ଅରୁଗୁଳ ଗ୍ରାମରେ ଡେଙ୍ଗୁ ସଚେତନା ପଦଯାତ୍ରା

ଜଟଣୀ----- ଜଟଣୀ ବ୍ଲକ ଅନ୍ତର୍ଗତ ହରିପୁର ପଞ୍ଚାୟତ ଅଧୀନ ଅରୁଗୁଳ ଗ୍ରାମରେ ମହିଳା ସ୍ୱୟଂସହାୟକ ଗୋଷ୍ଟିମାନଙ୍କୁ ନେଇ ଏକ ଡେଙ୍ଗୁ ସଚେତନତ ପଦଯାତ୍ରା କାର୍ଯ୍ୟକ୍ରମ ଆୟୋଜିତ ହୋଇଯାଇଛି । ସ୍ୱୟଂସହାୟକ ଗୋଷ୍ଟିର ସୁମିତ୍ରା ମହାପାତ୍ର ଅଧକ୍ଷତାରେ ୯ଟି ସ୍ୱୟଂସହାୟକ ଗୋଷ୍ଟିର ମହିଳା ମାନେ ଏହି କାର୍ଯ୍ୟକ୍ରମରେ ଯୋଗଦାନ ଦେଇଥିଲେ । କରୋନା ମହାମାରୀ ନଯାଇଥିବା ବେଳେ ଏବେ ଡେଙ୍ଗୁର ଭୟ ସ୍ଥାନୀୟ ବାସିନ୍ଦାଙ୍କୁ ଘାରିଛି । ଲୋକମାନଙ୍କୁ ସଚେତନ କରାଇବା ପାଇଁ ଏକ ସ୍ୱତ୍ୱନ୍ତ୍ର ରାଲି ବାହାରି ଗ୍ରାମ ପରିକ୍ରମା କରିଥିଲା । କିପରି ସାଧାରଣ ଲୋକମାନେ ନିଜ ଘରେ ସଚେତନ ରହିବେ ସେ ସମ୍ପର୍କରେ ସ୍ଲୋଗାନ ଦେଇ ହାତରେ ସଚେତନତା ବାର୍ତା ଲେଖାଥିବା ଫ୍ଲାକାର୍ଡ ଧରି ସଚେତନତ କରିଥିଲେ | ଏଥି ସହିତ ମହାମାରୀ କୋରୋନାକୁ ଦୃଷ୍ଟିରେ ରଖି ଅରୁଗୁଳ ଗ୍ରାମର ଜନ କଲ୍ୟାଣ ସମିତି ତରଫରୁ ଅଙ୍ଗନବାଡି ଶିଶୁ ,ଗର୍ଭବତୀ ମା ଓ ପ୍ରସ୍ତୁତି ମା ମାନଙ୍କୁ ମାସ୍କ ସାନିଟାଇଜର ବଣ୍ଟନ କରାଯାଇଥିଲା |