ଦୁଗଲ ପଞ୍ଚାୟତ ବାସୀ ମାନେ ବର୍ଷା ଜଳ ନିଷ୍କାସନ ଦାବିରେ ବ୍ଳକ କାର୍ଯ୍ୟାଳୟ ଘେରିଲେ

  ସାକ୍ଷୀଗୋପାଳ------- ସତ୍ୟବାଦୀ ବ୍ଳକ ଅନ୍ତର୍ଗତ ଦୁଗଲ ଗ୍ରାମ ପଞ୍ଚାୟତରେ ଲଗାଣ ବର୍ଷା ପାଣି ସଠିକ ନିଷ୍କାସନ ନହେବାରୁ ଶହ ଶହ ଏକର ଧାନ ଫସଲ ନଷ୍ଟ ହେବା ସହ ମାଛ, ପନିପରିବା ଚାଷ ନଷ୍ଟ ହୋଇଥିବା ଅଭିଯୋଗ କରି ବ୍ଳକ କାର୍ଯ୍ୟାଳୟ ଘେରିଥିଲେ । ଅଠାଇଶ, ପଞ୍ଚୁକେରା, ଅନ୍ତରପନ୍ଥ, ବୁଢ଼ୀମରା ଦକ୍ଷିଣସାହି ପ୍ରମୁଖ ଗ୍ରାମ ଗୁଡିକରେ ପାଣି ରାସ୍ତା ଉପରେ ଚାଲିବା ସହ ବିଲ ବାରିରେ ବର୍ଷା ଜଳ ଲହଡି ଭାଙ୍ଗୁଛି । ପ୍ରଶାସନ ସବୁ ଜାଣି ମଧ୍ୟ ସେପରି ପଦକ୍ଷେପ ନେଉନାହିଁ ବୋଲି ଅଭିଯୋଗ କରିଛନ୍ତି ଚାଷୀ ମାନେ ।  ବିଶେଷ କରି ୩୧୬ ଜାତୀୟ ରାଜପଥ ଦୋହରୀ କରଣ ହେବା ସମୟରେ ବୀରଗୋବିନ୍ଦପୁର ଶଙ୍ଖ, ବୁଢ଼ାମରା ଶଙ୍ଖ, ପଞ୍ଚୁକେରା ଶଙ୍ଖରେ ପାଣି ନିଷ୍କାସନକୁ ସଙ୍କୁଚିତ କରାଯିବା ସହ ସଠିକ ପାଣି ନିଷ୍କାସନ ହେଉନାହିଁ । ଯାହା ଫଳରେକି ଦୁଗଲ ଗ୍ରାମ ପଞ୍ଚାୟତର ଅନେକ ଗ୍ରାମ ଗହିର ଗୁଡିକର ଧାନ ଫସଲ ନଷ୍ଟ ହେଉଛି ବୋଲି ଚାଷୀ ମାନେ ଅଭିଯୋଗ କରିଛନ୍ତି । ଶେଷରେ  ବିଡିଓ କ୍ଷୀରୋଦ କୁମାର ବେହେରା ଅଭିଯୋଗ ଅନୁଯାୟୀ ସମସ୍ତ ଗ୍ରାମ ଗୁଡିକ  ତଦନ୍ତ କରିବା ପରେ ଯାହା କିଛି ପଦକ୍ଷେପ ନେବେ ବୋଲି କହିବା ପରେ ଆନ୍ଦୋଳନ ସ୍ଥଗିତ ରଖାଯାଇଥିବା ଜଣାପଡିଛି ।  ସାକ୍ଷୀଗୋପାଳରୁ ଧୀରେନ୍ଦ୍ର ସେନାପତି, ୨୨/୯/୨୦୨୧---୫,୧୦   Sakhigopal News, 22/9/2021