ବରଗଡ --- ଭଏସ ଅଫ ମିଡିଆ ୟୁନିଟ୍ ତରଫରୁ ବରଗଡ ଗାନ୍ଧୀ ଭବନ ଠାରେ ବରଗଡ ଶାଖା ଗଠିତ ହୋଇଯାଇଛି।ଏଥିରେ ମୁଖ୍ୟ ଅତିଥି ଭାବେ ବୀରସୁରେନ୍ଦ୍ର ସାଏ ମେଡିକାଲ କଲେଜ ବୁର୍ଲା ର ମେଡିସିନ ଆସିଷ୍ଟାଣ୍ଟ ପ୍ରଫେସର ଡକ୍ଟର ଶଙ୍କର ରାମଚନ୍ଦାନୀ ଯୋଗ ଦେଇଥିଲେ ।ମୁଖ୍ୟ ବକ୍ତା ଭାବେ ଭଏସ ଅଫ ମିଡିଆ ର ଓଡିଶା ରାଜ୍ୟ ସଭାପତି ପ୍ରଭାତ କୁମାର ମିଶ୍ର, ସ୍ଵତନ୍ତ୍ର ବକ୍ତା ଭାବେ ସମ୍ବଲପୁରୀ ବସ୍ତ୍ରାଳୟ ର ସଭାପତି ସମ୍ବିତ ଆଚାର୍ଯ୍ୟ ଯୋଗଦେଇଥିଲେ । ସମ୍ମାନିତ ଅତିଥି ଭାବେ ବରଗଡ ବିଶ୍ଵ ହିନ୍ଦୁ ପରିଷଦର ସଭାପତି ନିଧୁବନ ବିହାରୀ ପ୍ରସାଦ ପଣ୍ଡା, ଅଭିଭାବକ ସଂଘ ର ସଭାପତି ବିମଲ କିଶୋର ଦାଶ ଓ ବରିଷ୍ଠ ସାମ୍ବାଦିକ ଅଶ୍ଵିନୀ କୁମାର ଦର୍ଜି ଯୋଗଦେଇ ଥିଲେ। ପ୍ରଥମେ ଅତିଥି ମାନଙ୍କ ଦ୍ବାରା ବାଗଦେବୀ ସରସ୍ଵତୀ ଓ ମହାତ୍ମାଗାନ୍ଧୀ ଙ୍କ ପ୍ରତିଛବି ନିକଟରେ ପ୍ରଦୀପ ପ୍ରଜ୍ବଳନ କରି ପୁଷ୍ପମାଲ୍ୟ ଅର୍ପଣ କରିଥିଲେ। ପ୍ରାରମ୍ଭିକ ସଂଗୀତ ଗାନ କରିଥିଲେ ସୌଭାଗ୍ୟ ଲକ୍ଷ୍ମୀ ଦାଶ ଓ ମଂଚ ପରିଚାଳନା କରିଥିଲେ ଶିକ୍ଷାବିତ୍ ସୁମନ୍ତ ଆଚାର୍ଯ୍ୟ ଓ ମହେଶ ଶତପଥୀ। ଭଏସ ଅଫ ମିଡିଆ ରାଜ୍ୟ ସଭାପତି ପ୍ରଭାତ କୁମାର ମିଶ୍ର ଭଏସ ଅଫ ମିଡିଆ ସାମ୍ବାଦିକ ମାନଙ୍କ ପାଇଁ ସ୍ୱାସ୍ଥ୍ୟ ବୀମା ଓ ଜୀବନ ବୀମାଭୁକ୍ତ ପାଇଁ ୧୦ ଲକ୍ଷ ଟଙ୍କା ଘୋଷଣା କରିଥିଲେ। ଏହି ଅବସରରେ ବରଗଡ ଜିଲ୍ଲା ଭଏସ ଅଫ ମିଡିଆ ଶାଖା ଗଠନ କରାଯାଇଥିଲା । ସଭାପତି ଭାବରେ ସମ୍ବାଦିକ ଭବାନୀ ଶଙ୍କର ପାଢ଼ୀ, ଉପସଭାପତି ଭାଗବତିଆ ମେହେର, ସମ୍ପାଦକ ମୋତିଲାଲ ବାଗ, ସହ ସମ୍ପାଦକ ସୁବାସ ଚନ୍ଦ୍ର ସାହୁ, ମିଡିଆ ସେଲ କୋଅଡିନେଟର ସୁରେଶ ମହାନନ୍ଦ, କୋଷାଧ୍ୟକ୍ଷ କ୍ଷମାନିଧି ବଣ୍ଡୁକି, ରାଜ୍ୟ କାର୍ଯ୍ୟକାରିଣୀ ସଦସ୍ୟ ସୋମନାଥ ବାଗ, ସୌଦାଗର ବରିହା, ନାରାୟଣ ସତନାମୀ, ବାସନ୍ତୀ ବାଗ, ନିର୍ମଲ କୁମାର ମେହେର କୁ ପରିଚୟ ପତ୍ର, ପ୍ରମାଣ ପତ୍ର ପ୍ରଦାନ କରାଯାଇଥିଲା। ଏହି କାର୍ଯ୍ୟକ୍ରମ ରେ ଉଲ୍ଲେଖନୀୟ ଅବଦାନ ପାଇଁ ବିଭିନ୍ନ ସଂଗଠନ ବ୍ଯକ୍ତିବିଶେଷ ମାନଙ୍କୁ ଟ୍ରଫି ସହ ଅଂଗବସ୍ତ୍ର ଦେଇ ସମ୍ବର୍ଦ୍ଧିତ କରାଯାଇଥିଲା।ପରିଶେଷରେ ସମ୍ପାଦକ ମୋତିଲାଲ ବାଗ ଧନ୍ୟବାଦ ଅର୍ପଣ କରିଥିଲେ। ବରଗଡ଼ ରୁ ଭବାନୀ ଶଙ୍କର ପାଢୀ ଙ୍କ ରିପୋର୍ଟ,୪/୩/୨୦୨୪----୭,୧୫ Sakhigopal News,4/3/2024
