ଓଡଗାଁ କୁ ସବଡିଭିଜନ ମାନ୍ଯତା ଦାବି କଲା କଂଗ୍ରେସ

ଓଡଗାଁ---ଓଡଗାଁ କୁ ସବଡିଭିଜନ ଦାବି ସହ ଓଡଗାଁ କୁ ପୁଣି OSRTC ବସ କାର୍ଯ୍ୟକ୍ଷମ ପାଇଁ ଦାବି କରିଛି ବ୍ଳକ କଂଗ୍ରେସ। ଆଜି ଭାରତର ପୂର୍ବତନ ପ୍ରଧାନମନ୍ତ୍ରୀ ସ୍ୱର୍ଗତ ରାଜୀବଗାନ୍ଧୀଙ୍କ ୭୭ତମ ଜନ୍ମଜୟନ୍ତୀ ଅବସରରେ ଓଡଗାଁ ବ୍ଳକ କଂଗ୍ରେସ ତରଫରୁ ସ୍ଥାନୀୟ ଦଲକ ସାହି ଠାରେ ଏକ ବୈଠକ ଅନୁଷ୍ଠିତ ହୋଇଥିଲା। ଏହି ବୈଠକ ରେ ଜିଲ୍ଲା କଂଗ୍ରେସ ସଭାପତି ରଞ୍ଜିତ ଦାସ ସ୍ୱର୍ଗତ ରାଜୀବଗାନ୍ଧୀଙ୍କ ଫଟୋରେ ପୁଷ୍ପ ମାଲ୍ୟ ଅର୍ପଣ କରି ବୈଠକଟିକୁ ଆଗେଇ ନେଇଥିଲେ । ସଭାରେ କଂଗ୍ରେସ ର ବିଭିନ୍ନ ଯୋଜନା କୁ ଉଭୟ ବିଜେଡି ଓ ବିଜେପି ସରକାର ନିଜ ନାଁ ରେ କରି ଲୋକମାନଙ୍କୁ ହଇରାଣ କରୁଛନ୍ତି । ବିଜେଡି ଓ ବିଜେପି ଉପରେ ବର୍ଷିଥିଲେ ଜିଲ୍ଲା କଂଗ୍ରେସ ସଭାପତି ଶ୍ରୀ ଦାସ।

ଏହା ସହ ବ୍ଳକ କଂଗ୍ରେସ ସଭାପତି ପୂର୍ଣ୍ଣଚନ୍ଦ୍ର ନାୟକ ମଧ୍ଯ ଓଡଗାଁ କୁ ସବଡିଭିଜନ ଦାବି ସହ ଓଡଗାଁ ରେ ପୁଣି OSRTC ବସ କାର୍ଯ୍ୟକ୍ଷମ ପାଇଁ ଦାବି ଉଠାଇଥିଲେ ।। ଏହା ସହ ଦୀର୍ଘ ବର୍ଷ ଧରି ନୟାଗଡ଼ ରେ ଶାସନ କଲେ ମଧ୍ଯ ଓଡଗାଁ କୁ ସବଡିଭିଜନ ମାନ୍ଯତା ପାଇଁ ଆନ୍ତରିକତା ନଥିବା କହି ବିଜେଡି ଉପରେ ଦୋଷାରୋପ କରିଛନ୍ତି । ଆଗମୀ ଦିନରେ ଯଦି ସରକାର ଓଡଗାଁ କୁ ସବଡିଭିଜନ ମାନ୍ଯତା ନ ଦିଅନ୍ତି ଓ ଓଡଗାଁ ରେ OSRTC ବସ ପୁଣି କାର୍ଯ୍ୟକ୍ଷମ ନ କରନ୍ତି, ତାହେଲେ କଂଗ୍ରେସ ବ୍ଳକ ଘେରାଉ ସହ ରାଜରାସ୍ତାକୁ ଓହ୍ଲାଇବ ବୋଲି ଚେତାବନୀ ନେବ ବୋଲି ଗଣମାଧ୍ୟମ ଜରିଆରେ ବ୍ଳକ କଂଗ୍ରେସ ସଭାପତି ଶ୍ରୀ ନାୟକ ସରକାରଙ୍କୁ ଚେତାବନୀ ଦେଇଛନ୍ତି। ଉକ୍ତ କାର୍ଯ୍ୟକ୍ରମ ରେ ପୂର୍ବରୁ କଂଗ୍ରେସ ଦଳ ଛାଡିଥିବା ଦୁଇ ଜଣ ବରିଷ୍ଠ ନେତା ଭଗବାନ ଆଚାର୍ଯ୍ୟ ଓ ଫକୀର ପରିଡା ପୁଣି କଂଗ୍ରେସ ଦଳ କୁ ଘର ବାହୁଡା କରିଥିଲେ।

ଏହି ବୈଠକ ରେ ଅତିଥି ଭାବେ ନୟାଗଡ଼ ଜିଲ୍ଲା କଂଗ୍ରେସ ସଭାପତି ରଞ୍ଜିତ ଦାସ, ଉପସଭାପତି ପ୍ରସାନ୍ତ ପାଇକରା, କାର୍ଯ୍ୟକାରୀ ସଭାପତି ପ୍ରତୀକ ମହାପାତ୍ର, ବ୍ଳକ କଂଗ୍ରେସ ସଭାପତି ପୂର୍ଣ୍ଣଚନ୍ଦ୍ର ନାୟକ, ଫକୀର ପରିଡା, ଭଗବାନ ଆଚାର୍ଯ୍ୟ ପ୍ରମୁଖ ବରିଷ୍ଠ କଂଗ୍ରେସ ନେତାମାନେ ଯୋଗ ଦେଇଥିଲେ ।