ଗୁରୁକୁଳ ଉତ୍ସବ ୨୦୨୩ ଉଦଘାଟିତ, ଚଇତି ଘୋଡା ନୃତ୍ୟୁ ଦର୍ଶକଙ୍କ ମନ ମୋହିଳା

ସାକ୍ଷୀଗୋପାଳ----- ପୁରୀ- ଭୁବନେଶ୍ୱର ୩୧୬ନଂ ଜାତୀୟ ରାଜପଥର କରରେ ଅବସ୍ଥିତ ବୀରଗୋବିନ୍ଦପୁର ସ୍ଥିତ ବଡହାଟ ଗ୍ରାମରେ ଗଡି ଉଠିଥିବା ଗୁରୁ ରାମହରି ଦାସ ଓଡିଶି ଗୁରୁକୁଳ ପକ୍ଷରୁ ଗୁରୁକୁଳ ୨୦୨୩ ଉତ୍ସବ ସଂଧ୍ୟାରେ ଉଦଘାଟିତ ହୋଇଯାଇଛି । ଉଦଘାଟନ ସଂଧ୍ୟାରେ ଅତିଥି ଭାବେ ଉତ୍କଳ ସଂସ୍କୃତି ବିଶ୍ୱ ବିଦ୍ୟାଳୟର କୁଳପତି ଡ. ପ୍ରସନ୍ନ କୁମାର ସ୍ୱାଇଁ ଯୋଗ ଦେଇ କଳା ସଂସ୍କୃତି ଓ ଆମ ସଂସ୍କୃତି, ଆମ ପରମ୍ପରା ଓଡିଶୀ ସଂଗୀତକୁ ବଜାୟ ରଖିବା ସହ ବିଭିନ୍ନ ଦିନରେ ଛାତ୍ରଛାତ୍ରୀଙ୍କୁ ସଠିକ ମାର୍ଗରେ ଶିକ୍ଷା ଦେଇ ଗୁରୁକୁଳର ଅବଦାନକୁ ବେଶ ପ୍ରଶାଂସ କରିଥିଲେ । ଏହି ଅବସରରେ ମହାନ ଓଡିଶି ଗାୟକ ଗୁରୁ ଘନଶ୍ୟାମ ପଣ୍ଡାଙ୍କୁ ଗୁରୁକୁଳ ସମ୍ମାନରେ ସମା୍‌ମାନିତ କରିବା ସହ ୨୫ ହଜାର ଟଙ୍କା ଅନୁଷ୍ଠାନ ପକ୍ଷରୁ ପ୍ରଦାନ କରାଯାଇଥିଲା । କେନ୍ଦ୍ର ସଂଗୀତ ନାଟକ ଏକାଡେମୀ ସମ୍ମାନ ପ୍ରାପ୍ତ ଲାଭ କରିଥିବା ଗୁରୁକୁଳର ନୃତ୍ୟୁ ବିଭାଗର ମୁଖ୍ୟ ଗୁରୁ ନିରଞ୍ଜନ ରାଉତଙ୍କୁ ମଧ୍ୟ ସମ୍ମାନୀତ କରାଯାଇଥିଲା ।

ଗୁରୁକୁଳର ପ୍ରତିଷ୍ଠାତା ଗୁରୁ ରାମହରି ଦାସ ସ୍ୱାଗତ ଭାଷଣ ଦେଇଥିବା ବେଳେ ଗୁରୁକୁଳର ଅଧ୍ୟକ୍ଷ ଗୁରୁ ଧନେଶ୍ୱର ସ୍ୱାଇଁ ଧନ୍ୟବାଦ ଦେଇଥିଲେ । ପ୍ରଥମ ସଂଧ୍ୟାରେ ଗୁରୁକୁଳର ମର୍ଦ୍ଦଳ ବିଭାଗର ଛାତ୍ର ମାନଙ୍କୁ ନେଇ ବୃନ୍ଦ ମର୍ଦ୍ଦଳ ବାଦନ କରାଯିବା ପରେ ପରେ ସଂସ୍କୃତି ବିଶ୍ୱ ବିଦ୍ୟାଳୟର ଛାତ୍ରୀ ଅର୍ପିତା ସାହୁ ଓ ରଶ୍ମିରେଖା ପରିଡା ଯୁଗଳ ବନ୍ଦୀରେ ଓଡିଶି ଗାୟନ କରିଥିଲେ । ଗୀତଟିକୁ ସଂଯୋଜନା କରିଥିଲେ ପ୍ରଧ୍ୟାପକ ଗୁରୁ ଡ. ଧୀରଜ କୁମାର ମହାପାତ୍ର । ଗୁରୁ ଅଭିରାମ ନନ୍ଦ ଏକକ ବଂଶୀ ବାଦନ କରିଥିଲେ । ଗୁରୁକୁଳରଓଡିଶି ନୃତ୍ୟୁ ଶ୍ଳପୀ ମାନେ ବୃନ୍ଦ ଓଡିଶି ନୃତ୍ୟୁରେ ଶିବ ତାଣ୍ଡବ ପରିବେଷଣ କରିଥିଲେ । ପରିଶେଷରେ ପଦ୍ମଶ୍ରୀ ଗୁରୁ ଉତ୍ସବ ଚରଣ ଦାସ ଚଇତି ଘୋଡା ନୃତ୍ୟ ପରିବେଷଣ କରିଥିଲେ । ଗୁରୁକୁଳର ସମ୍ପାଦକ ହିମାଂଶୁ ଶେଖର ସ୍ୱାଇଁ ତତ୍ୱବଧାନରେ କାର୍ଯ୍ୟକ୍ରମ ଅନୁଷ୍ଠିତ ହୋଇଥିବା ବେଳେ ଗୁରୁକୁଳର ଟ୍ରଷ୍ଟି ଡ. ଚିତ୍ତରଞ୍ଜନ ମଲ୍ଲିଆ କାର୍ଯ୍ୟକ୍ରମକୁ ସଂଯୋଜନା କରିଥିଲେ । ଗୁରୁ ସୁକାନ୍ତ କୁମାର କୁଣ୍ଡୁ, ଅସୀମ କୁମାର ବେହେରା ପ୍ରମୁଖ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ ।