ସତ୍ଯବାଦୀରେ କଂଗ୍ରେସ ଘର ସଜାଡୁଛି

ସାକ୍ଷୀଗୋପାଳ----  ସତ୍ୟବାଦୀରେ ଅସଡା ହୋଇଯାଇଥିବା କଂଗ୍ରେସର ଘର ଏବେ ଯୋରସୋର ସଜାଡା ଚାଲିଛି । ଯେଉଁ ମାନେ ରାଗ ଅଭିମାନ କରି ଘରକୁ ଆସୁନଥିଲେ ଏବେ ସେମାନେ ଘର ବାହୁଡା ହୋଉଥିବାର ଜଣାପଡିଛି । ସତ୍ୟବାଦୀରେ କଂଗ୍ରେସ ତାର ସ୍ଥତିକି ମଜବୁତ କରିବାରେ ଲାଗିଛି । ପୂର୍ବତନ ବିଧାୟକଙ୍କ ନେତୃତ୍ୱକୁ ବେଶ ସମର୍ଥନ ମିଳୁଥିବାର ଦେଖାଯାଉଛି । ପ୍ରତି ପଞ୍ଚାୟତରେ କର୍ମୀ ମାନେ ଏକଜୁଟ ହେବାକୁ ଲାଗିଛନ୍ତି । ଦୀର୍ଘଦିନ ପରେ ପୁଣି ନିଜ ନିର୍ବାଚନ ମଣ୍ଡଳୀକୁ ଫେରି କର୍ମୀ ମାନଙ୍କୁ ଏକାଠି କରିବାରେ ପୂର୍ବତନ ବିଧାୟକ ପ୍ରସାଦ ହରିଚନ୍ଦନ ଲାଗିପଡିଛନ୍ତି । ବିଳମ୍ବିତ ରାତି ପର୍ଯ୍ୟନ୍ତ ଲୋକ ମାନଙ୍କ ସାଥିରେ ରହି ଆଗାମୀ ଦିନରେ କିପରି ନିର୍ବାଚନ ବୈତରଣୀ ପାରି ହେବେ ସେ ନେଇ ପୁରୁଖା କର୍ମୀ ମାନଙ୍କ ମତ ନେଉଛନ୍ତି ।  ଶୁକ୍ରବାର ସଂଧ୍ୟାରେ  ବିଦ୍ୟାଧରପୁର ଗ୍ରାମ ପଞ୍ଚାୟତର ଗୁଆଳିଗୋରଡା ଗ୍ରାମର ମା କାଳିଆ ପୀଠରେ କର୍ମୀ ବୈଠକ ଅନୁଷ୍ଠିତ ହୋଇଯାଇଛି । ଏହି ବୈଠକରେ ପୂର୍ବତନ ବିଧାୟକ ପ୍ରସାଦ ହରିଚନ୍ଦନ ସଭାପତିତ୍ୱ କରି କେନ୍ଦ୍ରରେ ବିଜେପି ଓ ରାଜ୍ୟରେ ବିଜେଡି ସରକାରଙ୍କ ସମୟରେ ଖାଦ୍ୟ ସମାଗ୍ରୀର ଦରବୃଦ୍ଧି, ପେଟ୍ରୋଲ, ଡିଜେଲ ସହିତ ରନ୍ଧନଦ ଗ୍ୟାସର ଦର ବୃଦ୍ଧି ଯୋଗୁ ଲୋକମାନେ ଅତିଷ୍ଠ ହୋଇପଡିଛନ୍ତି । ଚାଷୀ ମାନଙ୍କ ସମସ୍ୟା, ଧାନର ସହାୟକ ମୂଲ୍ୟ ବୃଦ୍ଧି ସହିତ କୃଷି ଋଣ ଛାଡ କରି ପାରିନାହାନ୍ତି । ରାହୁଲ ଗାନ୍ଧୀ ରାଜସ୍ଥାନ, ମଧ୍ୟପ୍ରଦେଶ ଓ ଛତିଗଡରେ ନିର୍ବାଚ ସମୟରେ ଦେଇଥିବା ପ୍ରତିଶ୍ରୁତି କଂଗ୍ରେସ ସରକାର ଆସିବା ମାତ୍ରେ ପାଳନ କରିଛନ୍ତି । ଏଣୁ ସମସ୍ତେ ଆମେ ପଛ କଥାକୁ ଭୁଲି ଯାଇ ୨୦୧୯ରେ ହେବାକୁ ଥିବା ନିର୍ବାଚନରେ ହାତକୁ ହାତ ମିଳାଇ କାମ କରିଲେ ଆମେ ନିଶୁୟ ବିଜୟୀ ହେବା ବୋଲି ପୂର୍ବତନ ପିସିସି ସଭାପତି ଶ୍ରୀ ଚନ୍ଦନ କହିଥିଲେ । ଅନ୍ୟ ମାନଙ୍କ ମଧ୍ୟରେ ପୂର୍ବତନ ପଞ୍ଚାୟତ ସମିତି ଅଧ୍ୟକ୍ଷ ଜୟନ୍ତ କୁମାର ହୋତା, ୩୩ନଂ ଯୋନର ବ୍ଳକ କଂଗ୍ରେସ ସଭାପତି ଶରତ ମାଝୀ, ପ୍ରଭାକର ପ୍ରଧାନ, ଅଳସା ପଞ୍ଚାୟତର ପୂର୍ବତନ ସରପଞ୍ଚ ଶଙ୍କର ପ୍ରଧାନ, ନାରାୟଣ ସ୍ୱାଇଁ, ବ୍ରଜବନ୍ଧୁ ବେହେରା, କୃଷ୍ଣଚନ୍ଦ୍ର ମହାନ୍ତି, ହରିହର ସାହୁ, ବଟକୃଷ୍ଣବରାଳ, ସୁଶାନ୍ତ କୁମାର ଦାସ, ବ୍ଳକ ଯୁବ କଂଗ୍ରେସ ସଭାପତି ଦେବାଶିଷ ମିଶ୍ରଙ୍କ ସହିତ ପ୍ରାୟ ୨ଶହରୁ ଅଧିକ କର୍ମୀ ଯୋଗଦେଇଥିଲେ । 

ସାକ୍ଷୀଗୋପାଳରୁ ଧୀରେନ୍ଦ୍ର ସେନାପତି