ଆମ୍ବ ତୋଟା ରୁ ଯୁବକଙ୍କ ଝୁଲନ୍ତା ଶବ ଉଦ୍ଧାର
ଭଞ୍ଜନଗର - ଏହି ଥାନା ଅନ୍ତର୍ଗତ ଚିଦାନନ୍ଦ କୃଷ୍ଠାଶ୍ରମ ନିକଟ ଏକ ଆମ୍ବ ତୋଟା ରୁ ଜଣେ ଯୁବକଙ୍କ ଝୁଲନ୍ତା ମୃତ ଦେହ ଉଦ୍ଧାର କରିଛି ଭଞ୍ଜନଗର ପୋଲିସ। ମିଳିଥିବା ସୂଚନା ପ୍ରକାରେ ଗାଙ୍ଗପୁର ଥାନା ଅନ୍ତର୍ଗତ ବୋରୀ ଗ୍ରାମର ସ୍ବର୍ଗତ ପାଣୁ ଗୌଡ ଙ୍କ ପୁଅ ପ୍ରହଲ୍ଲାଦ ଗୌଡ (୩୨) ନିଜ ଶଶୁର ଘର ଭଞ୍ଜନଗର ଥାନା ଅନ୍ତର୍ଗତ ଲଣ୍ଡେଇସାହି ରେ ଥିବା ନିଜ ଶଶୁର ଘର କୁ ଆସିଥିଲେ। ପୂର୍ବରୁ ଗତ ୧୫ ଦିନ ତଳେ ତାଙ୍କର ପିତା ପାଣୁ ଗୌଡ ଙ୍କ ମୃତ୍ୟୁ ଘଟିଥିଲା। ଆଉ ଏବେ କିଛି ବର୍ଷ ଧରି ସ୍ବାମୀ ସ୍ତ୍ରୀଙ୍କ ମଧ୍ୟରେ ମନମାଳିନ୍ୟ ଘଟିଥିବା ଯୋଗୁଁ ପତ୍ନୀ ନିଜ ବାପଘରେ ରହି ଆସୁଛନ୍ତି। ଏଣୁ ପତ୍ନୀ କୁ ନିଜ ଘରକୁ ନେବାକୁ ଆସି ଏଥିରେ ବିଫଳ ହେବା ପରେ ହୁଏତ ମାନସିକ ଭାରସାମ୍ୟ ହରାଇ ପ୍ରହଲ୍ଲାଦ ଏଭଳି ଆତ୍ମହତ୍ୟା ଭଳି ପନ୍ଥା ଆପଣେଇ ଥାଇ ପାରନ୍ତି ବୋଲି ପୋଲିସ ସନ୍ଦେହ କରୁଛି। ପୋଲିସ ଶବ କୁ ଜବତ କରିବା ସହ ୧୧/୨୪ ରେ ଏକ ଅପମୃତ୍ୟୁ ମାମଲା ରୁଜୁ କରି ଶବ କୁ ସ୍ଥାନୀୟ ଉପଖଣ୍ଡ ଚିକିତ୍ସାଳୟରେ ଶବ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରିଥିବା ଥାନା ଅଧିକାରୀ କୁମର ମୁଦୁଲି ସୂଚନା ଦେଇଛନ୍ତି। ଭଞ୍ଜନଗରରୁ ରବିନ୍ଦ୍ର ପ୍ରଧାନଙ୍କ ରିପୋର୍ଟ,୩/୩/୨୦୨୪---୮,୪୫ Sakhigopal News,3/3/2024
