁରଙ୍କୁ ଜଣାଇଥାନ୍ତି ।ଶେଷ ଦିନରେ ମେଳଣ ପଡିଆରେ ଚିତାକର୍ଷକ ବାଣ ପ୍ରତିଯୋଗିତା ଅନୁଷ୍ଠିତ ହୋଇଥାଏ  ।
ଡେଲାଙ୍ଗରୁ ଧୀରେନ୍ଦ୍ର ସେନାପତି