ଖୋର୍ଦ୍ଧା ରୋଡ଼ ରେଳ ମଣ୍ଡଳ ରେ ୧୩୮ ତମ ମଣ୍ଡଳୀୟ ସରକାରୀ ଭାଷା ପ୍ରୟୋଗ କମିଟିର ବୈଠକ ଏବଂ ହିନ୍ଦୀ ପଖୱାଡାର ସମାପ୍ତ ସମାରୋହ ଆୟୋଜିତ

ଜଟଣୀ ----ଶ୍ରୀ କଲ୍ୟାଣ ପଟ୍ଟନାୟକ ଅତିରିକ୍ତ ମୁଖ୍ୟ ରାଜ ଭାଷା ଅଧିକାରୀ ଏବଂ ଅତିରିକ୍ତ ମଣ୍ଡଳ ରେଳ ପ୍ରବନ୍ଧକ (ଇନପ୍ର°।) ଖୋର୍ଦ୍ଧା ରୋଡ଼ ଙ୍କ ଅଧ୍ୟକ୍ଷତାରେ, ମଣ୍ଡଳର ରାଜ ଭାଷା ବିଭାଗ, ମଣ୍ଡଳ ସରକାରୀ ଭାଷା କାର୍ଯ୍ୟକାରୀ କମିଟିର ୧୩୮ତମ ବୈଠକ ଭର୍ଚୁଆଲ୍ ଭାବରେ ଆୟୋଜନ ହୋଇଯାଇଛି । ସରକାରୀ କାର୍ଯ୍ୟରେ ହିନ୍ଦୀ ଭାଷାର ମହତ୍ତ୍ୱ କୁ ପ୍ରୋତ୍ସାହିତ କରିବା ପାଇଁ ରାଜ ଭାଷା ବିଭାଗ ନେଇଥିବା ବିଭିନ୍ନ କାର୍ଯ୍ୟକଳାପର ବିବରଣୀ ଏହି ବୈଠକରେ ମୂଲ୍ୟାଙ୍କନ କରାଯାଇଥିଲା। ହିନ୍ଦୀ ପଖୱ।ଡା ସମୟରେ କରାଯାଇଥିବା ବିଭିନ୍ନ କାର୍ଯ୍ୟକ୍ରମର ସଂକ୍ଷିପ୍ତ ବର୍ଣ୍ଣନା, ଯେପରିକି ହିନ୍ଦୀ କବିତା ପାଠ , ହିନ୍ଦୀ ପ୍ରବାଦ ପ୍ରତିଯୋଗିତା, ମହିଳାମାନଙ୍କ ପାଇଁ ଯୋଗ କାର୍ଯ୍ୟକ୍ରମ, ହିନ୍ଦୀ କର୍ମଶାଳା ଇତ୍ୟାଦି ପ୍ରଦାନ କରାଯାଇଥିଲା । ଗୃହ ମନ୍ତ୍ରଣାଳୟର ବାର୍ଷିକ କାର୍ଯ୍ୟକ୍ରମ ଅଧୀନରେ ଉଲ୍ଲେଖ କରାଯାଇଥିବା ହିନ୍ଦୀ କାର୍ଯ୍ୟକାରିତା ପାଇଁ ନିର୍ଦ୍ଧାରିତ ଲକ୍ଷ୍ୟଗୁଡିକର ପାଳନ ଉପରେ ମଧ୍ୟ ଆଲୋଚନା କରାଯାଇଥିଲା । ଏହି ଅବସରରେ ଶ୍ରୀ କଲ୍ୟାଣ ପଟ୍ଟନାୟକ କହିଛନ୍ତି ଯେ ହିନ୍ଦୀ ଭାଷା ପ୍ରଚାର ପାଇଁ ମଣ୍ଡଳ ବିଭିନ୍ନ କାର୍ଯ୍ୟକଳାପ କରୁଛି। ସରକାରୀ କାର୍ଯ୍ୟରେ ହିନ୍ଦୀ ଭାଷାର ବ୍ୟବହାରକୁ ସୁନିଶ୍ଚିତ କରିବା ପାଇଁ ବିଭିନ୍ନ ବିଭାଗରୁ ନୋଡାଲ ଅଧିକାରୀମାନଙ୍କୁ ନିଯୁକ୍ତି ଦିଆଯାଉଛି । ଶ୍ରୀ ବ୍ରିଜେଶ କୁମାର ମିଶ୍ର, ଏଡିଆରଏମ (ଅନୁଗୁଳ), ଶ୍ରୀ ଅଶୋକ କୁମାର, ଏଡିଆରଏମ (ଓପି) ଏବଂ ବିଭାଗର ସମସ୍ତ ଶାଖା ଅଧିକାରୀମାନେ ଏହି ସଭାରେ ଭର୍ଚୁଆଲ୍ ଭାବରେ ଅଂଶଗ୍ରହଣ କରିଥିଲେ। ଏହି କାର୍ଯ୍ୟକ୍ରମକୁ ଖୋର୍ଦ୍ଧା ରୋଡ଼ ମଣ୍ଡଳ ରାଜ ଭାଷା ଅଧିକାରୀ ଶ୍ରୀମତୀ ୟେଲିନା ପଣ୍ଡା ସଂଯୋଜନା କରିଥିଲେ।