ଆଶ୍ରୟ 'ତରଫରୁ ବ୍ୟାଡ଼ମିଣ୍ଟନ ପ୍ରତିଯୋଗିତାର ଶୁଭ ଉଦଘାଟନ ଉତ୍ସବ ଅନୁଷ୍ଠିତ

ଜଟଣୀ --ଆଜି ଠାରୁ ସ୍ଥାନୀୟ ଆଶ୍ରୟ ଅନୁଷ୍ଠାନର ଇଣ୍ଡୋର ଷ୍ଟାଡିୟମରେ ଖୋର୍ଦ୍ଧାଜିଲ୍ଲା ବ୍ୟାଡ଼ମିଣ୍ଟନ ଆସୋସିଏସନ ତରଫରୁ ୧୯ ବର୍ଷରୁ କମ ପୁଅ ଓ଼ ଝିଅ ମାନଙ୍କର ସର୍ବଭାରତୀୟ ସ୍ତରରେ ଖେଳିବା ପାଇଁ ବ୍ୟାଡ଼ମିଣ୍ଟନ। ପ୍ରତିଯୋଗିତା କରାଯାଉଛି । ପୁଅ ଓ ଝିଅ ମିଶି୧୫୬ ଜଣ ଖେଳାଳି ଭାଗ ନେଉଛନ୍ତି । ଏହା ଆସନ୍ତା ରବିବାର ପର୍ଯ୍ୟନ୍ତ ଅନୁଷ୍ଠିତ ହେବ । ଏହି ବ୍ୟାଡ଼ମିଣ୍ଟନ ମହାକୁମ୍ଭକୁ ଓଡିଶା ରାଜ୍ୟର ବ୍ୟାଡ଼ମିଣ୍ଟନ ଆସୋସିଏସନର ସମ୍ପାଦକ ଶ୍ରୀ ନିଲିନ କୁମାରଙ୍କ କରକମଳରେ ଉଦଘାଟିତ ହୋଇଯାଇଛି । ଏହି ଉଦଘାଟନ ସମାରୋହରେ ଆଶ୍ରୟର ସଭାପତି ପ୍ରଦୀପ କୁମାର ପଟ୍ଟନାୟକ, ବରିଷ୍ଠ ସଭ୍ୟ ମହମ୍ମଦ ଫାୟାଜ ଜାଫର ଏବଂ ଆଶ୍ରୟର ସମ୍ପାଦକ ରଞ୍ଜନ କୁମାର ସ୍ୱାଇଁ ପ୍ରମୁଖ ଯୋଗଦେଇଥିଲେ । ସରକାରଙ୍କର ସମ୍ପୂର୍ଣ୍ଣ କୋଭିଡ ନିୟମକୁ ପାଳନ କରାଯାଇ ଏହି ପ୍ରତିଯୋଗିତା ଅନୁଷ୍ଠିତ ହେଉଅଛି ।

ଏହି ପ୍ରତିଯୋଗିତାରେ ଓଡ଼ିଶାର ବିଭିନ୍ନ ସ୍ଥାନରୁ ପ୍ରତିଯୋଗୀମାନେ ଭାଗ ନେଉଛନ୍ତି । ଏହି ଖେଳ ଯଥାକ୍ରମେ ବାଳକ ସିଙ୍ଗଲ ଏବଂ ଡବଲ, ବାଳିକା ସିଙ୍ଗଲ ଏବଂ ଡବଲ, ଯୁଗ୍ମ ଡବଲସ ଖେଳାଯିବ । ସମୁଦାୟ ୫ ଟି ଇଭେଣ୍ଟରେ ଖେଳ ଅନୁଷ୍ଠିତ ହେଉଅଛି ।ଏହି ଖେଳରେ ୧୬ ଜଣ ପ୍ରତିଯୋଗୀଙ୍କୁ ପୁରସ୍କାର କରାଯିବ । ଖେଳ ବାବଦରେ ପୁରସ୍କାର ରାଶି ୪୭ ହଜାର ଟଙ୍କା ଖର୍ଚ୍ଚ କରିବାକୁ ସଂଘଠନ ତରଫରୁ ସ୍ଥିରୀକୃତ ହୋଇଛି । ଆଜି ଏଠାରେ ବାଳକ ଓ ବାଳିକା କୁ ମିଶାଇ ୮୦ ଟି ମ୍ୟାଚ ଅନୁଷ୍ଠିତ ହୋଇଥିଲା । ଏହାକୁ ଓଡିଶା ବ୍ୟାଡ଼ମିଣ୍ଟନ ଆସୋସିଏସନର ମ୍ୟାଚ ରେଫ୍ରି ଶ୍ରୀମତୀ ରିତା ଦାଶ ଏବଂ ଅନ୍ୟ ଅଧିକାରୀମାନେ ପରିଚାଳନା କରିଥିଲେ । ଏହି ପ୍ରତିଯୋଗିତାକୁ ଆଶ୍ରୟର ସଭ୍ୟ ସ୍ୱରାଜ ପଟ୍ଟନାୟକ, ପୁଣ୍ୟଶ୍ଳୋକ ଦଳାଇ, ଦିବ୍ୟରଞ୍ଜନ ମହାନ୍ତି, ଶରତ ବେହେରା ପ୍ରମୁଖ ସହଯୋଗ କରିଥିଲେ ।