Farmers and people's representatives locked the office of the agriculture officer.
ବଲାଙ୍ଗୀର---- ବଲାଙ୍ଗୀର ଜିଲ୍ଲାରେ ପ୍ରତେକ ବର୍ଷ ମରୁଡି ପରିସ୍ଥିତି ସୃଷ୍ଟି ହୋଇଥିବା ବେଳେ ଚାଷୀ ଧାରା କରଜ କରି ବିଲରେ ଧାନ ବୁଣି ଥାଏ । ଅନେକ ଥର ଜିଲ୍ଲାରେ ଚାଷୀ ଆତ୍ମହତ୍ୟା କରିଥିବା ଦୃଶ୍ୟ ଦେଖିବାକୁ ମିଳେ । ତେବେ ଏଭଳି ପରିସ୍ଥିତିରେ ସଇଁତଲା ବ୍ଲକରେ ଚଳିତ ବର୍ଷ ଅଦିନିଆ ବର୍ଷା ଯୋଗୁଁ ଅନେକ ପଞ୍ଚାୟତରେ ଗଜା ମରୁଡି ଦେଖା ଦେଇଛି । ଯାହା ଫଳରେ ଚାଷୀ ମୁଣ୍ଡ ଉପରେ ହାତ ଦେଇବସିଛି । ତେବେ ଏହି ଗଜାମରୁଡ଼ିର ରିପୋର୍ଟ ସଂଗ୍ରହ କରିବା ସହିତ କ୍ଷତି ପୂରଣ ଦାବିରେ କୃଷି ଅଧିକାରୀ ଚିତ୍ତରଞ୍ଜନ ଶତପଥୀ ଓ ସ୍ଥାନୀୟ ତହସିଲଦାର ସୁରେନ୍ଦ୍ର ମେହେରଙ୍କୁ ଶିଷକେଲା ଓ ବେଲଗା ପଞ୍ଚାୟତର ଚାଷୀ ମାନେ ଅନେକଥର ଅଭିଯୋଗ ମଧ୍ୟ କରିଥିଲେ ।ହେଲେ ଚାଷୀଙ୍କ କଥାକୁ କେହି କର୍ଣ୍ଣପାତ କରିନଥିଲେ । ଶେଷରେ ଆଜି ବାଧ୍ୟ ହୋଇ ଶିଷକେଲା ପଞ୍ଚାୟତ ସରପଞ୍ଚ ଉମାକାନ୍ତ ରଣାଙ୍କ ନେତୃତ୍ୱରେ ସ୍ଥାନୀୟ କୃଷି କାର୍ଯ୍ୟଳୟ ଆଗରେ ଶତାଧିକ ଚାଷୀ ଧାରଣା ଦେବାସହ କୃଷି ଅଧିକାରୀଙ୍କ କାର୍ଯ୍ୟାଳୟକୁ ତଲା ପକାଇ ଦେଇଛନ୍ତି । କୃଷି ଅଧିକାରୀଙ୍କ ଅନୁପସ୍ଥିତି ଯୋଗୁ ଚାଷୀ ମାନେ ଅସନ୍ତୋଷ ପ୍ରକାଶ କରିଛନ୍ତି । ଚାଷୀଙ୍କୁ କ୍ଷତି ପୂରଣ ନଦେଲେ ଆଗାମୀ ଅନିର୍ଦ୍ଧିଷ୍ଟକାଳ ପାଇଁ ଧାରଣାରେ ବସିବା ପାଇଁ ଚାଷୀ ଚେତାବନୀ ଦେଇଛନ୍ତି।
ବଲାଙ୍ଗୀର ରୁ ରଞ୍ଜନ କୁମାର ବାଗଙ୍କ ରିପୋର୍ଟ,୩୦/୧୧/୨୦୨୧ Sakhigopal News,30/11/2021
