ରେଲୱେ ମହିଳା କଲ୍ୟାଣ ସଂଗଠନ ଦ୍ୱାରା “ଆନ୍ତର୍ଜାତୀୟ ମହିଳା ଦିବସ" ପାଳିତ

 

ଜଟଣୀ --ପୂର୍ବ ତଟ ରେଲୱେ ମହିଳା କଲ୍ୟାଣ ସଂଗଠନ, ଖୋର୍ଦ୍ଧା ରୋଡ ଦ୍ୱାରା ଟ୍ରାଫିକ୍ କଲୋନୀ ସ୍ଥିତ ନ୍ୟୁ ଅଫିସର୍ସ କ୍ଲବରେ “ଆନ୍ତର୍ଜାତୀୟ ମହିଳା ଦିବସ” ପାଳିତ ହୋଇଯାଇଛି। ଲକ୍ଷ୍ୟ ହେଉଛି ବିଭିନ୍ନ କ୍ଷେତ୍ରରେ ମହିଳାମାନଙ୍କ ସଫଳତାକୁ ଚିହ୍ନିବା | ଏହି ଅବସରରେ ଖୋର୍ଦ୍ଧା ରୋଡ଼ ମଣ୍ଡଳର ବିଭିନ୍ନ ବିଭାଗରେ କାର୍ଯ୍ୟ କରୁଥିବା 26 ଜଣ ସର୍ବୋତ୍ତମ ମହିଳା କର୍ମଚାରୀଙ୍କୁ ସମ୍ମାନିତ କରାଯାଇଥିଲା।

ମହିଳା କଲ୍ୟାଣ ସଂଗଠନ ର ସଭାନେତ୍ରୀ ଶ୍ରୀମତୀ ଗୁର୍ ସିମ୍ରନ୍ କୌର ଏହି ଅବସରରେ ଉଦବୋଧନ ଦେଇ କହିଛନ୍ତି ଯେ “ମହିଳାମାନେ ସମାଜର ପ୍ରକୃତ ସ୍ଥପତି ଅଟନ୍ତି ଏବଂ ଜୀବନରେ ଅନେକ ବାଧା ଦୂର କରିବାକୁ ସେମାନଙ୍କର ଶକ୍ତି ଅଛି | ସେ ଖୋର୍ଦ୍ଧା ରୋଡ଼ ମଣ୍ଡଳର ସମସ୍ତ ମହିଳା କର୍ମଚାରୀଙ୍କୁ ତାଙ୍କର କଠିନ ପରିଶ୍ରମ ଏବଂ ସେବା ମନୋଭାବ ପାଇଁ  ଅଭିନନ୍ଦନ ଜଣାଇଛନ୍ତି।

ଏହି ଅବସରରେ ମହିଳା କର୍ମଚାରୀଙ୍କ ପାଇଁ ବିଭିନ୍ନ ଖେଳର ଆୟୋଜନ କରାଯାଇଥିଲା |ଏହି କାର୍ଯ୍ୟକ୍ରମରେ ଶ୍ରୀମତୀ ମଧୁଲିକା ମଣ୍ଡଳ ମହିଳା କଲ୍ୟାଣ ସଂଗଠନର ଉପ ସଭାନେତ୍ରୀ, ଶ୍ରୀମତୀ ପ୍ରିୟଙ୍କା ନାଗୱାନି, କଲ୍ୟାଣ ସଂଗଠନର ସଚିବ ଏବଂ ଅନ୍ୟ ସଦସ୍ୟମାନେ ଉପସ୍ଥିତ ଥିଲେ। ଜଟଣୀରୁ ରଙ୍ଗନାଥ ବେହେରାଙ୍କ ରିପୋର୍ଟ,୬/୩/୨୦୨୪---୧୦,୪୫ Sakhigopal News,6/3/2024