ଶ୍ରୀରାମ ମନ୍ଦିର ସମ୍ମୁଖରେ ତୁଳସୀ ବିବାହ ଅନୁଷ୍ଠିତ

The Tulsi wedding is held in front of the Shriram Temple

ସାକ୍ଷୀଗୋପାଳ-----କାର୍ତ୍ତିକ ମାସ ଗରୁଡ ଦ୍ୱାଦଶୀ ତିଥିରେ ସାକ୍ଷୀଗୋପିନାଥ ଦେବଙ୍କ ମନ୍ଦିର ପାଖରେ ଥିବା ଶ୍ରୀରାମ ମନ୍ଦିରରେ ତୁଳସୀ ବିବାହ ଉତ୍ସବ କୋଭିଡ-୧୯ ଅନୁଯାୟୀ ମଙ୍ଗଳବାର ଅପରାହ୍ନରେ ଅନୁଷ୍ଠିତ ହୋଇଯାଇଛି । ଶ୍ରୀ ନାରାୟଣଙ୍କୁ ପଞ୍ଚାମୃତରେ ଗାଧୁଆ ପାଧୁଆ ସରିବା ପରେ ନୂତନ ବସ୍ତ୍ର ପରିଧାନ କରଯାଇଥିଲା । ତତ୍‌ପରେ ବୈଦିକ ରିତିନିତୀ ଅନୁଯାୟୀ ଶ୍ରୀ ନାରାୟଣ ଙ୍କ ସହିତ ମା ତୁଳସୀଙ୍କର ବିବାହ କାର୍ଯ୍ୟ ପୁରୋହିତ ବଂଶିଧର ପାଢ଼ି ଓ ହରିହର ମହାପାତ୍ରଙ୍କ ଦ୍ୱାରା ସମ୍ପାଦନ କରାଯାଇଥିଲା । କନ୍ୟା ଘର ପକ୍ଷରୁ ବରଯାତ୍ରୀ ମାନଙ୍କୁ ସମ୍ମାନ ଜଣାଇବା ସହ ମିଷ୍ଟାନ ବଣ୍ଟନ କରାଯାଇଥିଲା । ଏହି ବିବାହ କାର୍ଯ୍ୟର ମୁଖ୍ୟ ମଧ୍ୟସ୍ତି ଭାବେରାମଚନ୍ଦ୍ର ନନ୍ଦ ସମସ୍ତ କାର୍ଯ୍ୟ ତୁଲାଇଥିଲେ । ବରପିତା ଭାବେ ସତ୍ୟପିୟ ମହାପାତ୍ର ଓ ରଞ୍ଜିତା ମହାପାତ୍ର ରହିଥିବା ବେଳେ କନ୍ୟାପିତା ଭାବେ ଶରତ କୁମାର ହୋତା ଓ ସଂଯୁକ୍ତା ହୋତା ବିବାହ କାର୍ଯ୍ୟ ତୁଲାଇଥିଲେ । ବିବାହ କାର୍ଯ୍ୟ ସରିବା ପରେ ଉପସ୍ଥିତ ଶଦ୍ଧାଳୁ ମହିଳା ମାନେ ବରକନ୍ୟାଙ୍କୁ ବନ୍ଦାପନା କରି ଶ୍ରୀରାମ ମନ୍ଦିରକୁ ପାଛୋଟି ନେଇଥିଲେ । ପରେ ଉପସ୍ଥିତ ଶ୍ରଦ୍ଧାଳୁ ମାନେ ମହାପ୍ରସାଦ ସେବନ କରିଥିଲେ । ଏହି ଅବସରରେ ମୂଳଅଳସା ଗ୍ରାମ ପକ୍ଷରୁ ନାମସଂକୀର୍ତ୍ତନ କରାଯାଇଥିଲା ।