ଭଂଜନଗର ରେ ଦିନିକିଆ ଭାରତ ବନ୍ଦ ସଫଳ-

ଭଞ୍ଜନଗର--- ବିଭିନ୍ନ କୃଷି ସଂଗଠନ , ବାମପନ୍ଥୀ ଦଳ ଓ ରାଜ୍ୟ କଂଗ୍ରେସ ଦଳର ସମର୍ଥନରେ ଦିନିକିଆ ଭାରତ ବନ୍ଦ ର ପ୍ରଭାବ ଦେଖିବାକୁ ମିଳିଛି । ଗଂଜାମ ଜିଲ୍ଲାର ଭଞ୍ଜନଗର ଠାରେ ଝିପି ଝିପି ବର୍ଷା ସତ୍ବେ ବିଭିନ୍ନ କୃଷି ସଂଗଠନ ର ସଦସ୍ୟ ସିପିଆଇ ଦଳ ଓ ସ୍ଥାନୀୟ କଂଗ୍ରେସ ଦଳ ଏହାକୁ ସମର୍ଥନ କରି ବନ୍ଦ ଡାକରା ରେ ସାମିଲ ହୋଇଥିଲେ । ୩ଟି କୃଷି ଆଇନ୍ ସହ ନିତ୍ୟବ୍ୟବହାର୍ଯ୍ୟ ଜିନିଷ ଓ ଖାଉଟି ସାମଗ୍ରୀ ର ଅହେତୁକ ଦରଦାମ ବୃଦ୍ଧି ହୋଇଥିବାରୁ , କେନ୍ଦ୍ର ସରକାରଙ୍କ ବିରୋଧରେ ନାରାବାଜି କରି ଭଞ୍ଜନଗର ସହରରେ ଶାନ୍ତିପୂର୍ଣ୍ଣ ପିକେଟିଂ କରିଥିଲେ । ଗତ ୧୦ ମାସ ଧରି , କୃଷି ଆଇନ କୁ ବିରୋଧ କରି ଦିଲ୍ଲୀ ଠାରେ କୃଷକ ମାନେ ଧାରଣା ଦେଇଥିଲେ ମଧ୍ୟ , ଏହାର ସମାଧାନ ନକରି କୃଷକ ଭାରତ ନୀତି କରୁଛନ୍ତି ବୋଲି ଅଭିଯୋଗ କରିଥିଲେ । ଦୋକାନ , ବଜାର ସହ ବିଭିନ୍ନ ସରକାରୀ ଓ ବେସରକାରୀ କାର୍ଯ୍ୟାଳୟ ଏବଂ ଗାଡ଼ି ଚଳାଚଳ ବନ୍ଦ ରହିଥିଲା । ଏଥିରେ କଂଗ୍ରେସ ନେତା ପ୍ରଶାନ୍ତ ବିଷୋୟୀ, ଦେବୀ ବିଷୋୟୀ, ଆଇନଜୀବୀ ସୋମନାଥ ନାୟକ ଙ୍କ ସମେତ କଂଗ୍ରେସ , ସିପିଆଇ ଦଳର ନେତାଙ୍କ ସହ ତାଙ୍କର ସମର୍ଥକ ପ୍ରମୁଖ ସାମିଲ ହୋଇଥିଲେ ।