ରାସ୍ତା ମଝିରେ ଟ୍ରାନ୍ସଫର୍ମର ; ମରଣକୁ ନିମନ୍ତ୍ରଣ, ମୁଣ୍ଡ ଉପରେ ଝୁଲୁଛି ବିଦ୍ୟୁତ ତାର

ସମ୍ବଲପୁର ---ଡାକୁଛି ବିପଦ। ରାସ୍ତା ମଝିରେ ଟ୍ରାନ୍ସଫର୍ମର। ମୁଣ୍ଡ ଉପରେ ଝୁଲୁଛି ବିଦ୍ୟୁତ ତାର। ଶୋଇପଡ଼ିଲାଣି ଅନେକ ବିଦ୍ୟୁତ ଖୁମ୍ବ। ବର୍ଷ ବର୍ଷ ଧରି ଅଭିଯୋଗ ପରେ ମଧ୍ୟ୍ୟ ଟିପିଡବ୍ଲୁଡିଓଏଲ ଏହାର ରକ୍ଷଣା ବେକ୍ଷଣ କାର୍ଯ୍ୟକୁ  ନିଜର ଉତ୍ତର ଦାୟିତ୍ୱ ବୋଲି ଜାଣି ପାରିନି। ଏଣୁ ବିଭାଗୀୟ ଦକ୍ଷତାକୁ ନେଇ କେବଳ ପ୍ରଶ୍ନ ଉଠିନାହିଁ ବରଂ ଦୁର୍ଘଟଣା କୁ ଏଡାଇବାକୁ ବିଭାଗୀୟ ତତ୍ପରତା ଦେଖାଦେବା ଉଚିତ ବୋଲି ଏବେ ଜନମତ ସୃଷ୍ଟି ହୋଇଛି।

ଏଭଳି ଅଭାବନୀୟ ଦୃଶ୍ୟ ଦେଖିବାକୁ ମିଳିଛି ସମ୍ବଲପୁର ର ପଡିଆବାହାଲ ବିଦ୍ୟୁତ ସବଷ୍ଟେସନ ଅନ୍ତର୍ଗତ ବାହାମ ପଞ୍ଚାୟତର ନୁଆଁକଣ୍ଟା ଗ୍ରାମରେ। ଗ୍ରାମବାସୀଙ୍କ ଏହା ବର୍ଷ ବର୍ଷର ଅଭିଯୋଗ। ଅଭିଯୋଗକୁ କିନ୍ତୁ ଖାତିର କରୁନି ଟିପିଡବ୍ଲୁଡିଓଏଲ। ଫଳରେ ଗାଁରେ କେବଳ ଅଶାନ୍ତି ବଢ଼ୁନି ବରଂ ଆସନ୍ନ ଦୁର୍ଘଟଣା ଭୟରେ ଗ୍ରାମବାସୀ ଆତଙ୍କିତ ଅବସ୍ଥାରେ ରହିଛନ୍ତି। ଜନ ମାନସରେ ଲୁଚି ରହିଥିବା ଏଭଳି ଦୃଶ୍ୟ ସାମ୍ନାକୁ ଆସିବା ପରେ ଏବେ ଦେଖିବାକୁ ବାକି ରହିଲା ଟିପିଡବ୍ଲୁଡିଓଏଲ କରୁଛି କଣ? । ଏ ଘଟଣା ପ୍ରତି ଜିଲାପାଳ ଓ ବିଧାୟକ ତୁରନ୍ତ ନଜର ଦେବାକୁ ଦାବି ହେଉଛି । ସମ୍ବଲପୁର ରୁ ରାଜା ରାମ ଷଡ଼ଙ୍ଗୀଙ୍କ ରିପୋର୍ଟ,୨୦/୫/୨୦୨୫---୯,୪୫ Sakhigopal News,20/5/2025