କେ ଏସ୍ ୟୁ ବି କଲେଜରେ ଏନସିସି ଦିବସ ପାଳିତ

NCC Day is celebrated at KSBB College

ଭଞ୍ଜନଗର,----- ସ୍ଥାନୀୟ କେ ଏସ୍ ୟୁ ବି କଲେଜରେ ଆଜି ଜାତୀୟ ସମର ଶିକ୍ଷାର୍ଥୀ ( ଏନ୍ ସି ସି) ବାହିନୀ ଦିବସ ପାଳିତ ହୋଇଯାଇଛି। ତନରଡା ସ୍ଥିତ ଆଇ ଆର୍ ବି ୮ମ ସ୍ଵତନ୍ତ୍ର ବାଟାଲିୟନ କମାଣ୍ଡିଙ୍ଗ ଅଫିସର ଲିଙ୍ଗରାଜ ମିଶ୍ର ମୁଖ୍ୟ ଅତିଥି ଭାବେ ଯୋଗଦେଇ ଏନ୍ ସି ସି ପତାକା କୁ ଉତୋଳନ କରିବା ସହ ପ୍ୟାରେଡରେ ଅଭିବାଦନ ଗ୍ରହଣ କରିଥିଲେ । ଆୟୋଜିତ ସଭାରେ କଲେଜ ଅଧ୍ୟକ୍ଷ ଡଃ ସୁବାସ ଚନ୍ଦ୍ର ପ୍ରଧାନ ଅଧ୍ୟକ୍ଷତା କରିଥିଲେ। କମାଣ୍ଡିଙ୍ଗ ଅଫିସର ଶ୍ରୀ ମିଶ୍ର ଏହି ଅବସରରେ ଏନ୍ ସି ସି ଛାତ୍ର ଛାତ୍ରୀ ଙ୍କ ଭୂମିକା ଏବଂ କେଉଁ ଉଦ୍ଦେଶ୍ଯ ନେଇ ଏନ୍ ସି ସି ଗଠନ ହୋଇଥିଲା ସେ ସମ୍ପର୍କରେ ମତ ପ୍ରକାଶ କରିଥିଲେ। ନାଭାଲ୍ ଅଫିସର ଲେଫ୍ଟନାଣ୍ଟ ଡଃ ରବିନ୍ଦ୍ର କୁମାର ମିଶ୍ର ସ୍ଵାଗତ ଭାଷଣ ଦେଇଥିବା ବେଳେ ଏନ୍ ସି ସି ଆର୍ମି ଅଫିସର ଲେଫ୍ଟନାଣ୍ଟ ରଜନୀ କାନ୍ତ ତ୍ରିପାଠୀ ଧନ୍ୟବାଦ ପ୍ରଦାନ କରିଥିଲେ। ଶେଷରେ ଛାତ୍ର ଛାତ୍ରୀ ଙ୍କ ଦ୍ଵାରା ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ ହୋଇଥିଲା। ଭଞ୍ଜନଗରରୁ ରବିନ୍ଦ୍ର ପ୍ରଧାନଙ୍କ ରିପୋର୍ଟ,୨୮/୧୧/୨୦୨୧----୮,୦୦