ଆନନ୍ଦପୁର ଗ୍ରାମରେ ଅଷ୍ଟପ୍ରହରୀ ଓ ନାମଯଜ୍ଞ ଅନୁଷ୍ଠିତ

ସାକ୍ଷୀଗୋପାଳ----- ସତ୍ୟବାଦୀ ବ୍ଳକ ଅନ୍ତର୍ଗତ ବଳପୁର ଗ୍ରାମ ପଞ୍ଚାୟତର ଆନନ୍ଦପୁର ଗ୍ରାମରେ କାହିଁ କେଉଁକାଳରୁ ଅଷ୍ଟପ୍ରହରୀ ଓ ନାମଯଜ୍ଞ ଅନୁଷ୍ଠିତ ହୋଇଆସୁଛି । ଗ୍ରାମ ଦେବତୀଙ୍କ ପୂଜାରୀ ଗଣେଶ ଦାସଙ୍କ ତତ୍ୱବଧାନରେ ଆଠଜଣ ପାଖ ଭାର୍ଗବୀ ନଦୀରୁ କଳସ ବୁଡାଇ ନାମସଂକୀର୍ତ୍ତନ ସ୍ଥଳରେ ଘଟ ସ୍ଥାପନ କରାଯାଇଥିଲା । ତିନିଦିନ ଧରି ଅନୁଷ୍ଠିତ ଉତ୍ସବରେ ଉଦଯାପିତ ହୋଇଯାଇଛି । ଏହି ଅବସରରେ ଗ୍ରାମରେ ତିନିଦିନ ଧରି ଆମିଷ ନିଷେଧ କରାଯିବା ସହ ସମସ୍ତ ଘର ଆଗରେ କଳସ ଓ ଦୀପ ପ୍ରଜ୍ୱଳନ କରାଯାଇଥିଲା । ଏହି ଅବସରରେ ଉଗ୍ରତାରା, ତାରେଣୀ, ରାଧାକୃଷ୍ଣ, ହାଣ୍ଡୁଳେଇ, ଭଗବତ ବାସୁଦେବ କୁଞ୍ଜରେ ବସି ପୂଜା ପାଇବା ସହ ନାମସଂକୀର୍ତ୍ତନ ଆରମ୍ଭ କରାଯାଇଥିଲା । କୁସୁମେଶ୍ୱର, ବରଦାମାଳ, ବନମାଳୀପୁର, ଘୁଷୁରିଖାଳ, ବାଲିପୋଖରୀ, ବଳପୁର, ବିଦ୍ୟାଧରପୁରକଳାପାହଡ ଗ୍ରାମର ସଂକୀର୍ତ୍ତନ ଦଳ ନାମସଂକୀର୍ତ୍ତନ କରିଥିଲେ । ସଂଧ୍ୟାରେ ଗ୍ରାମବାସୀ ଶ୍ରଦ୍ଧାଳୁ ମାନେ ପ୍ରସାଦ ସେବନ କରିଥିଲେ ।

ସାକ୍ଷୀଗୋପାଳରୁ ଧୀରେନ୍ଦ୍ର ସେନାପତି, ୧୩/୩/୨୦୨୪---୭,୨୫   Sakhigopal News, 13/3/2024