ଡେଲାଙ୍ଗରେ କଂଗ୍ରେସର ବ୍ଳକ ସ୍ତରୀୟ କର୍ମୀ ସମ୍ମଳନୀ
ଡେଲାଙ୍ଗ ----ଡେଲାଙ୍ଗ କୋଠବାଡ ପଞ୍ଚାୟତର ରାମଚନ୍ଦ୍ରପୁର ଗ୍ରାମ ଠାରେ କଂଗ୍ରେସର ବ୍ଳକ ସ୍ତରୀୟ କର୍ମୀ ସମ୍ମଳନୀ ଅନୁଷ୍ଠିତ ହୋଇଯାଇଛି । ପିପିଲି ଉପନିର୍ବାଚନ ବୈତରଣୀପାରି ହେବା ପାଇଁ କଂଗ୍ରେସ ନେତାଙ୍କ ଠାରୁ କର୍ମୀ ମାନେ ଏକାଠି ହୋଇଥିଲେ । କର୍ମୀ ମାନଙ୍କ ମନବଳ ବଡଇବାକୁ ନେତା ମାନେ ବିଭିନ୍ନ ଗୁରୁମନ୍ତ୍ର ଦେଇଛନ୍ତି । ବ୍ଳକ କଂଗ୍ରେସ ସଭାପତି ରବିନ୍ଦ୍ର କୁମାର ଦାସ ଉକ୍ତ ସଭାରେ ଅଧ୍ୟକ୍ଷତା କରିଥିଲେ । ପ୍ରଦେଶ କଂଗ୍ରେସ କମିଟିର ସଭାପତି ନିରଞ୍ଜନ ପଟ୍ଟନାୟକ, କାର୍ଯ୍ୟକାରୀ ସଭାପତି ଚିରଞ୍ଜିବି ବିଶ୍ୱାଳ, ଏଆଇସିସି ସାଧାରଣ ସମ୍ପାଦକ ରୁଦ୍ର ରାଜୁ, ଅଶୋକ ଦାସ, ନାରାୟଣ ଜେନା, ପର୍ଯ୍ୟବେକ୍ଷକ ତଥା ପୂର୍ବତନ ମନ୍ତ୍ରୀ ଗଣେଶ୍ୱର ବେହେରା, ଜିଲ୍ଲା ପ୍ରଭାରୀ ରମାବଲ୍ଲଭ ରଥ, ପ୍ରାକ୍ତନ ବିଧାୟକ ବିପିନି ଦାସ, କଂଗ୍ରେସର ମୁଖପାତ୍ର ନିଶିକାନ୍ତ ମିଶ୍ର, ପ୍ରଦେଶ କଂଗ୍ରେସ କମିଟିର ମହିଳା ସମ୍ପାଦିକା ନିରୁପମା ପାତ୍ର, ବିଧାୟକ ଭୁଜବଳ ମାଝି ପ୍ରମୁଖ ଏହି କର୍ମୀ ସମ୍ମଳନୀରେ ଯୋଗ ଦେଇଥିଲେ । ରାଜ୍ୟ ସକରାରଙ୍କ ବିଫଳତା ସମ୍ପର୍କରେ ଯୋଗ ଦେଇଥିବା କଂଗ୍ରେସର ନେତା ମାନେ କର୍ମୀ ମାନଙ୍କୁ କହିଥିଲେ । କଂଗ୍ରେସର ସାଂଗଠନିକ ସ୍ଥାଣୁତା, ତଥା ରାଜ୍ୟ ସ୍ତରୀୟ ନେତୃବୃନ୍ଦଙ୍କ ଅପରାଗତ ଓ ନିଷ୍ପୟତାସମ୍ପର୍କରେ କର୍ମୀମାନେ କହିଥିଲେ । ତେବେ ସମସ୍ତ ଭେଦଭାବ ଭୁଲି ଅଗାମୀ ନିର୍ବାଚନରେ ଦଳୀୟ ପ୍ରାର୍ଥୀ ବିଶ୍ୱକେଶନ ହରିଚନ୍ଦନ ମହାପାତ୍ରଙ୍କୁ ପିପୁଳ ସଂଖ୍ୟାରେ ଭୋଟ ଦେଇ ଜୟଯୁକ୍ତ କରିବାକୁ କଂଗ୍ରେସର ନେତୃବୃନ୍ଦ କର୍ମୀ ମାନଙ୍କୁ ନିବେଦନ କରିଥିଲେ । ବିଶ୍ୱରଞ୍ଜନ ବଳବନ୍ତରାୟ, ଦେବ ପ୍ରସାଦ ରାଉତରାୟ, ଲକ୍ଷ୍ମୀଧର ପ୍ରଧାନ, ପ୍ରହଲ୍ଳାଦ ପ୍ରଧାନ ପ୍ରମୁଖ କଂଗ୍ରେସ କର୍ମୀ ମାନେ ଯୋଗ ଦେଇଥିଲେ । ଡେଲାଙ୍ଗ- ପିପିଲି ନିର୍ବାଚନ ମଣ୍ଡଳୀର ବିକାଶ ପାଇଁହାତ ଚିହ୍ନରେ ଭୋଟ ଦେଇ ଜୟଯୁକ୍ତ କରିବା ପାଇଁ ପ୍ରାର୍ଥୀ ବିଶ୍ୱକେଶନ ହରିଚନ୍ଦନ ମହାପାତ୍ର କର୍ମୀ ସମ୍ମଳନୀରେ ଉପସ୍ଥିତ ଥିବା କର୍ମୀ ମାନଙ୍କୁ ନିବେଦନ କରିଥିଲେ ।
ସାକ୍ଷୀଗୋପାଳରୁ ଧୀରେନ୍ଦ୍ର ସେନାପତି, =୨୧/୯/୨୦୨୧-=୧୦,୨୧
Sakhigopal News, 21/9/2021
