କାମ ସରିବାର ୮ ମାସ ରେ ପିଚୁ ଉଠିବା ଘଟଣା, ଦେଓଗାଁ ଡାଇମଣ୍ଡ କ୍ଳବ ତରଫରୁ ନିର୍ବାହୀ ଯନ୍ତ୍ରୀଙ୍କୁ ସ୍ମାରକପତ୍ର ପ୍ରଦାନ

ନୟାଗଡ଼/ଓଡଗାଁ:-- ଓଡଗାଁ ବ୍ଳକ ଅନ୍ତର୍ଗତ କୁରାଳରୁ କୁରୁମବାଙ୍କତରା ପର୍ଯ୍ୟନ୍ତ ୮ ମାସ ତଳେ ତିଆରି ହୋଇଥିବା ଗ୍ରାମ୍ୟ ଉନ୍ନୟନ ବିଭାଗ ରାସ୍ତା ଦେଓଗାଁ ଠାରେ ପିଚୁ ଉଠିବା ଘଟଣାରେ ରାସ୍ତାର ପୁଣି ନୂତନ ନିର୍ମାଣ ପାଇଁ ଦେଓଗାଁ ଡାଇମଣ୍ଡ କ୍ଳବ ତରଫରୁ ନୟାଗଡ଼ ଗ୍ରାମ୍ୟ ଉନ୍ନୟନ ବିଭାଗ ର ନିର୍ବାହୀ ଯନ୍ତ୍ରୀଙ୍କୁ ସ୍ମାରକପତ୍ର ପ୍ରଦାନ କରାଯାଇଛି।

ସୂଚନାଥାଉକି, ଗତ ୮ ମାସ ତଳେ କୁରାଳ ରୁ କୁରୁମବାଙ୍କତରା ପର୍ଯ୍ୟନ୍ତ ଗ୍ରାମ୍ୟ ଉନ୍ନୟନ ବିଭାଗ ରାସ୍ତା ତିଆରି ହୋଇଥିଲା। କିନ୍ତୁ କାମ ହବାର ମାତ୍ର ୮ ମାସ ଭିତରେ ରାସ୍ତାରୁ ପରସ୍ତ ପରସ୍ତ ହୋଇ ପିଚୁ ଉଠିବା ସହ ପିଚୁ ରାସ୍ତା ଏବେ ମାଟି ରାସ୍ତାରେ ପରିଣତ ହୋଇଗଲାଣି । ତେଣୁ ଏହି ଦରଖଣ୍ଡିଆ ପିଚୁ ରାସ୍ତା କୁ ପୁଣି ନୂତନ ଭାବେ ନିର୍ମାଣ ଦାବିରେ ଆଜି ଦେଓଗାଁ ଡାଇମଣ୍ଡ କ୍ଳବ ତରଫରୁ ନିର୍ବାହୀ ଯନ୍ତ୍ରୀଙ୍କୁ ସ୍ମାରକପତ୍ର ପ୍ରଦାନ କରାଯାଇଛି।

ଅନ୍ୟ ପକ୍ଷରେ ଏନେଇ ଡାଇମଣ୍ଡ କ୍ଳବ ସଭାପତି ବିଭୂତି ରାଉତଙ୍କୁ ପଚାରିବାରେ ଆଗାମୀ ୧୫ ଦିନ ମଧ୍ଯରେ ଯଦି ଉକ୍ତ ରାସ୍ତାକୁ ପୁଣି ନବନିର୍ମିତ ନ କରାଯାଏ, ତେବେ ଡାଇମଣ୍ଡ କ୍ଳବ ତରଫରୁ ସମସ୍ତ ସଦସ୍ଯ ବାଧ୍ଯ ହୋଇ ଧାରଣା ଦେବେ ବୋଲି ଚେତାବନୀ ଦେଇଛନ୍ତି।