ଭାରତୀୟ ରେଡକ୍ରସ୍ ସୋସାଇଟି ଓଡିଶା ରାଜ୍ୟ ଶାଖା ପକ୍ଷରୁ ଅଗ୍ନିବିପନ୍ନ ପରିବାରଙ୍କୁ ସହାୟତା

 The Odisha State Branch of the Indian Red Cross Society is assisting the families of the fire victims.

ଡେଲାଙ୍ଗ --- ମହାଶିବ ରାତ୍ରି ସଂନ୍ଧ୍ୟା ସମୟରେ କୌଣସି ଏକ କାରଣ ରୁ ଡେଲାଙ୍ଗ ବ୍ଲକ ଅନ୍ତର୍ଗତ ହୁମର ଗ୍ରାମରେ ଭୟାବହ ଅଗ୍ନିକାଣ୍ଡ ଘଟି ୭ଟି ପରିବାରର ଘର ସଂପୂର୍ଣ୍ଣ ରୂପେ ଭସ୍ମୀଭୂତ ହୋଇଯାଇଥିଲା। ଅଗ୍ନିକାଣ୍ଡ ର ଭୟାବହତା ଏତେ ଥିଲା ଯେ ସମସ୍ତ ଆସବାବ,ଜରୂରୀ କାଗଜପତ୍ର, ଚାଉଳ ଓ ଧାନ ପୋଡି ଭସ୍ମିଭୂତ ହୋଇଯାଇଛି ଯାହାଦ୍ୱାରା ସେମାନେ ଅସହାୟ ହୋଇପଡିଛନ୍ତି। ଉକ୍ତ ଦୁର୍ଘଟଣା ବିଷୟରେ ସ୍ଥାନୀୟ ତହସିଲଦାର ନିବେଦିତା ପରିଡା ଓ ରେଡକ୍ରସ୍ ପରାମର୍ଶଦାତା ଅଧ୍ୟାପକ ତ୍ରିନାଥ ପରିଡାଙ୍କ ଅନୁରୋଧ କ୍ରମେ ଭାରତୀୟ ରେଡକ୍ରସ୍ ସୋସାଇଟି ଓଡିଶା ରାଜ୍ୟ ଶାଖା ର ଅବୈତନିକ ସଚିବ ସି ଟି ଏମ୍ ସୁଗୁଣା ଅଗ୍ନିକାଣ୍ଡ ରେ ପଡିତ ୭ ପରିବାରଙ୍କୁ ସହାୟତା ପ୍ରଦାନ କରିଛନ୍ତି। ଗାଦିବ୍ରହ୍ମ ମହାବିଦ୍ୟାଳୟ ର ରେଡକ୍ରସ୍ ପରାମର୍ଶଦାତା ଅଧ୍ୟାପକ ତ୍ରିନାଥ ପରିଡା

 ପ୍ରତକ୍ଷ୍ୟ ତତ୍ତ୍ୱାବଧାନ ରେ ଅଗ୍ନିବିପନ୍ନ ପିଡିତ ପରିବାର କୁ ରେଡକ୍ରସ୍ ତରଫରୁ ବାଲଟି,ତାରପୋଲିନ ପାଲ,ରୋଷେଇ ସରଂଜାମ ଆଦି ପ୍ରଦାନ କରାଯାଇଛି।ଉକ୍ତ କାର୍ଯ୍ୟକ୍ରମ ରେ ଗାଦିବ୍ରହ୍ମ ମହାବିଦ୍ୟାଳୟ ର ରେଡକ୍ରସ ସ୍ୱେଛାସେବୀ ରାଧାମୋହନ ଦାଶ,ବୈକୁଣ୍ଠ ପ୍ରଧାନ,ସ୍ଥାନୀୟ ଜନ ପ୍ରତିନିଧି ଓ ଗାଦିବ୍ରହ୍ମ ଯୁବ ସଂଗଠନ ର ସଦସ୍ୟ ବୃନ୍ଦ ଉପସ୍ଟିତ ରହି କାର୍ଯ୍ୟକ୍ରମ ପରିଚାଳନା ରେ ସହଯୋଗ କରିଥିଲେ।ରେଡକ୍ରସ୍ ଓଡିଶା ର ଏହି ମାନବବାଦୀ କର୍ଯ୍ୟାଧାରାକୁ ସାଧାରଣ ରେ ପ୍ରଂଶସା କରିବା ସହିତ ପିଡିତ ପରିବାର ମାନେ ରେଡକ୍ରସ ସଂସ୍ଥାକୁ ସାଧୁବାଦ ଜଣାଇଛନ୍ତି ।

ଡେଲାଙ୍ଗ ରୁ ଧୀରେନ୍ଦ୍ର ସେନାପତି,୯/୩/୨୦୨୨-୮,୨୦ Sakhigopal News,9/3/2022