ସାକ୍ଷୀଗୋପାଳ -- ଏବେ କାଠ ମାଫିଆଙ୍କ ଆଖି ପଡିଛି ନଦୀ ପଠା ଉପରେ । ଯେଉଁଠିକି କେହି ଅଧିକାରୀ ମାନେ ଯାଆନ୍ତି ନାହିଁ । ନଦୀପଠାରେ ଥିବା ତାଳଗଛ ଗୁଡିକ କଟାଯାଉଛି । ସେମାନେ ଲିଜ ଓ ଜଙ୍ଗଲ ବିଭାଗଙ୍କ ଠାରୁ ଅନୁମତି ନେଇ ଗଛ କାଟୁଛନ୍ତି ବୋଲି ପଚାରିଲେ ସେମାନେ କହନ୍ତି । ଭାର୍ଗବୀ ନଦୀ ପଠାରୁ ଚାଲିଛି ଅବାଧ ଗଛ କଟା । ସ୍ଥାନୀୟ କିଛି ମାଫିଆ କାଠ ପୋଲ ନିର୍ମାଣ ନାମରେ ନଦୀ ପଠାରୁ ତାଳଗଛ କାଟି ବିକ୍ରି କରିବାରେ ଲାଗିଛନ୍ତି ବୋଲି ଗ୍ରାମବାସୀ ଅଭିଯୋଗ କରିଛନ୍ତି । ଗଙ୍ଗାନାରାୟଣପୁର ପଞ୍ଚାୟତ ପରିସୀମା ଭାର୍ଗବୀ ନଦୀ ଦୁଇ ଭାଗରେ ବିଭକ୍ତ କରୁଛି । ଡାହାଣ ପାଶ୍ୱର୍ରେ ମାଳିସାହି,ତିଆଡିସାହି, ଦଣ୍ଡା,ଘୋଡାହତା ଗ୍ରାମ ସହିତ ୩ଟି ୱାର୍ଡ ରହିଛି । ଏହି ଗ୍ରାମର ଲୋକମାନେ ବିଭିନ୍ନ କାର୍ଯ୍ୟ ପାଇଁ ଚନ୍ଦନପୁର ଯାଇଥାନ୍ତି । ଯାତାୟତ ସୁବିଧା ପାଇଁ ବର୍ତମାନ ଏହି ନଦୀ ଉପରେ ଏକ ଅସ୍ଥାୟୀ କାଠପୋଲ ନିର୍ମାଣ ପାଇଁ ପ୍ରସ୍ଥାବ ରହିଛି । ଏଥିପାଇଁ ୧୦ଲକ୍ଷ ଟଙ୍କାର ଅନୁଦାନ ମିଳିଥିବାର ଜଣାପଡିଛି । କିନ୍ତୁ କିଛି ଅସାଧୁ ତଥା କାଠ ମାଫିଅ୍ୱାମାନେ ପୋଲ ନିର୍ମାଣ ନାମରେ ଦଣ୍ଡା ଗ୍ରାମ ସଲଗ୍ନ ନଦୀ ପଠାରୁ ୩୦ରୁ ଉର୍ଦ୍ଧ ତାଳଗଛ କାଟି ଦେଇଛନ୍ତି । ଏ ସମ୍ପର୍କରେ ସ୍ଥାନୀୟ ବାସିନ୍ଦା ବିଭାଗୀୟ କର୍ମଚାରୀଙ୍କୁ ଅବଗତ କରିଥିଲେ ମଧ୍ୟ ବିଭାଗୀୟ ସବୁ ଜାଣି ଚୁପ ସେମାନଙ୍କ ବିରୁଧରେ କାର୍ଯ୍ୟନୁଷ୍ଠାନ ଗ୍ରହଣ କରିବାକୁ ପଛଘୁଞ୍ଚା ଦେଉଛନ୍ତି । ଏ ସମ୍ପର୍କରେ ପୁରୀ ସଦର ତହସିଲଦାର ବରଣ୍ୟେନ୍ଦୁ ମହାନ୍ତିଙ୍କୁ ପଚାରିବାରୁ ସେ କହନ୍ତି ସ୍ଥାନୀୟ ରାଜସ୍ୱ ନିରୀକ୍ଷକଙ୍କୁ ତଦନ୍ତ କରିବାକୁ ନିର୍ଦେଶ ଦିଆଯିବ ଏବଂ ବେଆଇନ ଭାବରେ ଗଛ କାଟିଥିବା ବ୍ୟକ୍ତିମାନଙ୍କ ବିରୋଧରେ ଦୃଢ କାର୍ଯ୍ୟନୁଷ୍ଟାନ ଗ୍ରହଣ କରାଯିବ ବୋଲି କହିଛନ୍ତି ।
ସାକ୍ଷୀଗୋପାଳରୁ ଧୀରେନ୍ଦ୍ର ସେନାପତି
