ବୀରବଜରଂଗ କ୍ଲବ ପକ୍ଷରୁ ଏକଦିବସୀୟ ଫୁଟବଲ ଟୁର୍ଣ୍ଣାମେଣ୍ଟ ଅନୁଷ୍ଠିତ

ଭେଡେନ----- ବରଗଡ ଜିଲ୍ଲା ଭେଡେନ ବ୍ଲକ ରେମଣ୍ଡା ପଞ୍ଚାୟତ ଭୋଇପାଲି ଖେଳପଡିଆ ଠାରେ ବୀରବଜରଂଗ କ୍ଲବ ପକ୍ଷରୁ ଏକଦିବସୀୟ ଫୁଟବଲ ଟୁର୍ଣ୍ଣାମେଣ୍ଟ ଅନୁଷ୍ଠିତ ହୋଇଯାଇଛି। ଏଥିରେ ୮ ଦଳ ଅଂଶ ଗ୍ରହଣ କରିଥିଲେ। ଫାଇନାଲ ମ୍ୟାଚ ବାଘପାଲି ଓ ତୁଲଣ୍ଡି ଦଳ ଖେଳିଥିଲେ ନିର୍ଧାରିତ ସମୟରେ ଅମୀମାଂସିତ ହୋଇଥିଲା ଫଳରେ ଟାଇବ୍ରେକର୍ ମାଧ୍ୟମରେ ବାଘପାଲି ଦଳ ବିଜେତା ହୋଇଥିଲେ। ଏଥିରେ ମୁଖ୍ୟ ଅତିଥି ଭାବରେ ରେମଣ୍ଡା ର ପୁର୍ବତନ ଫୁଟବଲ ଖେଳାଳି ସଂଜୟ ନନ୍ଦ ଓ ଝିଲିମିନଣ୍ଡା ଜଗନ୍ନାଥ ଉଚ୍ଚ ବିଦ୍ୟାଳୟ ର ପ୍ରଧାନ ଶିକ୍ଷକ ଶିଶିର କୁମାର ଭୋଇ ଯୋଗ ଦେଇ ଖେଳାଳି ମାନଙ୍କୁ ଉତ୍ସାହିତ କରିବା ସହ ଟ୍ରଫି ପ୍ରଦାନ କରିଥିଲେ। ଖେଳ ପରିଚାଳନା କରିଥିଲେ ନୀଳମଣି ଓ ସାଥୀ। ଏଥିରେ ବୀର ବଜରଂଗ କ୍ଲବ ର ସମସ୍ତ ସଦସ୍ୟ ଫୁଟବଲ ଟୁର୍ଣ୍ଣାମେଣ୍ଟ ରେ ସହଯୋଗ କରିଥିଲେ।