ୱାର୍ଡ କୋଅର୍ଡିନେଟର ନିଯୁକ୍ତିରେ ଅନିୟମିତତା ଅଭିଯୋଗ

1.  ଜଟଣୀ :- -ଜଟଣୀ ପୌର ପରିଷଦ ପକ୍ଷରୁ ୱାର୍ଡ କୋଅର୍ଡିନେଟର ନିଯୁକ୍ତିରେ ଅନିୟମିତତା ଅଭିଯୋଗ ହୋଇଥିବା ଜଣାପଡିଛି l ମିଳିଥିବା ଏକ ଅଭିଯୋଗ ଅନୁଯାୟୀ ପୌରାଞ୍ଚଳ ଅନ୍ତର୍ଗତ ୱାର୍ଡ ନମ୍ବର ୨୧ ରେ ଦୀପାଳୀ ସ୍ଵୟଂ ସହାୟକ ଗୋଷ୍ଠୀର ସଭାନେତ୍ରୀ ଜ୍ୟୋତିସ୍ମିତା ପଣ୍ଡା ସମ୍ପୃକ୍ତ ୱାର୍ଡ଼ ର କୋଅର୍ଡିନେଟର ପଦବୀ ପାଇଁ ଆବେଦନ କରିଥିଲେ l ତେବେ ମ୍ୟୁନିସିପାଲଟିରେ ସାର୍ଟିଫିକେଟ ଯାଞ୍ଚ ସମୟରେ ଶ୍ରୀମତୀ ପଣ୍ଡା ଜାଣିବାକୁ ପାଇଥିଲେ ୱାର୍ଡ଼ ନମ୍ବର ୨୨ ରେ ସ୍ଵଚ୍ଛ ସାଥୀ ଭାବେ କାର୍ଯ୍ୟରତ ରୀନାଲତା ଖଣ୍ଡୁଆଳ ଯେକି ସେହି ୱାର୍ଡ଼ ର ସନ୍ତୋଷୀ ସ୍ଵୟଂ ସହାୟକ ଗୋଷ୍ଠୀରେ ରହିବା ସହିତ ଆଦର୍ଶ ମହାସଂଘର ସଭାନେତ୍ରୀ ମଧ୍ଯ ଅଛନ୍ତି ।  ଏହା ମଧ୍ୟରେ ସେ ଯୋଜନା ବଦ୍ଧ ଭାବେ ତଞ୍ଚକତା କରି ୱାର୍ଡ ନମ୍ବର ୨୧ ରେ ଥିବା ମା ଭବାନୀ ସ୍ଵୟଂ ସହାୟକ ଗୋଷ୍ଠୀରେ ମିଶି ୱାର୍ଡ଼ କୋଅର୍ଡିନେଟର ପଦବୀ ପାଇଁ ଆବେଦନ କରି ସେହି ପଦବୀ ମଧ୍ୟ ହାତେଇଛନ୍ତି l ଏହି ନିଯୁକ୍ତିରେ ସ୍ଥାନୀୟ ୱାର୍ଡ ପ୍ରତିନିଧିଙ୍କ ହାତ ଥିବା ଅଭିଯୋଗ ହୋଇଛି l ଏ ସମ୍ପର୍କରେ ତତ୍କାଳୀନ ପୌର ନିର୍ବାହୀ ଅଧିକାରୀଙ୍କୁ ଅଭିଯୋଗ ପତ୍ର ପ୍ରଦାନ କରିଥିଲେ ମଧ୍ୟ କୌଣସି ସନ୍ତୋଷ ଜନକ ପଦକ୍ଷେପ ଗ୍ରହଣ କରାଯାଇନାହିଁ । ଯାହା ଫଳରେ ଭୁବନେଶ୍ୱର ଉପଜିଲ୍ଲାପାଳ ଙ୍କୁ ଲିଖିତ ଭାବେ ଅଭିଯୋଗ ପତ୍ର ପ୍ରଦାନ କରିବା ସହିତ ଅଭିଯୋଗ ପତ୍ରର ଏକକିତା ନକଲ ୫ ଟି ସଚିବ, ଜିଲ୍ଲାପାଳଙ୍କୁ ପ୍ରଦାନ କରାଯାଇଛିl ହେଲେ ପରିତାପର ବିଷୟ ଅଦ୍ୟାବଧି ଉକ୍ତ ନିଯୁକ୍ତି ଜାଲିଆତିର କୌଣସି ପଦକ୍ଷେପ ନିଆଯାଇନାହିଁ । ଯାହା ଫଳରେ ଅଭିଯୋଗକାରିଣୀ ଏ ସମ୍ପର୍କରେ ନ୍ୟାୟାଳୟର ଦ୍ଵାରସ୍ଥ ହେବେ ବୋଲି କହିଛନ୍ତି l ଅନୁରୂପ ଭାବେ ୱାର୍ଡ଼ ନମ୍ବର ୧୨ ରେ ମଧ୍ୟ ଏହିଭଳି ଅନିୟମିତତା ହୋଇଥିବା ଶୁଣିବାକୁ ମିଳୁଛି l ତେବେ ସାଧାରଣରେ ଏକ ପ୍ରଶ୍ନ ଉଠୁଛି ପ୍ରତ୍ୟେକ ୱାର୍ଡ଼ କୁ ସ୍ଵଚ୍ଛ ଓ ମ୍ୟୁନିସିପାଲଟି ବାସିନ୍ଦାଙ୍କ ମଧ୍ୟରେ ଯୋଗସୂତ୍ର ରକ୍ଷା ମାଧ୍ୟମରେ ସ୍ଵଚ୍ଛ ସାଥୀ, ୱାର୍ଡ଼ ଅଫିସର ଆଦି ପୂର୍ବରୁ ନିଯୁକ୍ତ ହୋଇଥିଲେ ହେଁ କଣ ଏମିତି ଆବଶ୍ୟକ ପଡିଲାଯେ ୱାର୍ଡ଼ କୋଅର୍ଡିନେଟର ପଦବୀ ସୃଷ୍ଟି କରାଗଲା l ଜନତାଙ୍କ ଟିକସରେ ଏହିଭଳି ବହୁ ଅନିୟମିତତାକୁ ସହଜରେ ସହରବାସୀ ମାନେ ଗ୍ରହଣ କରିପାରୁନଥିବା ବର୍ତ୍ତମାନ ବିଭିନ୍ନ ଖଟିରେ ଆଲୋଚନାର ପ୍ରମୁଖ ବିଷୟ ପାଲଟିଛି l ଅପରପକ୍ଷେ ଏହି ଘଟଣାର ଉଚ୍ଚସ୍ତରୀୟ ତଦନ୍ତ ଆବଶ୍ୟକ ରହିଛି ବୋଲି ବୁଦ୍ଧିଜୀବି ମହଲରେ ଦାବି ହେଉଛି l ଜଟଣୀରୁ ରଙ୍ଗନାଥ ବେହେରାଙ୍କ ରିପୋର୍ଟ,୧୬/୩/୨୦୨୪-_--୯,୪୫ Sakhigopal News,16/3/2024