ପଟ୍ଟଚିତ୍ର ଓ ପିପିଲି ଚାନ୍ଦୁଆ” କୁ ପ୍ରୋତ୍ସାହିତ କରିବା ପାଇଁ “ଗୋଟିଏ ଷ୍ଟେସନ୍ ଗୋଟିଏ ପ୍ରଡକ୍ଟ ଯୋଜନା ଆରମ୍ଭ

Launch a "One Station One Product Plan" to promote "Paintings and Pipili Canvas"

ଜଟଣୀ --ଓଡ଼ିଶାର ପ୍ରସିଦ୍ଧ ହସ୍ତତନ୍ତ “ପଟଚ୍ଚିତ୍ର” ଏବଂ “ପିପିଲି ର ଚାନ୍ଦୁଆ” କୁ ପ୍ରୋତ୍ସାହିତ କରିବା ପାଇଁ ଓଡ଼ିଶା ଗ୍ରାମୀଣ ବିକାଶ ତଥା ମାର୍କେଟିଂ ସୋସାଇଟି (ORMAS) ସହିତ ମିଳିତ ହୋଇ ପୂର୍ବ ତଟ ରେଳବାଇର ଖୋର୍ଦ୍ଧା ରୋଡ଼ ରେଳ ମଣ୍ଡଳ ପୁରୀ ରେଳ ଷ୍ଟେସନରେ “ଗୋଟିଏ ଷ୍ଟେସନ୍ ଗୋଟିଏ ପ୍ରଡକ୍ଟ” ଷ୍ଟଲ୍ ଆରମ୍ଭ କରିଛି । ଲକ୍ଷ୍ୟ ହେଉଛି ରେଳ ଷ୍ଟେସନକୁ ଏକ ପ୍ରମୋସନାଲ ହବ କରିବା ।ଏହି ଷ୍ଟଲକୁ ଖୋର୍ଦ୍ଧା ରୋଡ଼ ର ମଣ୍ଡଳ ରେଳ ପ୍ରବନ୍ଧକ ଶ୍ରୀ ରିଙ୍କେଶ ରୟ, ବରିଷ୍ଠ ମଣ୍ଡଳ ବାଣିଜ୍ୟ ପ୍ରବନ୍ଧକ ଶ୍ରୀ ଅମିତେଶ ଆନନ୍ଦ ଏବଂ 'ଓରମାସ' ର ଡେପୁଟି ସି. ଇ.ଓ. ଶ୍ରୀ ପ୍ରଶାନ୍ତ କୁମାର ଦାସଙ୍କ ଉପସ୍ଥିତିରେ ଉଦଘାଟିତ କରିଥିଲେ ।

ଗୋଟିଏ ଷ୍ଟେସନ୍- ଗୋଟିଏ ଉତ୍ପାଦ: ସ୍ଥାନୀୟ କାରିଗର, କୁମ୍ଭକାର, ବୁଣାକାର ,ହ୍ୟାଣ୍ଡଲୁମ୍ ବୁଣାକାର, ଆଦିବାସୀ ମାନଙ୍କର ଜୀବିକା ବୃଦ୍ଧି ତଥା କଲ୍ୟାଣ ଉଦ୍ଦେଶ୍ୟରେ ଭାରତ ସରକାର ନିକଟରେ ବଜେଟରେ ଘୋଷଣା କରିଥିଲେ । ଓଡିଶା ରାଜ୍ୟର ପ୍ରସିଦ୍ଧ ପର୍ଯ୍ୟଟନ ସ୍ଥଳୀ ପୁରୀ ହୋଇଥିବାରୁ, ପୁରୀ ରେଳ ଷ୍ଟେସନକୁ ଖୋର୍ଦ୍ଧା ରୋଡ ମଣ୍ଡଳ ଦ୍ଵାରା ରା 15 ଦିନ ପାଇଁ ପାଇଲଟ ଆଧାରରେ "ଗୋଟିଏ ଷ୍ଟେସନ ଗୋଟିଏ ପ୍ରଡକ୍ଟ" ଯୋଜନା କାର୍ଯ୍ୟକାରୀ କରିବା ପାଇଁ ଚିହ୍ନଟ କରାଯାଇଛି । ବର୍ତ୍ତମାନ ପର୍ଯ୍ୟଟକ ଯାତ୍ରୀମାନେ ପୁରୀ ରେଳ ଷ୍ଟେସନରେ ବିଭିନ୍ନ ପ୍ରକାରର ପ୍ରସିଦ୍ଧ “ପଟଚ୍ଚିତ୍ର” ଏବଂ “ପିପିଲି ଚାନ୍ଦୁଆ” ହସ୍ତତନ୍ତ ଜିନିଷ ପାଇ ପାରିବେ ।ପାରମ୍ପରିକ, ବସ୍ତ୍ର ଭିତ୍ତିକ ସ୍କ୍ରୋଲ୍ ପେଣ୍ଟିଂ ପାଇଁ ପଟ୍ଟଚିତ୍ର ଏକ ସାଧାରଣ ଶବ୍ଦ, ଯାହା ଶ୍ରୀ ଜଗନ୍ନାଥଙ୍କ ପୂଜାପାଠ ଏବଂ ପୁରୀର ମନ୍ଦିର ପରମ୍ପରା ସହିତ ଜଡିତ । ଏହି ଚିତ୍ରଗୁଡ଼ିକ ରଘୁରାଜପୁରର ସ୍ଥାନୀୟ କାରିଗରମାନଙ୍କ ଦ୍ୱାରା କରାଯାଇଛି । ରଘୁରାଜପୁର ହେଉଛି ପୁରୀ ଜିଲ୍ଲାର ଏକ ଐତିହ୍ୟ ହସ୍ତଶିଳ୍ପ ଗ୍ରାମ, ଯାହା ଏହାର କୁଶଳୀ ପଟ୍ଟଚିତ୍ର ଚିତ୍ରକରଙ୍କ ପାଇଁ ଜଣାଶୁଣା । ଚାନ୍ଦୁଆ ହେଉଛି ରଙ୍ଗୀନ ବସ୍ତ୍ର କୁ ବିଭିନ୍ନ ଆକୃତିରେ କାଟି ଅନ୍ୟ ଏକ ବସ୍ତ୍ର ଉପରେ ସିଲେଇ କରିବାର କଳା । ଏହି କାର୍ଯ୍ୟଟି ପୁରୀ ଏବଂ ଭୁବନେଶ୍ୱର ମଧ୍ୟରେ ଅବସ୍ଥିତ ପିପିଲି ଗାଁର ମହିଳା କାରିଗରମାନଙ୍କ ଦ୍ୱାରା କରାଯାଇଥାଏ । ସ୍ଥାନୀୟ ଭାଷାରେ, ପିପିଲିର ଏହି ଆପ୍ଲିକ୍ କାର୍ଯ୍ୟ 'ଚାନ୍ଦୁଆ' ଭାବରେ ମଧ୍ୟ ଜଣାଶୁଣା ।

ଏହି ଅବସରରେ ଶ୍ରୀ ରିଙ୍କେଶ ରୟ ଖୋର୍ଦ୍ଧା ରୋଡ ଡିଆରଏମ, କହିଛନ୍ତି ଯେ ପୁରୀ ରେଳ ଷ୍ଟେସନ ସ୍ଥାନୀୟ ଉତ୍ପାଦର ବୃଦ୍ଧି ତଥା ଉନ୍ନତି ପାଇଁ ମାର୍କେଟିଂ ହବ ଭାବରେ କାର୍ଯ୍ୟ କରିବ । ଏବଂ ସ୍ଥାନୀୟ କାରିଗରମାନଙ୍କୁ ଉନ୍ନତ ଜୀବିକା ଯୋଗାଇବ। ଷ୍ଟଲ୍ର ସୁବିଧା ନେବାକୁ ଏବଂ ସେମାନଙ୍କ ସହିତ ପ୍ରସିଦ୍ଧ ଦ୍ରବ୍ୟ ରଖିବାକୁ ଏବଂ ସ୍ଥାନୀୟ କାରିଗରମାନଙ୍କୁ ଉପକୃତ କରିବାକୁ ସେ ପର୍ଯ୍ୟଟକ ଯାତ୍ରୀମାନଙ୍କୁ ପରାମର୍ଶ ଦେଇଥିଲେ ।