ବ୍ୟାଙ୍କ ଖାତା ଅପଡେଟ ମେସିନ ଅଚଳ , ବ୍ୟାଙ୍କ କର୍ମଚାରୀଙ୍କ ବ୍ୟବହାରେ ଅସନ୍ତୁଷ୍ଟ ହିତାଧିକାରୀ

ଜଟଣୀ -- ସ୍ଥାନୀୟ ଷ୍ଟେଟ ବ୍ୟାଙ୍କରେ ହିତାଧିକାରୀଙ୍କୁ ମିଳୁନାହଁ ମୌଳିକ ସେବା l ସୂଚନା ମୁତାବକ ପ୍ରତ୍ୟକ ମାସ ୧ ତାରିଖ ହେବା ମାତ୍ରେ ଶହ ଶହ ସରକାରୀ କର୍ମଚାରୀ ନିଜର ମାସିକ ବେତନ ସାଙ୍ଗକୁ ଖାତାର ଅପଡେଟ ପାଇଁ ଏବଂ ଅବସର ପ୍ରାପ୍ତ ସରକାରୀ କର୍ମଚାରୀ ମାନେ ନିଜର ପେନସନ ସାଙ୍ଗକୁ ଖାତା ଅପଡେଟ କରିବା ପାଇଁ ଭିଡ଼ ଲାଗିଥାଏ l ବିଶେଷ କରି ଷ୍ଟେଟ ବ୍ୟାଙ୍କ ଶାଖାରେ ଥିବା ତିନୋଟି ଟଙ୍କା ଜମା ଏବଂ ଉଠାଣ ମେସିନ ଏବଂ ଦୁଇଟି ବ୍ୟାଙ୍କ ଖାତା ଅପଡେଟ ମେସିନ ଥିବା ସତ୍ୱେ ଏହା ଅଧିକାଂଶ ସମୟ କାର୍ଯ୍ୟକାରୀ ନ କରିବା ଦୁଃଖର ବିଷୟ l ଏହା କାର୍ଯ୍ୟକାରୀ ନ କରିବା ଦ୍ୱାରା ହିତାଧିକାରୀ ମାନେ ବହୁ ଅସୁବିଧାର ସମ୍ମୁଖୀନ ହେଉଛନ୍ତି l ଖାତା ଅପଡେଟ କରିବା ପାଇଁ ଲୋକେ ବହୁତ ହଇରାଣ ହୁଅନ୍ତି l ସବୁ ହିତାଧିକାରୀ ଶିକ୍ଷିତ ନୂହନ୍ତି । ଯେଉଁ ମାନେ  ମେସିନରେ ଅପଡେଟ କରିବା ଜାଣନ୍ତି ନାହିଁ ସେମାନେ ଶାଖା କାର୍ଯ୍ୟାଳୟକୁ ଗଲେ ଖାତା ଅପଡେଟ କରିବା ପାଇଁ ସେଠାରେ ଥିବା କର୍ମଚାରୀଙ୍କ ବ୍ୟବହାରରେ ଅସନ୍ତୁଷ୍ଟ ହୋଉଛନ୍ତି ହିତାଧିକାରୀ l ବ୍ୟାଙ୍କ କର୍ମଚାରୀ ଜଣଙ୍କ ହିତାଧିକାରୀ ମାନଙ୍କୁ ଶାଖା କାର୍ଯ୍ୟାଳୟ ପାର୍ଶ୍ୱରେ ଥିବା ଅପଡେଟ ମେସିନରେ କରିବା ପାଇଁ କୁହନ୍ତି l ଅନେକ ସମୟରେ ଅପଡେଟ ମେସିନ ଖରାପ ଥାଏ। ଏହା ଜଣାଇଲେ ଅନଲାଇନ ମାଧ୍ୟମରେ ନିଜର ଅପଡେଟ ଦେଖି ଦିଅନ୍ତୁ ନ ହେଲେ ଅପେକ୍ଷା କରନ୍ତୁ ମେସିନ ସଜଡା ଯାଇ ଠିକ ହେଲେ ଆସି ନିଜର ଖାତା ଅପଡେଟ କରିନେବେ l ଏହି କଥା ହିତାଧିକାରୀଙ୍କ ପ୍ରତି କେତେଦୂର ଯତାର୍ଥ ଆପଣ ମାନେ ଅନୁଭବ କରନ୍ତୁ l  ଷ୍ଟେଟ ବ୍ୟାଙ୍କ ଏକ ଭାରତର ସର୍ବବୃହତ ବ୍ୟାଙ୍କ ସେବା ହୋଇଥିବା ସ୍ଥଳେ ଜଟଣୀ ଷ୍ଟେଟ ବ୍ୟାଙ୍କର ଅବହେଳିତ ସେବାକୁ ନେଇ ଜନ ସାଧାରଣ ଅସନ୍ତୁଷ୍ଟ l ବ୍ୟାଙ୍କ ଶାଖାର ଉଚ୍ଚ କତୃପକ୍ଷ ଏଥି ପ୍ରତି ନଜର ଦେଇ ସ୍ଥାନୀୟ ହିତାଧିକାରୀ କିପରି ସୁବିଧାରେ ଏବଂ ସହଜରେ ସେବା ପାଇପାରିବେ ସେଥି ପାଇଁ ଧ୍ୟାନ ଦେବାପାଇଁ ବୁଦ୍ଧିଜୀବୀ ମାନେ ମତ ପ୍ରକାଶ କରିଛନ୍ତି l ଜଟଣୀରୁ ରଙ୍ଗନାଥ ବେହେରାଙ୍କ ରିପୋର୍ଟ,୭/୧/୨୦୨୪---୯,୧୦ Sakhigopal News,7/1/2024