ଜେଜେ ମାଙ୍କର ଦଶାହକୁ ଆସି ନାତିର ମୃତ୍ୟୁ; ୪ଦିନ ପରେ ପାଣିରେ ଭାସିଲା ଶବ

ସାକ୍ଷୀଗୋପାଳ-- ସତ୍ୟବାଦୀ ଥାନା ଅନ୍ତର୍ଗତ କମାରସାହିରେ ଏକ ଦୁଖଃଦ ଘଟଣା ଘଟିଯାଇଛି । ନିଜ ଜେଜେ ମାଙ୍କର ଦଶାହ କାର୍ଯ୍ୟରେଯୋଗ ଦେବାକୁ ଆସି ନାତି ସୁବାଶିଷ ମହାନ୍ତି (୨୭) ପାଣିରେ ବୁଡି ଯାଇଥିଲେ । ଶୁକ୍ରବାର ଅପରାହ୍ନରେ ଏହି ଘଟଣା ଘଟିଥିଲା  । ସୁଚନାଯୋଗ୍ୟ ଯେ ସ୍ୱର୍ଗତ ଗଗନ ବିହାରୀ ମହାନ୍ତିଙ୍କ ଏକମାତ୍ର ପୁତ୍ର ସୁବାଶିଷ ନିଜର ଜେଜେ ମାଙ୍କର ଦଶାହ କାର୍ଯ୍ୟରେ ଯୋଗଦେବା ପାଇଁ ନିଜ ମାଙ୍କ ସାଙ୍ଗରେ ଭୁବନେଶ୍ୱରରୁ  ସାକ୍ଷୀଗୋପାଳ କମାରସାହିକୁ ଆସିଥିଲେ  । ମାଙ୍କର ଦଶାହ କାର୍ଯ୍ୟରେ ଯୋଗଦେଇ ଗାଧେଇବା ପାଇଁ ପାଖରେ ଥିବା ପଦ୍ମପୋଖରୀକୁ ଯାଇଥିଲେ  । ସେଠାରେ ସମସ୍ତେ ଗାଧୁଆ ପାଧୁଆ କରିବା ପରେ ସୁବାଶିଷ ଗାଧେଇବା ପାଇଁ ତୁଟକୁ ଯାଇଥିଲେ  । ପୋଖରୀ ତୁଟରେ ନିଜର ଚପଲ, ଗାଡି ଚାବି  ଓ ଚଷମା ଥୋଇ ପୋଖରୀ ଭିତରେ ପଶିଥିଲେ  । ମାତ୍ର ସେ ଯାଣିନଥିଲେ ପୋଖରୀର ଗଭୀରତା  । ପୋଖରୀ ଖୋଳା ହୋଇଯାଇଥିବାରୁ ତୁଟ ମଧ୍ୟ ଭାଙ୍ଗିଯାଇଛି । ଯାହା ଫଳରେକି ସୁବାଶିଷ ପାଣି ଭିତରକୁ ପଣି ଯିବା ପରେ ଗଭୀର ପାଣିକୁ ଚାଲିଯାଇଥିଲେ  । ସେଠାରେ ଥିବା ପରିବାର ଲୋକ ମାନେ କିଛି ଜାଣି ପାରିନଥିଲେ  । କିଛି ସମୟ ପରେ ତାଙ୍କ ଚପଲ ଦେଖି ପାଣିରେ ବୁଡି ଯାଇଥିବା ଅନୁମାନ କରି ଅଗ୍ନିଶମ ବିଭାଗକୁ ଖବର ଦିଆଯାଇଥିଲା  । ବହୁ ଖୋଜା ଖୋଜି କରିବା ପରେ ଯୁବକଙ୍କର କୌଣସି ସନ୍ଦାନ ମିଳିନଥିଲା । ଏହାକୁ ନେଇ ସ୍ଥାନୀୟ ଅଞ୍ଚଳରେ ଲୋକମାନଙ୍କ ଠାରୁ ବିଭିନ୍ନ କଥା ଶୁଣିବାକୁ ମିଳୁଥିଲା  । ଆଜି ଏହାର ଯବନିକା ପଡିଛି । ଚାରିଦିନ ପରେ ଉକ୍ତ ଯୁବକଙ୍କର ଶବ  ପାଣିରେ ଭାସିଥିଲା  । ରବିବାର ଦିନ ଯୁବକଙ୍କର ମା ଗିତାଞ୍ଜଳି ମହାନ୍ତି ସତ୍ୟବାଦୀ ଥାନାରେ ତାଙ୍କ ପୁତ୍ର ନିଖୋଜ ହୋଇଥିବା ସମ୍ପର୍କରେ ଏକ ଅଭିଯୋଗ କରିଥିଲେ  । ଆଜି ସକାଳେ ଶବ ଭାସୁଥିବା ଖବର ପାଇ ସତ୍ୟବାଦୀ ଥାନା ଘଟଣା ସ୍ଥଳରେ ପହଞ୍ଚ  ଅଗ୍ନିଶମ ବିଭାଗ ସହଯୋଗରେ ଶବ ପାଣିରୁ କାଡିବା  ସହ ୧/୧୯ରେ ଏକ ଅପମୃତ୍ୟୁ କେସରୁଜ କରି  ବ୍ୟବଛେଦ ନିମନ୍ତେ ପୁରୀ ପଠାଇଥିବା ଜଣାପଡିଛି । ଶବ ପାଣିରୁ ପୋଲିସ କାଡିବା ପରେ ଯୁବକଙ୍କର ନାକରୁ ରକ୍ତ ବୋହିକି ଶୁଖିଯିବା ଓ ଆଖିପତା ତଳ ମାଡ ହେବାପରି କଳା ପଡିଥିବା ଦେଖି ଦେଖାଣାକାରୀ ମାନଙ୍କ ମଧ୍ୟରେ ସନ୍ଦେହ ଜାତ ସୃଷ୍ଟି ହୋଇଥିବା ଶୁଣିବାକୁ ମିଳୁଛି  ।
ସାକ୍ଷୀଗୋପାଳରୁ ଧୀରେନ୍ଦ୍ର ସେନାପତି