ଖୋର୍ଦ୍ଧା ରୋଡ ମଣ୍ଡଳ ର ନୂତନ ବରିଷ୍ଠ ମଣ୍ଡଳ ବାଣିଜ୍ୟ ପ୍ରବନ୍ଧକ ଭାବେ ଦାୟିତ୍ବ ଗ୍ରହଣ କଲେ ଶ୍ରୀ ଅନିଲ କୁମାର ଏସ୍

ଜଟଣୀ --ଭାରତୀୟ ରେଳ ଟ୍ରାଫିକ ସେବା (ଆଇଆରଟିଏସ) ଅଧିକାରୀ, ଶ୍ରୀ ଅନିଲ କୁମାର ଏସ୍, ଖୋର୍ଦ୍ଧା ରୋଡ ମଣ୍ଡଳ ର ନୂତନ ବରିଷ୍ଠ ମଣ୍ଡଳ ବାଣିଜ୍ୟ ପ୍ରବନ୍ଧକ ଭାବେ ଦାୟିତ୍ବ ଗ୍ରହଣ କରିଛନ୍ତି । ତାଙ୍କର ବର୍ତ୍ତମାନର ପୋଷ୍ଟିଂ ପୂର୍ବରୁ ସେ ଖୋର୍ଦ୍ଧା ରୋଡ ମଣ୍ଡଳ ର ବରିଷ୍ଠ ମଣ୍ଡଳ ପରିଚାଳକ ପ୍ରବନ୍ଧକ (ମୋଭମେଣ୍ଟ) ଭାବରେ କାର୍ଯ୍ୟ କରୁଥିଲେ। ଭାରତୀୟ ରେଳବାଇରେ ତାଙ୍କର ଦଶ ବର୍ଷ ସେବା କରିବାର ଅଭିଜ୍ଞତା ରହିଅଛି l      ଶ୍ରୀ ଅନିଲ କୁମାର, 2013 ବ୍ୟାଚ୍ ର ଭାରତୀୟ ରେଳ ଟ୍ରାଫିକ ସେବା (ଆଇଆରଟିଏସ) ଅଧିକାରୀ । ସେ 2004 ମସିହାରେ ହାଇଦ୍ରାବାଦର ଓସମାନିଆ ୟୁନିଭରସିଟିରେ ଇଲେକ୍ଟ୍ରୋନିକ୍ସ ଆଣ୍ଡ ଟେଲି ଯୋଗାଯୋଗରେ ସ୍ନାତକ ଡିଗ୍ରୀ ପ୍ରାପ୍ତ କରିଛନ୍ତି। ରେଳବାଇରେ ଯୋଗଦେବା ପୂର୍ବରୁ ଶ୍ରୀ ଅନିଲ କୁମାର ଦୁଇ ବର୍ଷ ଧରି Danlaw Inc. ରେ କାର୍ଯ୍ୟ କରୁଥିଲେ।

ସେ ଭାରତୀୟ ରେଳବାଇ ରେ ବିଭିନ୍ନ ପଦବୀ ରେ କାର୍ଯ୍ୟ କରିଛନ୍ତି ଯଥା-ବିଶାଖାପାଟନମ୍ ଡିଭିଜନରେ ଆସିଷ୍ଟାଣ୍ଟ ଅପରେସନ୍ ମ୍ୟାନେଜର (କଣ୍ଟ୍ରୋଲ୍), ଆସିଷ୍ଟାଣ୍ଟ ଅପରେସନ୍ ମ୍ୟାନେଜର (କୋଚିଂ), ଏରିଆ ମ୍ୟାନେଜର (ୱାଲ୍ଟେୟାର ମାର୍ଶଲିଂ ୟାର୍ଡ), ପୂର୍ବ ତଟ ରେଳବାଇ ମୁଖ୍ୟାଳୟ ରେ ଡେପୁଟୀ ଚିଫ୍ କମର୍ସିଆଲ୍ ମ୍ୟାନେଜର (ମାଲ ପରିବହନ ସେବା) ଏବଂ ଖୋର୍ଦ୍ଧା ରୋଡ ମଣ୍ଡଳ ର ବରିଷ୍ଠ ମଣ୍ଡଳ ପରିଚାଳକ ପ୍ରବନ୍ଧକ (ମୋଭମେଣ୍ଟ) ରୂପେ କାର୍ଯ୍ୟ କରିଥିବା ଜଣାପଡିଛି। ଜଟଣୀରୁ ରଙ୍ଗନାଥ ବେହେରାଙ୍କ ରିପୋର୍ଟ,୧୩/୩/୨୦୨୪----୯,୫୫ Sakhigopal News,13/3/2024