“ସ୍ଵଚ୍ଛ ରେଲଗାଡି” - ସ୍ଵଚ୍ଛତା ପଖୱାଡା 'ସମୟରେ ଟ୍ରେନ୍ ସ୍ୱଚ୍ଛତା ଯାଞ୍ଚ କରିବା ପାଇଁ ଜୋରଦାର ଅଭିଯାନ

ଜଟଣୀ --୧୬ସେପ୍ଟେମ୍ବରରୁ ୩୦ ସେପ୍ଟେମ୍ବର୨୦୨୧ ପର୍ଯ୍ୟନ୍ତ “ସ୍ଵଚ୍ଛତା ପଖୱଡା” ର ପର୍ଯ୍ୟବେକ୍ଷଣ ସମୟରେ ଖୋର୍ଦ୍ଧା ରୋଡ଼ ରେଳ ମଣ୍ଡଳ “ସ୍ଵଚ୍ଛ ରେଳଗାଡି” ଉପରେ ଦୁଇ ଦିନ ପାଇଁ ବିଶେଷ ଧ୍ୟାନ ଦେଇଛି। ଉଦ୍ଦେଶ୍ୟ ହେଉଛି ଟ୍ରେନରେ ପରିଷ୍କାର ପରିଚ୍ଛନ୍ନତା ଏବଂ ଯାତ୍ରୀମାନଙ୍କୁ ସୁସ୍ଥ ପରିବେଶ ଯୋଗାଇବା । ସ୍ଵଚ୍ଛ ରେଳଗାଡି ପାଳନ ସମୟରେ ଡିଭିଜନ୍ ରେ ଥିବା ସମସ୍ତ ପ୍ରମୁଖ ରେଳ ଷ୍ଟେସନ୍, ଅର୍ଥାତ୍ ଭୁବନେଶ୍ୱର, ପୁରୀ, ଖୋର୍ଦ୍ଧା ରୋଡ଼, କଟକ, ଭଦ୍ରକ, ଯାଜପୁର-କେନ୍ଦୁଝର ରୋଡ଼, ବ୍ରହ୍ମପୁର ଏବଂ ପଲାସା ରେ ଟ୍ରେନ୍ ଗୁଡ଼ିକର, ଅଧିକାରୀ ଏବଂ ସ୍ୱାସ୍ଥ୍ୟ ନିରୀକ୍ଷକଙ୍କ ଦ୍ୱାରା ତନ୍ ତନ୍ ଯାଞ୍ଚ କରାଯାଇଥିଲା। ଶୈ।ଚାଳୟର ପରିଚ୍ଛନ୍ନତା ସହିତ ଟ୍ରେନ୍ କୁ ପରିଷ୍କାର ରଖିବା ନିଶ୍ଚିତ କରିବା ପାଇଁ ପଦକ୍ଷେପ ନିଆଯାଇଥିଲା

। ୟୁନିଫର୍ମ ଏବଂ ସମସ୍ତ ସୁରକ୍ଷା ଉପକରଣ ସହିତ ଅନବୋର୍ଡ ହାଉସ୍ କିପିଂ ଷ୍ଟାଫ୍ (OBHS) କର୍ମଚାରୀଙ୍କ ଉପଲବ୍ଧତା ମଧ୍ୟ ଯାଞ୍ଚ କରାଯାଇଥିଲା । ଟ୍ରେନରେ ଦିଆଯାଇଥିବା ଅନବୋର୍ଡ ହାଉସ୍ ରକ୍ଷଣାବେକ୍ଷଣ ସେବା ଉପରେ ଯାତ୍ରୀମାନଙ୍କଠାରୁ ମତାମତ ନିଆଯାଇଥିଲା । ଯାତ୍ରୀମାନଙ୍କ ସଚେତନତା ପାଇଁ ଟ୍ରେନରେ କରଣୀୟ/ଅକରଣୀୟ ପୋଷ୍ଟରର ପ୍ରଦର୍ଶନ ନିଶ୍ଚିତ କରାଯାଇଥିଲା । ପୁରୀ ଏବଂ ଭୁବନେଶ୍ୱର କୋଚିଂ ଡିପୋରେ ୱାଶିଂ ଲାଇନର ଟ୍ରେନ୍ ଭିତରେ ଏବଂ ବାହାରେ ମଧ୍ୟ ସ°ପୂର୍ଣ୍ଣ ସଫେଇ ଉପରେ ଧ୍ୟାନ ଦିଆଯାଇଥିଲା ।

ପାନ୍ଟ୍ରି କାରଗୁଡିକ ସଫା କରିବା ନିଶ୍ଚିତ କରାଯାଇଥିଲା । ଚାଲିଥିବା ସ୍ଵଚ୍ଛତା ପଖୱ।ଡା ସମୟରେ ଖୋର୍ଦ୍ଧା ରୋଡ଼ ରେଳ ମଣ୍ଡଳ ରେଳ ବ୍ୟବହାରକାରୀ ଏବଂ କର୍ମଚାରୀଙ୍କ ପାଇଁ ସୁସ୍ଥ ଏବଂ ସ୍ୱଚ୍ଛ ପରିବେଶ ସୁନିଶ୍ଚିତ କରିବା ପାଇଁ ରେଳ ଷ୍ଟେସନ, ଟ୍ରେନ୍, ଅଫିସ୍ କୋଠା, ରେଳ କଲୋନୀ ଇତ୍ୟାଦିରେ ବିଭିନ୍ନ ପରିଷ୍କାର କାର୍ଯ୍ୟକଳାପ, ତନ୍ ତନ୍ ଯାଞ୍ଚ ଏବଂ ସଚେତନତା କାର୍ଯ୍ୟକ୍ରମ ପାଇଁ ଯୋଜନା କରାଯାଇଛି।