ପୁଅ ର ଅନ୍ନପ୍ରାଶନ ଅବସରରେ ସ୍ବେଚ୍ଛାକୃତ ରକ୍ତଦାନ ଶିବିର ଅନୁଷ୍ଠିତ

ବରଗଡ଼ ---

ବରଗଡ଼ ଜିଲ୍ଲା ବିଜେପୁର ସ୍ଥିତ ଖରମୁଣ୍ଡା ଶିବ ମନ୍ଦିର ଠାରେ ଖରମୁଣ୍ଡା ସରପଞ୍ଚ ମନୋଜ ପଧାନ ଙ୍କ ର ପୁତ୍ର ଅଂଶିତ ର ଶୁଭ ଅନ୍ନପ୍ରାଶନ ଅନୁଷ୍ଠିତ ହୋଇଯାଇଛି। ଏହି ଅବସରରେ ନିଷ୍ଠା ପରିବାର ର ସହଭାଗିତାରେ ଏକ ସ୍ଵେଚ୍ଛାକୃତ ରକ୍ତ ଦାନ ଶିବିର ଅନୁଷ୍ଠିତ ହୋଇଥିଲା। ମୁଖ୍ୟ ଅତିଥି ଭାବରେ ବରଗଡ ଜିଲ୍ଲା ପରିଷଦ ଅଧ୍ୟକ୍ଷା ମାନିନୀ ଭୋଇ ଯୋଗ ଦେଇ ଶିବିରକୁ ଉଦଘାଟନ କରିଥିଲେ।ଏହି ଶିବିର ବରଗଡ଼ ରକ୍ତ ଭଣ୍ଡାର ଦ୍ଵାରା ସର୍ବମୋଟ ୨୦ୟୁନିଟ ରକ୍ତ ସଂଗୃହୀତ ହୋଇଥିଲା।  ଶିବିର କୁ ପଧାନ ପରିବାରର ରଶ୍ମିତା ମେହେର ଓ ନିଷ୍ଠା ପରିବାର ର ଉପଦେଷ୍ଟା ଅଶ୍ୱିନୀ ତ୍ରିପାଠୀ,ଉପ ସଭାପତି ଜୟନ୍ତ ପ୍ରଧାନ, ସହ ସମ୍ପାଦକ ସଙ୍କେତ ଆଠଘରା, ମାନସ ମେହେର, ରାଜେଶ ପ୍ରଧାନ, ଲିଙ୍ଗରାଜ ସାହୁ ପ୍ରମୁଖ ପରିଚାଳନା କରିଥିଲେ।ଗ୍ରୀଷ୍ମ ମାସ ରେ ସମସ୍ତ ରକ୍ତ ଭଣ୍ଡାର ମାନଙ୍କ ରେ ରକ୍ତ ର ଘୋର ଅଭାବ ଥିବା ବେଳେ ଏହି ରକ୍ତ ଅନେକ ରୋଗୀ ଙ୍କୁ ନୂଆ ଜୀବନ ଦେବ। ରକ୍ତ ଦାନ ଶିବିର ଆୟୋଜନ ପାଇଁ ନିଷ୍ଠା ପରିବାର ତରଫ ରୁ ଅଂଶିତ ର ବାପା ମା ଙ୍କୁ ଏକ ସ୍ମୃତି ଫଳକ ଦେଇ ସମ୍ବର୍ଦ୍ଧିତ କରାଯାଇଥିଲା।ସମସ୍ତ ରକ୍ତ ଦାତା ତଥା ଶୁଭେଛୁ ସହଯୋଗୀ ଓ ପଧାନ ପରିବାର କୁ ନିଷ୍ଠା ପରିବାର ପକ୍ଷରୁ ଉପଦେଷ୍ଟା ତଥା ପ୍ରତିଷ୍ଠାତା ସଦସ୍ୟ ଅଶ୍ଵିନୀ କୁମାର ତ୍ରିପାଠୀ ଧନ୍ୟବାଦ ଅର୍ପଣ କରିଥିଲେ ।

ବରଗଡ଼ ରୁ ଭବାନୀ ଶଙ୍କର ପାଢୀ ଙ୍କ ରିପୋର୍ଟ, ୨୨/୩/୨୦୨୪----୮,୫୫ Sakhigopal News,22/3/2024