ଅଳଗୁମ ଏ ଆର ଆଇଙ୍କୁ ମାଡ ମାରିବା ଅଭିଯୋଗରେ ସତ୍ୟବାଦୀ ଥାନାରେ ୫ ଅଟକ

ସାକ୍ଷୀଗୋପାଳ--- ଫନି ତାଲିକାରେ ଅନିୟମିତତା ନେଇ କିଛି ଜନସାଧାରଣଙ୍କ ସହିତ ବିଜେଡି ଦଳର ଆଗ ଧାଡିର କର୍ମୀ ମାନେ ଏକଜୁଟ ହୋଇ ବିରୋଧ କରିଥିଲେ ।ଏହି ବିରୋଧରେ କିଛି ଅଧିକାରୀଙ୍କ ମୁଖା ଖୋଲିଯାଇଥିଲା । ମାତ୍ର ସେ ସମୟରେ ଅଳଗୁମ ଏ ଆର ଆଇ ନିକୁଞ୍ଜ ବିହାରୀ ଦାସଙ୍କୁ ମାଡ ମାରିବା ସହ ଜାତିଅଣା ନେଇ କିଛି ଯୁବକ ମାନେ ଗାଲି ଗୁଲଜ କରିଥବା ନେଇ ତହସିଲଦାରଙ୍କୁ ଜରିଆରେ ସତ୍ୟବାଦୀ ଥାନାରେ ଅଭିଯୋଗ କରିଥିଲେ । ମାତ୍ର ଆଜି ସତ୍ୟବାଦୀ ଥାନା ଆଇଆଇସି ଦେବୀ ପ୍ରସାଦ ପାତ୍ର ୫ଜଣ ଯୁବକଙ୍କୁ ଥାନାକୁ ଡକାଇଛନ୍ତି । ଏସଡିପିଓ ଦେବ ପ୍ରସାଦ ବରାଳ ସତ୍ୟବାଦୀ ଥାନାରେ ପହଞ୍ଚି ଘଟଣା ସମ୍ପର୍କରେ କ୍ଷିନ୍ନଭିନ୍ନ କରି ତଦନ୍ତ ଆରମ୍ଭ କରିଛନ୍ତି । ଅନ୍ୟ ପକ୍ଷେ ଥାନାକୁ ଡକାଯାଇଥବା ସୁନିଲ କୁମାର ପଣ୍ଡା କହିଛନ୍ତି ଯେ ସିସି ଫୁଟେଜ ଦେଖାଯାଉ ଯେଉଁମାନେ ଦୋଷୀ ସେମାନଙ୍କ ବିରୁଧରେ କାର୍ଯ୍ୟନୁଷ୍ଠାନ ଗ୍ରହଣ କରାଯାଉ । ଏହା ସହିତ ସ୍ଥାନୀୟ ବିଧାୟକ, ଉପଜିଲ୍ଲାପାଳ ଓ ଅତିରିକ୍ତ ଜିଲ୍ଲାପାଳ, ତହସିଲଦାରଙ୍କ ଆଗରେ ସଦାନନ୍ଦପୁର ଆର ଆଇ ଜଣେ ଅଯୋଗ୍ୟ ଲୋକଙ୍କୁ ତହସିଲଦାରଙ୍କ କଥାରେ ଯୋଗ୍ୟ କରିଥିବା କଥା ସ୍ୱୀକାର କରିଥିଲେ  ମଧ୍ୟ ସେ ଆରଆଇ ଓ ତହସିଲଦାର କାହିଁକି ଗିରଫ ବା ନିଳମ୍ଭିତ ହୋଇନାହାନ୍ତି ବୋଲି ପ୍ରଶ୍ନ ଉଠାଇଛନ୍ତି ଶ୍ରୀ ପଣ୍ଡା । ଏହାର ଜବାବ ଆଗାମୀ ଦିନରେ ସତ୍ୟବାଦୀ ଜନସାଧାରଣ ମାଗିବେ ବୋଲି ଶ୍ରୀ ପଣ୍ଡା କହିଛନ୍ତି । ବିଳମ୍ବିତ ରାତିରେ ଥାନାରେ ପିିଆରବଣ୍ଡ ରେ ଅଟକ ଥିବା ଯୁବକ ମାନେ ଆସିଥିବା ଜଣାପଡିଛି ।

 ସାକ୍ଷୀଗୋପାଳରୁ ଧୀରେନ୍ଦ୍ର ସେନାପତି,  ୨୦/୮/୨୦୨୧---୯,୪୫ 

 Sakhigopal News, 20/8/2021