ଗବକୁଣ୍ଡ ମେଳଣ ଉଦଯାପିତ

ସାକ୍ଷୀଗୋପାଳ--- ସତ୍ୟବାଦୀ ବ୍ଳକ ଅନ୍ତର୍ଗତ ରାୟଖଣ୍ଡୀ ଗ୍ରାମ ପଞ୍ଚାୟତର ଗବକୁଣ୍ଡ  ମେଳଣ ଅନୁଷ୍ଠିତ ହୋଇଯାଇଛି ।  ରାୟଖଣ୍ଡି ଶାସନର ଗ୍ରାମଦେବତୀ ମା’ଜୟଦୁର୍ଗା ମେଳଣର ଥାନାପତି  । ସୁ ସଜ୍ଜିତ ବିମାନରେ ମନ୍ଦିରରୁ ବାହାରି ମେଳଣ ପଡିଆରେ ଖୁଣ୍ଟିଲାଗି ହୋଇଥିଲେ  । ପରେ ପରେ ମେଳଣକୁ ସୁଆଁଲୋର କପିଳେଶ୍ୱର, ଡାଙ୍ଗୁରାର ନୀଳକଣ୍ଠେଶ୍ୱର , ବିଲିପଡାର ରାଧାକୃର୍ଷ୍ଣ, ଚକ୍ରପଡାର ବିନ୍ଧ୍ୟବାସିନୀ ଓ ରାଧାକୃର୍ଷ୍ଣ, ବଡେଇକେରା ର ରାଧାକୃଷ୍ଣଙ୍କ ସହିତ ବଡବସନ୍ତ, ପାହଡଚୁଳ,  ଜମାରସୁଆଁ, ହରିପୁର, ବଢ଼େଇକେରା ଗ୍ରାମ ମାନଙ୍କରୁ ଠାକୁର ମାନେ ମେଳଣ ପଡିଆରେ ପ୍ରବେଶ କରି   ଖୁଣ୍ଟି ଲାଗି ହୋଇଥିଲେ  । ଏହି ଅବସରରେ ମେଳଣ ପଡିଆରେ ଏକ ଛୋଟ ବଜାର ଖୋଲିଥିଲା  । ଶ୍ରଦ୍ଧାଳୁ ମାନେ ଠାକୁରଙ୍କୁ ଦର୍ଶନ କରିବା ସହ ଫଗୁ ପକାଇ ଖଇ, କୋରା, ଉଖୁଡା, ଖଜା, ଫେଣି, ଚଣା, କଦଳୀ ଆଦି ଠାକୁରଙ୍କୁ ଭୋଗ ଲାଗି ହୋଇଥିଲା  । ମେଳଣ କମିଟି ପକ୍ଷରୁ ଠାକୁରଙ୍କ ଆଗରେ ଓଡିଶୀନୃତ୍ୟ, କିର୍ତ୍ତନ ଓ ରାମଲୀଳା ପରିବେଷଣ କରାଯାଇଥିଲା  । ଶେଷରେ ମେଳଣକୁ ଆସିଥିବା ଠାକୁର ମାନେ ନିଜ ନିଜ ଗ୍ରାମକୁ ଫେରିବା ପରେ ମେଳଣର ଥାନାପତି ମା’ଜୟଦୁର୍ଗା ନିଜ ମନ୍ଦିରକୁ ଫେରିଥିଲେ  ।
 ସାକ୍ଷୀଗୋପାଳରୁ ଧୀରେନ୍ଦ୍ର ସେନାପତି