ସାନ ସିନା ଦାନ ତ ମହାନ

 କୁରାଳ--- କରୋନା ମହାମାରୀ ନିମନ୍ତେ ସମଗ୍ର ଦେଶରେ ଲକ ଡାଉନ ପରିସ୍ଥିତି ଜାରି ରହିଛି।ଲକ ଡାଉନ ଯୋଗୁଁ ଅନେକ ଲୋକଙ୍କର ଜୀବନ ଜୀବିକା ଠପ ହେଇଯାଇଛି ।ଯାହା ଫଳରେ ସେମାନେ ନାନା ଅସୁବିଧାର ସମ୍ମୁଖୀନ ହେଉଛନ୍ତି ।ଦେଶର ମଧ୍ୟବିତ୍ତ ପରିବାର ଠାରୁୁ  ଧନୀ ଶ୍ରେଣୀ ଓ ସେଲିବ୍ରିଟି ପର୍ଯ୍ୟନ୍ତ ଅନେକ ବ୍ୟକ୍ତି ବିଶେଷ ସରକାରଙ୍କୁ ସହାୟତାର ହାତ ବଢ଼ାଇଛନ୍ତି । ଏହି ଲକ ଡାଉନ ସମୟରେ ଓଡ଼ଗାଁ ର ଏକ ଛୋଟ ପିଲା ଯେଉଁ ପଦକ୍ଷେପ ନେଇଛନ୍ତି ତାକୁ ସର୍ବସାଧାରଣରେ ପ୍ରସଂଶାର ସୁଅ ଛୁଟିଛି ।

ସୂଚନାଯୋଗ୍ୟ ଯେ ନଅ ବର୍ଷର ବାଳକ କୁମାର ୟସରାଜ ନିଜ ଘଡିରେ ସଞ୍ଚିତ ଅର୍ଥରାଶିକୁ ଭାଙ୍ଗି ଆଜି ନୟାଗଡ଼ ଅତିରିକ୍ତ ଜିଲ୍ଲାପାଳ ବିଧାନ ଚନ୍ଦ୍ର ରାୟଙ୍କ ଉପସ୍ଥିତିରେ ମୁଖ୍ୟମନ୍ତ୍ରୀ ରିଲିଫ ପାଣ୍ଠି ଉଦ୍ଦେଶ୍ୟରେ ୫,୩୫୦ ଟଙ୍କା  ପ୍ରଦାନ କରିଛନ୍ତି ।କୁମାର ୟସରାଜ ହେଉଛନ୍ତି ଓଡ଼ଗାଁ ଉଦ୍ୟାନ ବିଭାଗର ଅଧିକାରୀ ଅଜିତ କୁମାର ନାୟକ ଏବଂ ଓଡ଼ଗାଁ ତହସିଲଦାର ବିଜୟିତା ସାମନ୍ତସିଂହାରଙ୍କର ସୁପୁତ୍ର ।

କୁନି ବୟସରେ ଦେଶର ଅର୍ଥନୈତିକକୁ ସୃଦୃଢ଼ କରିବା ସହ ମୁଖ୍ୟମନ୍ତ୍ରୀ ରିଲିଫ ପାଣ୍ଠିକୁ ସାହାଯ୍ୟ କରିବାର ମନୋବୃତି ସଭିଙ୍କ ନିମନ୍ତେ ପ୍ରେରଣାର ଖୋରାକ ଯୋଗାଇବ ବୋଲି ବୁଦ୍ଧିଜୀବି ମାନେ ମତ ପ୍ରକାଶ କରିଛନ୍ତି। 

କୁରାଳରୁ ଅର୍ଜୁନ ସାହୁ