ବଳରାମ ଙ୍କର ଚିକିତ୍ସାରେ ବାଧକ ସାଜିଛି ଅର୍ଥ

ଭଞ୍ଜନଗର---ବାପା ଜେଲରେ ମା ଆରପାରିରେ ପିଲାଟି ଦିନରୁ ଦୁଖଃ ପାଉଥିବା ବଳରାମ ଏବେ ରୋଗାଗ୍ରସ୍ତ ହୋଇ ଅସହ୍ୟ ଯନ୍ତ୍ରଣାରେ ଛଟପଟ ହେଉଛି । ଚିକିତ୍ସା ରେ ବାଧକ ସାଜିଛି ଏବେ ଅର୍ଥ । କେହି ବାଦ୍ଯନ ବ୍ୟକ୍ତି ବିଶେଷ ଓ ଅନୁଷ୍ଠାନ ର ସହଯୋଗ କଲେ ବଳରାମ ସୁସ୍ଥ ହୋଇପାରିବ ବୋଲି ତାଙ୍କ ଆଇ ନିବେଦନ କରିଛନ୍ତି ।

ଗଞ୍ଜାମ ଜିଲ୍ଲା ଜଗନ୍ନାଥ ପ୍ରସାଦ ବ୍ଲକ ଚାରିକୋଣିଆ ଗ୍ରାମର ବଳରାମ ସାହୁ ଓ ଭଉଣୀ ପାର୍ବତୀ ସାହୁ ପିଲାଟିବେଳୁ ମା ଛେମୁଣ୍ଡ ହୋଇଗଲେ । କାରଣ ବାପା ଜେଲରେ ଆଜୀବନ ସଜା କାଟୁଥିବାବେଳେ ପିଲାଟିବେଳୁ ମା ଚାଲିଗଲା ଆରପାରିକୁ । ସେହି ଘଡ଼ିସନ୍ଧି ମୁହୂର୍ତ୍ତରେ ଆଇ କୋଳେଇ ନେଲେ ନାତିନାତୁଣୀକୁ । ଛୋଟ ପିଲା ଦୁଇଟିକୁ ଆଇ ନେଇ ଆସିଲେ ନିଜ ଗ୍ରାମ ଭଞ୍ଜନଗର ବ୍ଲକ ଗାମୁଣ୍ଡି ଗ୍ରାମକୁ । ସମୟ ବଢିବା ସାଙ୍ଗକୁ ପିଲାମାନଙ୍କ ବୟସ ବଢିଲା । ନାତି ଭଞ୍ଜନଗର ପରିବା ଦୋକାନ ରେ କାମକରି ମାସକୁ ତିନିହଜାର ଆଣୁଥିବାବେଳେ ଆଇ ଧାର କରଜ କରି ନାତୁଣୀ ର ବାହାଘର ବଡ଼କୋଦଣ୍ଡା ଗ୍ରାମରେ କରାଇଦେଲେ । ନାତୁଣୀର ବାହାଘର ସରୁସରୁ ନାତି ବଳରାମ ର ଦେହ ଖରାପ ହୋଇଗଲା ତାକୁ ପ୍ରଥମେ ଭଞ୍ଜନଗର ମେଡିକାଲ ରେ ଦେଖାଇଲେ । ପେଟରେ ଷ୍ଟୋନ ହୋଇଯାଇଛି ବୋଲି ଜାଣିବା ପରେ ମେଡ଼ିସିନ ଖାଇଲେ କିନ୍ତୁ ମେଡ଼ିସିନ ଖାଇ ଖାଇ ଗୋଡ ଅଚଳ ହୋଇଗଲା ତାପରେ ବ୍ରହ୍ମପୁର ମେଡିକାଲ ରେ ଚିକିତ୍ସା କରାଇଲେ ସେଠାରୁ ପୁଣି ଅଧିକ ଚିକିତ୍ସା ନିମନ୍ତେ ଡାକ୍ତର କଟକ ମେଡିକାଲ କୁ ରେଫେର କରିଦେଲେ । କଟକ ରେ କିଛିଦିନ ଚିକିତ୍ସା ପରେ ଡାକ୍ତର ଅପରେସନ କରିବାକୁ ପରାମର୍ଶ ଦେଲେ । କହିଲେ ଅପରେସନ ପରେ ପିଲା ଠିକ ହୋଇଯିବ କିନ୍ତୁ ପାଖରେ ଟଙ୍କା ନଥିବାରୁ ଘରକୁ ନେଇ ଆସିଲେ । ବଳରାମ ର ସ୍ୱାସ୍ଥ୍ୟ ବିଷୟରେ ଆଇ ମାୟା ପ୍ରଧାନ ଭଞ୍ଜନଗର ଉପଜିଲ୍ଲାପାଳ ରାଜେନ୍ଦ୍ର ମିଞ୍ଜ ଙ୍କ ଦୃଷ୍ଟି ଆକର୍ଷଣ କରିବାରୁ ସେ ରେଡ଼କ୍ରସ ରୁ ଦଶ ହଜାର ଟଙ୍କା ଆର୍ଥିକ ସାହାଯ୍ୟ ଯୋଗାଇ ଦେଇଛନ୍ତି । ଚିକିତ୍ସାରେ ପ୍ରଶାସନ ସହଯୋଗ କରିବାକୁ ପ୍ରତିଶୃତି ଦେଇଥିବାବେଳେ ଆଜି ଗୋପବନ୍ଧୁ ଚାରିଟେବୁଲ ଟ୍ରଷ୍ଟ (ଗଞ୍ଜାମ) ଚଢ଼େୟାପଲି ତରଫରୁ କିଛି ବିଦ୍ୱାନ ବ୍ୟକ୍ତି ମାନଙ୍କ ସାହାଯ୍ୟ କ୍ରମେ ସଂଗଠନ ର ତିନିଜଣ ସଦସ୍ୟ ଭାଇ ଆଲୋକ ପଟନାୟକ, ବିଦେଶୀ ପ୍ରଧାନ, ସଞ୍ଜୟ ପ୍ରଧାନ ଆସି ଆଠ ହଜାର ଟଙ୍କା ପ୍ରଦାନ କରିଛନ୍ତି ।

 ଭଞ୍ଜନଗରରୁ ରବିନ୍ଦ୍ର ପ୍ରଧାନଙ୍କ ରିପୋର୍ଟ,୨୨/୯/୨୦୨୧--- ୪,୪୫ Sakhigopal News,22/9/2021