ଶ୍ରୀ ପୁରୁଷୋତ୍ତମପୁର ନୋଡାଲ ଉଚ୍ଚ ବିଦ୍ୟାଳୟ ପରିସରରେ 'ମୋ କଥା ମୋ କାହାଣୀ' କାର୍ଯକ୍ରମ
ଶ୍ରୀ ପୁରୁଷୋତ୍ତମପୁର ନୋଡାଲ ଉଚ୍ଚ ବିଦ୍ୟାଳୟ ପରିସରରେ 'ମୋ କଥା ମୋ କାହାଣୀ' କାର୍ଯକ୍ରମ ମହା ସମାରୋହରେ ଅନୁଷ୍ଠିତ ହୋଇଯାଇଛି ।ଏହି କ୍ରୀଡାକୁ ବିଦ୍ୟାଳୟର ପ୍ରଧାନଶିକ୍ଷକ ଜଳନ୍ଧର ବେହେରା ଆନୁଷ୍ଠାନିକ ଭାବେ ଉଦଘାଟନ କରିଥିଲେ । ମୁଖ୍ୟ ଅତିଥିରୂପେ ଗୌଡକେରା ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ରୁନୁବାଳା ମହାପାତ୍ର , ଶିକ୍ଷକ ସନ୍ତୋଷ କୁମାର ପାଣି ,ସି.ଆର.ସି ପବିତ୍ର ପଣ୍ଡା , ଆଲୁମିନି ସଭାପତି ଅସିତ୍ ମିଶ୍ର ଓ କମିଟି ସଭାପତି ଅକ୍ରୁର ବରାଳ ଓଡ଼ିଆ ଭାଷା ଏବଂ ସାହିତ୍ୟ ଗୁରୁତ୍ଵ ସମ୍ପର୍କରେ ବକ୍ତବ୍ୟ ରଖିଥିଲେ । ବିଜ୍ଞାନଶିକ୍ଷକ ରତ୍ନାକର ଚମ୍ପତି ଓ ସୁକୁମାର ନାୟକ ଶିଶୁ ମାନଙ୍କ
ସୃଜନଶିଲତା ସମ୍ପର୍କରେ ଆଲୋକପାତ କରିଥିଲେ। ଶିକ୍ଷକ ମିହିର କୁମାର ମିଶ୍ର ଓ ବସନ୍ତ କୁମାର ପ୍ରଧାନ ସାହିତ୍ୟସୃଜନୀ, କୌଶଳି,ଜିଜ୍ଞାସା , କ୍ରିଡ଼ାଙ୍ଗାନ କ୍ଳବ୍ କାର୍ଯ୍ୟ ସମ୍ପର୍କରେ ଆଲୋଚନା କରିଥିଲେ।
ଶିକ୍ଷକ ସୌମ୍ୟରଂଜନ ବେହେରା,ବଳରାମ ଶବର,ସତ୍ୟ ମିଶ୍ର,ନିକୁ ପ୍ରଧାନ ଫୁଡ୍ ଷ୍ଟଲ୍ ପରିଚାଳନା କରିଥିଲେ । ବିଦ୍ୟାଳୟର ଶିକ୍ଷୟିତ୍ରୀ ସବିତା ପାଢ଼ୀ, ପଲିଶ୍ରୀ ସେଠୀ ,ସ୍ନେହଲତା ସାହୁ, ନନ୍ଦିତା ବେହେରା ସାଂସ୍କୃତିକ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ । ଉଦଯାପନୀ ସନ୍ଧ୍ୟାରେ ମୁଖ୍ୟ ଅତିଥି ରୂପେ ସରପଞ୍ଚ ହିରନ୍ୟମୟୀ ମହାପାତ୍ର,ବ୍ଲକ ଶିକ୍ଷାଧିକାରୀ ବିନୋଦ ପରମାଣିକ,ଯୋଗଦେଇ ବୈତରଣୀ ହାଉସକୁ ଶିକ୍ଷା ବର୍ଷର ଚମ୍ପିଅନ ଓ ରତ୍ନଚିରା ହାଉସ୍ କୁ ରନର୍ସ ଟ୍ରଫି ପ୍ରଦାନ କରିଥିଲେ। ଫୁଡ୍ ଷ୍ଟଲ୍ ରେ ଭାର୍ଗବୀ ହାଉସ ଓ ପ୍ରାଚୀର ପତ୍ର ରେ ଦୟା ହାଉସ ଟ୍ରଫି ଗ୍ରହଣ କରିଥିଲେ ।ପରିଶେଷରେ ଶିକ୍ଷୟିତ୍ରୀ ଗୋଦାବରୀ ସ୍ୱାଇଁ ଓ ସନ୍ତୋଷ କୁଣ୍ଡୁ ଧନ୍ୟବାଦ୍ ଅର୍ପଣ କରିଥିଲେ। ରବି ବିଶ୍ଵାଳ ଓ ଶିବ ଶତପଥୀ ଆଦି ସହକର୍ମୀ ସହଯୋଗ କରିଥିଲେ।
ଡେଲାଙ୍ଗ ରୁ ଧୀରେନ୍ଦ୍ର ସେନାପତି ଙ୍କ ରିପୋର୍ଟ,୨୧/୧/୨୦୨୪----୯,୪୫ Sakhigopal News,21/1/2024
