ବମ ପକାଇ ଡକାୟତି ,ଲକ୍ଷାଧିକ ଟଙ୍କାର ସୁନା ଗହଣା ଲୁଟ,ଜଣେ ଆହତ

ବେଗୁନିଆ---- ବାଘମାରୀ ଥାନା ଅନ୍ତର୍ଗତ  ପୋଡାଡିହ ପଞ୍ଚାୟତ ଅନ୍ତର୍ଗତ ଦିନିଆରୀ ଗ୍ରାମର  ଟାଙ୍ଗୀ ସାହିର ଯୋଗୀନାଥ ମହାରଣାଙ୍କ ଘରେ ପଶି ଡକାୟତି କରିଥିବାର ପୋଲିସ ନିକଟରେ ଅଭିଯୋଗ ହୋଇଛି । ପୋଲିସ ସୂଚନା ମୁତାବକ ଶ୍ରୀ ମହାରଣାଙ୍କ ନାରାୟଣଙ୍କର ଗତ ଚାରିମାସ ତଳେ ବିବାହ କାର୍ଯ୍ୟ ସମ୍ପନ୍ନ ହୋଇଥିଲା ।  ବୁଧବାର ରାତି ୩ ଘଟିକା ସମୟରେ  ୧୦ରୁ ୧୨ ଜଣ ଦୁବୁର୍ତ  ଠେଙ୍ଗା ବାଡି ଧରି  ପଶିବା ସହ ଭୟଭୀତ କରିବା ପାଇଁ ବାହାରେ  ବମ ପକାଇ  ଗେଟର ତାଲାକୁ ଭାଙ୍ଗି ଘର ଭିତରକୁ ପ୍ରବେଶ କରିଥିଲେ । ସୁନାଗହଣା  ଓ ଗୋଟିଏ ମୋବାଇଲ ଫୋନ ନେଇ କରି ପଳାଇ ଯାଇଥିଲେ । ଏହି ଘଟଣାରେ ପ୍ରତିରୋଧ କରିବାରୁ ଶ୍ରୀ ମହାରଣାଙ୍କ ଡାହାଣ ହାତକୁ ଠେଙ୍ଗାରେ ବାଡେଇ ଦେବାରୁ  ସେ ସାମାନ୍ୟ ଆହତ ହୋଇଥିବାର ଜଣାପଡିଛି । ଖବର ପାଇ ଖୋର୍ଦ୍ଧା ଏସପି ଅଜୟ ପ୍ରତାପ ସ୍ୱାଇଁ,ଆଡିସନାଲ ଏସପି ମାୟାଧର ସେଠୀ ,ଏସଡିପିଓ ସୁଶିଲ କୁମାର ମିଶ୍ର,ବାଘମାରୀ ଥାନା ସବଇନିସପେକ୍ଟର  ରବୀନ୍ଦ୍ର କୁମାର ପଣ୍ଡା,ବେଗୁନିଆ ପୋଲିସ ଓ ଭୁବନେଶ୍ୱର ସାଇଂଟିଫିକ ଟିମ ପହଞ୍ଚି  ତଦନ୍ତ କରିଛନ୍ତି ।  ଏ ନେଇ  ଖୋର୍ଦ୍ଧା ସଦର ଥାନା ଅଧିକାରୀ ଅର୍ଚ୍ଚନା ମଲ୍ଲିକ ୪୩/୨୦ରେ ମାମଲା ରୁଜ କରି ତଦନ୍ତ ଜାରି ରଖିଛନ୍ତି  ।
  ବେଗୁନିଆରୁ ଯୋଗେଶ୍ୱର ପଣ୍ଡା