ବଡକୋଦଣ୍ଡା ଉଚ୍ଚ ବିଦ୍ୟାଳୟ ପରିସରରେ ଚତୁର୍ଥ ପ୍ରଧାନଶିକ୍ଷକ ଙ୍କ ସମ୍ମିଳନୀ ଅନୁଷ୍ଠିତ

ଭଞ୍ଜନଗର :--- ଜବାହର ନୋଡାଲ ଉଚ୍ଚ ବିଦ୍ୟାଳୟ, ବଡ କୋଦଣ୍ଡା ଠାରେ ଚତୁର୍ଥ ମାସିକ ମାଧ୍ୟମିକ ପ୍ରଧାନଶିକ୍ଷକ ମାନଙ୍କ ବୈଠକ ଅନୁଷ୍ଠିତ ହୋଇଛି।ବରିଷ୍ଠ ଗୋଷ୍ଠୀ ଶିକ୍ଷାଧିକାରୀ ଏସ.ଧନଞ୍ଜୟଙ୍କ ସଭାପତିତ୍ୱରେ ଅନୁଷ୍ଠିତ ହୋଇଯାଇଛି l ଏଥିରେ ଡ଼ି. ବି. ସରକାରୀ ବାଳିକା ଉଚ୍ଚ ବିଦ୍ୟାଳୟର ପ୍ରଧାନଶିକ୍ଷୟିତ୍ରୀ ସ୍ୱରାଜ କହଁର, ଜବାହର ଉଚ୍ଚ ବିଦ୍ୟାଳୟର ପ୍ରଧାନଶିକ୍ଷକ ସନ୍ତୋଷ ଜେନା, ବାହାଡାପଦର ଉଚ୍ଚ ବିଦ୍ୟାଳୟର ପ୍ରଧାନଶିକ୍ଷକ ସିଦ୍ଧାର୍ଥ ଶଙ୍କର ସ୍ୱାଇଁ  ଉପସ୍ଥିତ ରହିଥିଲେ। ଏହି ବୈଠକର ଉଦ୍ଦେଶ୍ୟ ଓ ଲକ୍ଷ୍ୟ ଉପରେ କହିଥିଲେ l ଜିଲୁଣ୍ଡି ଉଚ୍ଚ ବିଦ୍ୟାଳୟ ର ଭାରପ୍ରାପ୍ତ ପ୍ରଧାନ ଶିକ୍ଷୟିତ୍ରୀ ଟିକିନି ବିଷୋୟୀ ସ୍ୱାଗତ ସଂଗୀତ ପରିବେଷଣ କରିଥିବାବେଳେ ୟୁ. ବି

ହାଇସ୍କୁଲର ଭାରପ୍ରାପ୍ତ ପ୍ରଧାନଶିକ୍ଷକ ଉମାକାନ୍ତ ନାହାକ ଗତ ବୈଠକର ବିବରଣୀ ପାଠ କରିଥିଲେ l ସାଧନ ଶିକ୍ଷକ ଭାବେ  ସିଦ୍ଧାର୍ଥ ସ୍ୱାଇଁ, ଆଦିତ୍ୟ ପ୍ରସାଦ ତ୍ରିପାଠୀ ଓ ଶ୍ୟାମ ପ୍ରସାଦ ମିଶ୍ର ବିଶ୍ୱ ଓଡ଼ିଆ ସମ୍ମିଳନୀ ଉତ୍ସବ ପାଳନ, ହାଉସ ସିଷ୍ଟମ ର କାର୍ଯ୍ୟକାରିତା, ମାଟ୍ରିକ ପରୀକ୍ଷା ପାଇଁ ପ୍ରସ୍ତୁତି, ଏସ.ଆଇ.ଓ.ଏସ ନାମଲେଖା, ଉତ୍କର୍ଷ, ଡିଜିଟାଲ ପାଠାଗାର, ଇ -କଣ୍ଟେଣ୍ଟ, ବଜ୍ରପାତ ପ୍ରତିରୋଧ ଯନ୍ତ୍ର ଉପରେ ବିଶଦ ଭାବେ କହିଥିଲେ l ଏହାସହ ସାହିତ୍ୟ ସୃଜନୀ, କୌଶଳୀ, କ୍ରୀଡ଼ାଙ୍ଗନା, ଜିଜ୍ଞାସା ଉପରେ ଆଲୋକପlତ କରିଥିଲେ l ପରେ ପରେ ସମସ୍ତ ପ୍ରଧାନଶିକ୍ଷକ ସ୍ମାର୍ଟ କ୍ଲାସ, ଲାଇବ୍ରେରୀ, ଲାବୋରଟାରୀ, ଟାଇଲେଟ, ଖେଳପଡିଆ ପ୍ରଭୁତି ବୁଲି ଦେଖି ପ୍ରଶଂସା କରିଥିଲେ l ସମସ୍ତ କାର୍ଯ୍ୟକ୍ରମକୁ ବିଦ୍ୟାଳୟର ସମସ୍ତ କର୍ମଚାରୀ ସହଯୋଗ କରିଥିଲେ ।ପଢାଳ ଉଚ୍ଚ ବିଦ୍ୟାଳୟର ପ୍ରଧାନଶିକ୍ଷକ ଦିଲ୍ଲୀପ ସ୍ୱାଇଁ ଧନ୍ୟବାଦ ପ୍ରଦାନ କରିଥିଲେ l ଆସନ୍ତା ମାସର ବୈଠକ କବି ସମ୍ରାଟ ବିଦ୍ୟାପୀଠ, କୁଲାଡ଼ ଠାରେ ହେବାପାଇଁ ସର୍ବସମ୍ମତିକ୍ରମେ ସ୍ଥିର କରାଗଲା l ଏଥିରେ ୨୭ ଟି ବିଦ୍ୟାଳୟ ର ପ୍ରଧାନଶିକ୍ଷକ, ଶିକ୍ଷୟିତ୍ରୀ ମାନେ ଯୋଗଦେଇଥିଲେ l ଭଞ୍ଜନଗରରୁ ରବିନ୍ଦ୍ର ପ୍ରଧାନଙ୍କ ରିପୋର୍ଟ,୧୧/୧/୨୦୨୪----୫,୫୦ Sakhigopal News,11/1/2024