୧୬୪ ଲିଟର ଦେଶୀମଦ ଜବତ , ଜଣେ ମହିଳା ସମେତ ୪ ଗିରଫ

ଭଞ୍ଜନଗର-- ଭଞ୍ଜନଗର ଥାନା ଅଞ୍ଚଳରେ ଯେତେ ଚଢ଼ାଉ କଲେ ବି କମୁନି ଚୋରା ମଦ ପ୍ରସ୍ତୁତ କାରବାର । ମାଫିଆ ମାନେ ଯେକୈ।ଣସି ପ୍ରକାରେ ସେମାନଙ୍କ ଚୋରା କାରବାର ଚଳାଇ ଆସୁଛନ୍ତି । ହେଲେ ଏହି ଚୋରାମଦ ପ୍ରସ୍ତୁତ ରାକେଟ୍ କୁ ଦମନ କରିବା ପାଇଁ ମାରାଥନ ଚଢାଉ କରୁଛି ଭଂଜନଗର ଅବକାରୀ ବିଭାଗ । ଗଂଜାମ ଜିଲ୍ଲା ଭ୍ରାମ୍ୟମାଣ ନିରୀକ୍ଷକ ପ୍ରିତିଧାରା ନାୟକଙ୍କ ନେତୃତ୍ବରେ , ଭଂଜନଗର ବଡମରାଠୀସାହି ,ସାନପଥରା , ବଡକୋଦଣ୍ଡା ଓ ମୁଜାଗଡ ର ବିଭିନ୍ନ ସ୍ଥାନରେ ଚଢାଉ କରାଯାଇ ୧୬୪ ଲିଟର ଚୋରା ଦେଶୀମଦ ଜବତ କରାଯାଇଥିଲା । ଏହାସହ ମଦ ପ୍ରସ୍ତୁତ ପାଇଁ ବ୍ୟବହୃତ ବିଭିନ୍ନ ଉପକରଣ ଜବତ ସହ , ୫୦୦୦ ଲିଟର ପୋଚ ନଷ୍ଟ କରାଯାଇଛି । ସମସ୍ତ ଘଟଣାରେ ସଂପୃକ୍ତ ଥିବା ଜଣେ ମହିଳା ସମେତ ୪ ଜଣଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି । ଏ ସମ୍ପର୍କରେ ୬ଟି ମାମଲା ରୁଜୁ କରାଯାଇଥିବା ନେଇ ସୂଚନା ଦେଇଛନ୍ତି ଆସିକା ଅବକାରୀ ବିଭାଗ ନିରୀକ୍ଷକ ଧିରେନ୍ଦ୍ର କୁମାର ବେହେରା । ଏହି ଚଢାଉ ରେ ଛତ୍ରପୁର ଭ୍ରାମ୍ୟମାଣ ଏସ୍.ଆଇ ଦୁର୍ଯୋଧନ ବେହେରା , ସହ-ନୀରିକ୍ଷକ ରବିନ୍ଦ୍ରନାଥ ବିଶ୍ବାଳ , ଏନ୍. ତ୍ରିପତି ରାଓ , ଓ ନୀଳାମ୍ବର ନାୟକ ପ୍ରମୁଖ ସାମିଲ ହୋଇଥିଲେ ।