=ଭାର୍ଗବୀ ନଦୀରେ ବନ୍ୟାଜଳ ପ୍ରବାହିତ ; ନଦୀ ବନ୍ଦରେ ପ୍ରହରା ଆରମ୍ଭ
ସାକ୍ଷୀଗୋପାଳ----- ଲଘୁଚାପ ଜନିତ ବର୍ଷା ଯୋଗୁ ସତ୍ୟବାଦୀରେ ପ୍ରବାହିତ ଭାର୍ଗବୀ ନଦୀରେ ପ୍ରଥମ ବନ୍ୟା ଜଳ ପ୍ରବାହିତ ହୋଇଛି । ଏବେ ନଦୀ ପଠା ଉପରେ ବନ୍ୟାଜଳ ପ୍ରବାହିତ ହେଉଛି । ନଦୀର ବାମ ପାଶ୍ୱର୍ ବନ୍ଦବଳଙ୍ଗା ଜଳସେଚନ ଅଧିନରେ ରହିଥିବା ବେଳେ ଡାହଣ ପାଶ୍ୱର୍ ନଦୀ ବନ୍ଦ ସତ୍ୟବାଦୀ ଜଳସେଚନ ବିଭାଗ ଅଧୀନରେ ରହିଛି । ନଦୀରେ ବନ୍ୟା ପରିସ୍ଥିତକୁ ନଜର କରି ଜଳସେଚନ ବିଭାଗର ବଳଙ୍ଗା ଓ ସତ୍ୟବାଦୀ ଡିଭିଜନ ସଜାଗ ରହିଛନ୍ତି । ସମସ୍ତ କର୍ମଚାରୀ ମାନେ ପ୍ରାଟୋଲିଂ ସହିତ ସଜାଗ ରହିଛନ୍ତି । ନଦୀ ବନ୍ଦରେ କୌଣସି ବିପଦ ବା ଅସୁବିଧା ନାହିଁ ବୋଲି ସତ୍ୟବାଦୀ ଜଳସେଚନ ବିଭାଗ ଦାୟତ୍ୱରେ ଥିବା ଉପଖଣ୍ଡ ଅଧିକାରୀ ନବ ମହାପାତ୍ରଙ୍କ ଠାରୁ ସୁଚନା ମିଳିଛି । ସେହିପରି ବଳଙ୍ଗା ଡିଭିଜନରେ ୧୦.୪୨ ବିପଦ ସଙ୍କେତ ରହିଥିବା ବେଳେ ସେଠାରେ ୧୦.୦୩ ବନ୍ୟା ଜଳ ପ୍ରବାହିତ ହେଉଥିବା ବଳଙ୍ଗା ଡିଭିଜନର ଉପଖଣ୍ଡ ଅଧିକାରୀ ରାକେଶ କୁମାର ମଲ୍ଲିକଙ୍କ ଠାରୁ ସୁଚନା ମିଳିଛି । ଦୁଇ ଡିଭିଜନର କନିଷ୍ଠ ଯନ୍ତ୍ରୀଙ୍କ ସହିତ ଅନ୍ୟ କର୍ମଚାରୀ ମାନେ ନଦୀ ବନ୍ଦରେ ଦିନରାତି ମଟର ସାଇକେଲରେ ପାଟୋଲିଂ କରୁଥିବା ଜଣାପଡିଛି । ଅନ୍ୟ ପକ୍ଷେ ପାଣି ମୁଣ୍ଡଳିରୁ କମିବା ଆରମ୍ଭ ହୋଇଥବା ଜଣାପଡିଛି । କୌଣସି ଭୟଭୀତ ହେବାର ନାହିଁ ବୋଲି ସତ୍ୟବାଦୀ ଜଳସେଚନ ବିଭାଗର ଉପଖଣ୍ଡ ଅଧିକାରୀ ଶ୍ରୀ ମହାପାତ୍ରଙ୍କ ଠାରୁ ସୁଚନା ମିଳିଛି ।
ସାକ୍ଷୀଗୋପାଳରୁ ଧୀରେନ୍ଦ୍ର ସେନାପତି, ୧୬/୯/୨୦୨୧--୮,୨୦
Sakhigopal News, 16/9/2021
