ଓରକଳ ପଞ୍ଚାୟତରେ ପିଠା କାର୍ଯ୍ୟକ୍ରମରେ ପୁଚି, ହୁଳହୁଳି ସହିତ ମିଜ୍ୟୁକି ଚେୟାର ପ୍ରତିଯୋଗିତା କରାଯାଇଥିଲା

ପିପିଲି--- ପିପିଲି ବ୍ଳକର ଓରକଳ  ଗ୍ରାମ ପଞ୍ଚାୟତରେ ଆଜି ଦୁତୀୟ ପର୍ଯ୍ୟାୟ ପିଠା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏହି ପିଠା କାର୍ଯ୍ୟକମ୍ରରେ ମୁଖ୍ୟ ଅତିଥି ଭାବେ  ବିଧାୟକ ପ୍ରଦୀପ ମହାରଥୀ ଯୋଗଦେଇଥିଲେ  । ପଞ୍ଚାୟତ ଅଧିବାସୀ ମାନେ ବିଧାୟକଙ୍କୁ ଏକ ବର୍ଣ୍ଣାଢ଼୍ୟ ଶୋଭାଯାତ୍ରାରେ ଗ୍ରାମ ମୁଣ୍ଡରୁ ବାଣ, ବାଜା , ଶଙ୍ଖ ବଜାର ସଭାସ୍ଥଳ ପର୍ଯ୍ୟନ୍ତ ପାଛୋଟି ନେଇଥିଲେ  । ଏହି ଅବସରରେ ସିଡିପିଓ କାର୍ଯ୍ୟାଳୟ ପକ୍ଷରୁ ମହିଳା ମାନଙ୍କ ପାଇଁ ପୁଚି, ହୁଳହୁଳି ଓ ମ୍ୟାଜିକ ଚେୟାର ପ୍ରତିଯୋଗିତା କରାଯାଇଥିଲା ।  । ପ୍ରତିଯୋଗିତାରେ ସଫଳତା ଅର୍ଜନ କରିଥିବା ମହିଳା ମାନଙ୍କୁ ବିଧାୟକ ପୁରଷ୍କାର ପ୍ରଦାନ କରିଥିଲେ  ।  ସେହିପରି ମୁଖ୍ୟମନ୍ତ୍ରୀ ସୁନେତ୍ର ଯୋଜନାରେ ପ୍ରାୟ ୨୦ ଜଣଙ୍କର ଚକ୍ଷୁ  ପରୀକ୍ଷା କରାଯାଇ ଚଷମା ପ୍ରଦାନ କରାଯାଇଥିଲା  । ଅନୁଷ୍ଠିତ ସଭାରେ ବ୍ଳକର ଉପାଧ୍ୟକ୍ଷ ଯୁଧିଷ୍ଠିର ସ୍ୱାଇଁ ଅତିଥି ପରିଚୟ ପ୍ରଦାନ କରିବା ସହ ସ୍ୱାଗତ ଭାଷଣ ଦେଇଥିଲେ  । ପଞ୍ଚାୟତର ଉନ୍ନତି ପାଇଁ ବିଭିନ୍ନ ଯୋଜନା କରାଯାଇଛି ବୋଲି ଶ୍ରୀ ସ୍ୱାଇଁ କହିଥିଲେ  ।  ଅନ୍ୟତମ ଅତିଥି ଭାବେ ଆତ୍ମାର ସଭାପତି ତଥା ତେଇଶିପୁର ସଭିତିସଭ୍ୟ ଧରଣୀ ଧର ସାହୁ,  ସଂସାଦଙ୍କ ପ୍ରତିନିଧି ପ୍ରଫୁଲ କୁମାର ସ୍ୱାଇଁ,  ଜିଲ୍ଲାପରିଷଦ ସଭ୍ୟା  ସୁମିତ୍ରା ପ୍ରଧାନ,  ନାରାୟଣ ସ୍ୱାଇଁ   , ଆଇନଜିବୀ ଶ୍ରୀଧର ପ୍ରଧାନ, ସରପଞ୍ଚ ଶଙ୍କର ବେହେରା, ସମିତିସଭ୍ୟ ସୁମନ୍ତ ମଲିକ, ବିଡିଓ ଶ୍ରାମ ସୁନ୍ଦର ଟୁଡୁ, ସିଡିପିଓ କଳ୍ପନା ଜେନା,ପ୍ରମୁଖ ଯୋଗଦେଇ ସରକାରଙ୍କ ଜନହିତକର ଯୋଜନା ସମ୍ପର୍କେ ଆଲୋକପାତ କରିଥିଲେ  । ଏହି ପିଠା ଯୋଜନାରେ ଏଲଇଡି ବଲ ବଣ୍ଟନ, ସିଡିପିଓଙ୍କ କାର୍ଯ୍ୟାଳୟ ପକ୍ଷରୁ ସମସ୍ତ ଗ୍ରୁଫ ମାନଙ୍କୁ ପ୍ରମାଣପତ୍ର ଓ ଅଙ୍ଗନୱାଡି କର୍ମୀ ମାନଙ୍କୁ ପ୍ରମାଣପତ୍ର  ଅତିଥି ମାନଙ୍କ ଦ୍ୱାରା ପ୍ରଦାନ କରାଯାଇଥିଲା  । ଏହି ପିଠା କାର୍ଯ୍ୟକମରେ ବିଜୁ ଯୁବ ବାହିନୀ ଓ ମହିଳା ଗୋଷ୍ଠୀର ଶତାଧିକ ମହିଳା ପୁରୁଷ ଯୋଗଦେଇଥିଲେ  ।
ପିପିଲିରୁ ବିଜୟ କୁମାର ମହାପାତ୍ର