ଐତିହ୍ୟ ଗ୍ରାମକୁ ଯାଉଥିବା ଟାଇଲିଇଟା ଟ୍ରକ ଓଲଟିଲା; ମୃତ୍ୟୁ ମୁଖରୁ ବତ୍ତିଲେ ଚାଳକ

ସାକ୍ଷୀଗୋପାଳ ----ଐତିହ୍ୟ ସୁଆଣ୍ଡୋ ଗ୍ରାମକୁ ଏକଛଅ ଚକିଆ ଟ୍ରକରେ ଲୋଡ ହୋଇ ଟାଇଲି ଇଟା ଆସୁଥିଲା । ସୁଆଣ୍ଡୋ ରାସ୍ତା ଦେଇ ଟ୍ରକଟି ଆସିଲା ବେଳକୁ କଳାପାହଡ ଗ୍ରାମ ନିକଟରେ ଟ୍ରକର ଚକା ଦବି ଯିବାରୁ ରାସ୍ତା ତଳକୁ ଟ୍ରକଟି ଓଲଟି ପଡିଥିଲା । ଟ୍ରକ ଚାଳକ ଜଣଙ୍କ ଚାପି ହୋଇ ରହିଯାଇଥିଲେ । ଗ୍ରାମବାସୀ ମାନେ ତୁରନ୍ତ ଚାପି ହୋଇ ରହିଥିବା ଗାଡି ଚାଳକଙ୍କୁ ଉଦ୍ଦାର କରି ପ୍ରଥମେ ଗବକୁଣ୍ଡ ମେଡିକାଲରେ ଭତ୍ତି କରିଥିଲେ । ସେଠାରେ ଅବସ୍ଥା ଖରାପ ହେବାରୁ ତାଙ୍କୁ ସାକ୍ଷୀଗୋପାଳ ପରେ ପରେ ପୁରୀ ମେଡିକାଲକୁ ପଠାଯାଇଥିବା ଜଣାପଡିଛି । ଗାଡି ଚାଳକ ହେଲେ ଜଗତପୁର ଥାନା ଅଞ୍ଚଳରଗିରିଧାରୀ ସାହୁ (୩୦) ବର୍ଷ ବୋଲି ଜଣାପଡିଛି । ସୁଚନାଯୋଗ୍ୟ ଯେ ଏହି ରାସ୍ତାଟି ଗ୍ରାମ ଗୃହ ଓ ରାସ୍ତା ନିର୍ମାଣ ବିଭାଗ ଅଧିନରେ ରହିଛି । ଐତିହ୍ୟ ଗ୍ରାମକୁ ରାସ୍ତାନିର୍ମାଣ ପାଇଁ ବିଭାଗ ପକ୍ଷରୁ ନିଯୁକ୍ତି କରାଯାଇଥିବା ଠିକାଦାର କାମ ଅଧାପନ୍ତରିଆ କରି ପକାଇ ଦେଇପଳାଇଛି । ଯାହା ଫଳରେକି ଆଜି ଏହି ଦୁର୍ଘଟଣା ଘଟିଲା ବୋଲି ସ୍ଥାନୀୟ ଲୋକମାନେ କହିଛନ୍ତି ।