ବିଧାୟକଙ୍କର ମାରାଥନ ଉଦଘାଟନ

Legislator's marathon inauguration

ସାକ୍ଷୀଗୋପାଳ---- ସତ୍ୟବାଦୀ ବ୍ଳକ ଅନ୍ତର୍ଗତ ଶ୍ରୀରାମଚନ୍ଦ୍ରପୁର ଗ୍ରାମ ପଞ୍ଚାୟତରେ ସ୍ଥାନୀୟ ବିଧାୟକ ଉମାକାନ୍ତ ସାମନ୍ତରାୟଙ୍କ ଦ୍ୱାରା ବିଭିନ୍ନ ପ୍ରକଳ୍ପ ଉଦଘାଟିତ ହୋଇଯାଇଛି । ଶ୍ରୀରାମଚନ୍ଦ୍ରପୁର ପଞ୍ଚାୟତର ନହଳା ବିଦ୍ୟାଳୟରେ ଛଅ ଲକ୍ଷ ଟଙ୍କାରେ ନିର୍ମିତ ଭୋଜନକକ୍ଷକୁ ଉଦଘାଟନ କରିଥିଲେ । ସେଠାରେ ଏକ ସଭାର ଆୟୋଜନ କରାଯାଇଥିଲା ।

ଶ୍ରୀରାମଚନ୍ଦ୍ରପୁର ଗୋପିନାଥ ଦେବଙ୍କ ମନ୍ଦିର ନିକଟରେ ୫ଲକ୍ଷ ଟଙ୍କା ବ୍ୟୟରେ ର୍ନିମିତ କମ୍ୟୁନିଟହଲ ,ଶ୍ରୀରାମଚନ୍ଦ୍ରପୁର ଅଙ୍ଗନୱାଡି-୨ର ୭ଲକ୍ଷ ଟଙ୍କା ବ୍ୟାୟରେ ନିର୍ମିତ ଗୃହକୁ ଉଦଘାଟନ କରିଥିଲେ ।ଶେଷରେ ଶ୍ରୀରାମଚନ୍ଦ୍ରପୁର ଗ୍ରାମ ପଞ୍ଚାୟତ ପରିସରରେ ଭି, ଏଲ,ଡ୍ୟୁଙ୍କ ପାଇଁ ୮ ଲକ୍ଷ ଟଙ୍କା ବ୍ୟାୟରେ ର୍ନିମିତ କ୍ୱାର୍ଟର ଗୃହକୁ ବିଧାୟକ ଉଦଘାଟନ କରିଥିଲେ । ଅନ୍ୟ ମାନଙ୍କ ମଧ୍ୟରେ ବ୍ଳକ ଅଧ୍ୟକ୍ଷା ସସ୍ମିତା ପ୍ରଧାନ, ଉପାଧ୍ୟକ୍ଷ ବିକ୍ରମ କୁମାର ଜେନା, ବିଡିଓ କ୍ଷୀରୋଦ କୁମାର ବେହେରା, ଆତ୍ମାର ଅଧ୍ୟକ୍ଷ ରାମଚନ୍ଦ୍ର ମହାନ୍ତି, ବ୍ଳକ ବିଜେଡି ସଭାପତି ପ୍ରମୋଦ କୁମାର ରାଉତରାୟ, ଜିଲ୍ଲା ପରିଷଦସଭ୍ୟ ପ୍ରହଲ୍ଲାଦ ଘଟୁଆରୀ, ସ୍ଥାନୀୟ ସରପଞ୍ଚ ମଳୟ ମଞ୍ଜରୀ ମୁଦୁଲି ଉପସ୍ଥିତ ରହିଥିଲେ । ସରପଞ୍ଚଙ୍କ ପ୍ର୍‌ତିନିଧି ସେମାନାଥ ମୁଦୁଲି ବିଭିନ୍ନ ୱାର୍ଡରେ କରାଯାଇଥିବା ଉନ୍ନୟନ ମୂଳକ କାର୍ଯ୍ୟ ସମ୍ପର୍କେ କହିଥିଲେ ।